လါအီးကထိဘၢၣ်(၂၁)သီ,၂၀၂၄နံၣ်
လါအီးကထိဘၢၣ်(၂၀)သီအနံၤ, သုးကီၣ်ကးသုးကလၢၤ(၃)ဖျၢၣ်လၢ အိၣ်ဆီလီၤပၥ်သးဖဲခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီးတရံးကီၢ်ဆၣ်, ရၤမတံကလံၤထံးကပၤ ဘျၢၣ်ဒိၣ်သ၀ီပူၤ သုးကီၣ်ကးအပှၤသုးဖိတဖၣ် ပၥ်တ့ၢ်သုးကလၢၤဃ့ၢ်ဖျိးကွံၥ်အသးအဂ့ၢ် သုးက့နီၣ်ဂ့ၢ်(၆) ဒုးယၤခိၣ်သုးခိၣ်ကျၢၢ်ဖိ စီၤနၢၤဒါထူစံး၀ဲန့ၣ်လီၤ.
တၢ်ထီၣ်ဒုးမၤန့ၢ် စွဲၤတီၤကိသုးကလၢၤလၢအိၣ်ဖဲ လ့က့ၣ်ကိၥ်၀့ၢ်သီအကပၤ၀ံၤအလီၢ်ခံ သ့ၣ်ဘီဘိသုးကလၢၤ အတၢ်မဲၥ်ညါသုးကလၢၤ(၃)ဖျၢၣ်လၢအဂံၢ်အဘါ(၇၀)အိၣ် သုးကီၣ်ကးအပှၤသုးဖိတဖၣ် ဘၣ်ယိၣ်လၢ KNLAသုးပၥ်ဖှိၣ်တဖၣ် ကထီၣ်ဒုး၀ဲအဃိ ပၥ်တ့ၢ်သုးကလၢၤဃ့ၢ်ဖျိးကွံၥ်သးအဂ့ၢ် စံး၀ဲန့ၣ်လီၤ.
သုးခိၣ်ကျၢၢ်ဖိ စီၤနၢၤဒါထူ စံး၀ဲလၢ” မဟါအနံၤ တၢ်ဟ့ၣ်ပလီၢ်အီၤလၢ သုမ့ၢ်တဂုၤအခံန့ၣ် တၢ်ကထီၣ်ဒုးအီၤလီၤ. အဃိ တနံၤအံၤဂုၤက့ၤအခံလီၤန့ၣ်လီၤ.“
ကတီၢ်ခဲအံၤKNLAသုးပၥ်ဖှိၣ်တဖၣ်ထီၣ်ဒုးမၤန့ၢ်ဃၣ်၀ဲသုးကလၢၤ(၂)ဖျၢၣ်အဂ့ၢ်ဟီၣ်ခိၣ်မဲၥ်ဖံးခိၣ်တၢ်မဲၥ်ညါဂံၢ်ခီၣ်ထံးတၢ်ကစီၣ်တဖၣ် စံး၀ဲန့ၣ်လီၤ.
တကးဘၣ် သုးကီၣ်ကးအီၣ်စ့ၣ်ယၣ်သုးကျိၤတဖၣ် ဟဲထီၣ်သုးကလၢၤဆူ ကီးတရံး-ရၤမတံအ့ရှၢကျဲမုၢ်အဖီၣ်အဃိ တၢ်ဒုးကဲထီၣ်သးလၢ KNLAသုးပၥ်ဖှိၣ်သုးကျိၤ၀ံၤ သုးကီၣ်ကးတပၤ ဟဲတ့ၢ်လီၤမ့ၢ်ပိၢ်လၢ Y-21အဂ့ၢ် တၢ်မဲၥ်ညါဂံၢ်ခီၣ်ထံးတၢ်ကစီၣ်တဖၣ် စံး၀ဲန့ၣ်လီၤ.
KNLA ခိၣ်ဘရၣ်သုးကျိၤ(၁), ခိၣ်ဘရၣ်သုးကျိၤ(၂) VENOM သုးပၥ်ဖှိၣ်တဖၣ် က၀ီၤကးတံၥ်ဃၣ်၀ဲ စွဲၤတီၤကိသုးကလၢၤအံၤလၢ (၇)လါဃၣ်ဃၣ်၀ံၤအလီၢ်ခံ ဖဲလါအီးကထိဘၢၣ်(၁၇)သီအနံၤ, ဂီၤအဆၢကတီၢ်န့ၣ် ထီၣ်ဒုးမၤန့ၢ်၀ဲန့ၣ်လီၤ.
Ref: DVB
