လါအီးကထိဘၢၣ်(၂၁)သီ,၂၀၂၄နံၣ်
ပကိကီၫ်ခီ,တီအူကလံၤသုးကလၢၤန့ၣ် ဖဲလါအီးကထိဘၢၣ်(၂၀)သီအနံၤန့ၣ် ဘၣ်တၫ်ဒုးအီၤဒီး(၁၀၇-မမ)မျိာ်သၣ်(၃)၀ံၤအလီၫ်ခံ ဘၣ်တၫ်ပနီၣ်လီၫ်(၂)ဖျၢၣ်အဂ့ၫ် Brave Warriors for Myanmar (BWM)ထုးထီၣ် ဘိးဘၣ်ရၤလီၤ၀ဲလီၤ.
သုးကီၣ်ကးန့ၣ် လၢထံကီၫ်ဒီတဘ့ၣ်အပူၤ မၤ၀ဲကလံၤကျါဒုးယၤတၫ်ရဲၣ်တၫ်ကျဲၤတဖၣ်၀ံၤ ထံဖိကီၫ်ဖိကမျၢၫ်ဘၣ်သံကိးမုၫ်နံၤအသိး,တီအူကလံၤသုးန့ၣ် ဘၣ်တၫ်ပာ်ဂံၫ်ပာ်ဘါအီၤလၢ ဒုးဃီၤ၀ဲတၫ်ပၢၫ်ဆၢကရၢတဖၣ်အဃိ ဘၣ်တၫ်ဒုး၀ဲအဂ့ၫ် (BWM)ပာ်ဖျါ၀ဲလီၤ.
တၫ်ဒုးတပျီ၀ဲအံၤ Brave Warriors for Myanmar (BWM)ဒီး NSA 31၀့ၫ်ပူၤတၫ်ဒုးစဲးပြဲးကရၢဒီးပရဲလိာ်ကျိ ယ့ၣ်တၣ်ရှ့ၣ်သုးပာ်ဖှိၣ်သုးကျိၤတဖၣ်မၤ၀ဲန့ၣ်လီၤ.
ဟီၣ်က၀ီၤလၢ တၫ်ပၢၫ်ဆၢဂံၫ်ဘါကရၢထီၣ်ဒုးမၤန့ၫ်တဖၣ် လၢမုၫ်နၤကတီၫ်သုးကီၣ်ကးဒုးလၢကလံၤကျါအိၣ်အသိး သုးကီၣ်ကးန့ၣ် အါတက့ၫ်ဒုး၀ဲတၫ်လီၫ်လၢ လါရှိ,မၠံးခၠ့ၣ်,ယိၤဒိၣ်ကီၫ်စဲၣ်ကလံၤထံး, ကရ့ၣ်နံၣ်ကီၫ်စဲၣ်ဒီး စကဲကီၫ်ခီတဖၣ်န့ၣ်လီၤ.
ကလံၤသုးလၢဒုးမၤဟးဂီၤကွံာ် ထံဖိကီၫ်ဖိသးသမူတၫ်စုလီၫ်ခီၣ်ခိၣ်တဖၣ် တၫ်ကြၢးဒုးဖျိးကွံာ်အီၤလံဒီး တၫ်ပၢၫ်ဆၢဂံၫ်ဘါကရၢတကပၤ ကဒုးဖျိးကွံာ်ကလံၤသုးလၢကျဲအကလုာ်ကလုာ်အဂီၫ် BWMတဲဆီၣ်တခူထီၣ်၀ဲလီၤ.
တၫ်လဲၤဒုးတီအူကလံၤသုးကလၢၤလၢမျိာ်သၣ်တဖၣ်န့ၣ် BWMကရၢဒီးတၫ်ပၢၫ်ဆၢဂံၫ်ဘါကရၢတဖၣ် မၤ၀ဲတလီၫ်လီၫ်န့ၣ်လီၤ.
