လါအီကးထိဘၢၣ်(၂၂)သီ,၂၀၂၄နံၣ်
လါအီးကထိဘၢၣ်(၂၁)သီအနံၤ, ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် ဘိးဘၣ်ရၤလီၤ၀ဲလၢ လါအီးကထိဘၢၣ်(၁၅)သီအနံၤ, ဟါ(၄း၂၀)နၣ်ရံၣ်အဆၢကတီၢ် သုးကီၣ်ကးဘယ့းနီၣ်သုး ခးလီၤ(၁၂၀-မမ)ကျိဖးဒိၣ်(၁၂)ဖျၢၣ်ဆူ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်တီအူ, ဒီၣ်ဖးခိၣ်ကီၢ်ဆၣ်, ဒီၣ်ဖးခိၣ်၀့ၢ်ပူၤအဃိ ကျိဖးဒိၣ်(၆)ဖျၢၣ် လဲၤလီၤတဲၥ်ပိၢ်ဖးထီၣ်လၢ၀့ၢ်ပူၤဒီး အဂၤ(၆)ဖျၢၣ်တခီ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ ၀့ၢ်ချၢၣ်အဂ့ၢ်န့ၣ်လီၤ.
ကျိးဖးဒိၣ်တဖၣ် လဲၤလီၤတဲၥ်ပိၢ်ဖးထီၣ်၀ဲလၢ၀့ၢ်ပူၤအဃိ ဒီၣ်ဖးခိၣ်၀့ၢ်, က၀ီၤဒ့(၂), အဖံကၠဲးဆဲၣ်မိဒီးသရၣ်မုၣ်စီစီတဖၣ် ဟံၣ်ဘၣ်ဟးဂီၤကွံၥ်၀ဲ(၄)ဖျၢၣ်၀ံၤ က၀ီၤဒ့(၃), မီၣ်လ့ဘးဒီးနီၢ်ဘ့ဘးတဖၣ် အဟံၣ်(၂)ဖျၢၣ်ဘၣ်ဟးဂီၤကွံၥ်၀ဲအသိး စီၤအီၣ်နၢၤမိဒီး သရၣ်မုၣ်စီစီလၢအိၣ်ဖဲ က၀ီၤဒ့(၂)ပူၤတဖၣ် ဘၣ်ဒိ၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.
ခီဖျိလၢ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကး ခးလီၤကျိဖးဒိၣ်တဖၣ်ဆူ လီၢ်က၀ီၤကမျၢၢ်အိၣ်ဒူသ၀ီအိၣ်ဆိးလီၢ်ကျဲဖံးအီၣ်မၤအီၣ်လီၢ်ကျဲတဖၣ် တကးဘၣ် ဟဲဒုးတၢ်ကလံၤကျါတဖၣ်အဃိ လီၢ်က၀ီၤကမျၢၢ်တဖၣ် ဘၣ်ပျံၤဘၣ်ဖုးဘၣ်ယိၣ်ဘၣ်ဘှီ၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.
