ကလံၤထံးကီၢ်ခိရံယါ ဒြိတဖၣ်မ့ၢ်ဟဲနုၥ်လီၤကဒီးန့ၣ် မ့ၢ်တၢ်ဘိးဘၣ်ရၤလီၤတၢ်ဒုးလီၤအဂ့ၢ် ကလံၤစိးကီၢ်ခိရံယါ ဟ့ၣ်ပလီၢ်

လါအီးကထိဘၢၣ်(၁၅)သီ,၂၀၂၄နံၣ်

လၢကလံၤကျါ ကလံၤထံးကီၢ်ခိရံယါဒြိတဖၣ် မ့ၢ်ဟဲနုၥ်လီၤကဒီးန့ၣ် မ့ၢ်တၢ်ဘိးဘၣ်ရၤလီၤတၢ်ဒုးလီၤအဂ့ၢ် ကခီၣ်ဆၢက့ၤ၀ဲအဂီၢ်အိၣ်ကတီၤစိပၥ်သးလံအဂ့ၢ် ကလံၤထံးကီၢ်ခိရံယါသုးမုၢ်ဒိၣ် တဲခီၣ်ဆၢက့ၤ၀ဲန့ၣ်လီၤ.

တၢ်ဖ့ၣ်စၢတဖၣ်အိၣ်ထီၣ်အဆၢကတီၢ် ကလံၤစိးကီၢ်ခိရံယါ ဟ့ၣ်လီၤတၢ်ခးပျဲတၢ်ကလုၢ်လၢ အပှၤသုးဖိလၢအိၣ်ဖဲကီၢ်ဆၢတဖၣ်၀ံၤအလီၢ်ခံ ကလံၤထံးကီၢ်ခိရံယါသုးမုၢ်ဒိၣ်တပၤစ့ၢ်ကီး ကခီၣ်ဆၢက့ၤ၀ဲအဂီၢ် အိၣ်ကတီၤစိပၥ်သးလံအဂ့ၢ် စံး၀ဲန့ၣ်လီၤ. ကလံၤထံးကီၢ်ခိရံယါတပၤ ဟဲတ့ၢ်လီၤ တၢ်ထီဒါကလံၤစိးကီၢ်ခိရံယါလံၥ်တၢ်ရၤလီၤသနူတဖၣ်လၢ ဒြိဆူထံကီၢ်ပူၤအဂ့ၢ် ကလံၤစိးကီၢ်ခိရံယါတပၤ တဲပဲၥ်အၢပဲၥ်သီ၀ဲန့ၣ်လီၤ.

ကလံၤထံးကီၢ်ခိရံယါတခီ အိၣ်ခိးကွၢ်၀ဲတၢ်အိၣ်သးတဖၣ်ဘူးဘူးတံၢ်တံၢ်လီၤ၀ံၤ တၢ်ကခီၣ်ဆၢက့ၤကလံၤစိးကီၢ်ခိရံယါအတၢ်ဃုအ့ၣ်လိၥ်တဖၣ်အဂီၢ် အိၣ်ကတီၤစိပၥ်သးလံအဂ့ၢ် ကလံၤထံးကီၢ်ခိရံယါ သုးရိၣ်မဲခိၣ်ကျၢၢ်(သဃဲၤ)ကရၢ ပှၤကတိၤတၢ်ပၢ တဲလီၤ၀ဲန့ၣ်လီၤ.

ဒြိအတၢ်လဲၤနုၥ်လီၤလၢ ကလံၤစိးကီၢ်ခိရံယါပူၤန့ၣ် တမ့ၢ်ကလံၤထံးကီၢ်ခိရံယါမၤ၀ဲဘၣ်အဂ့ၢ် ကလံၤထံးကီၢ်ခိရံယါသုးမုၢ်ဒိၣ် ဂ့ၢ်လိၥ်ဃၣ်၀ဲန့ၣ်လီၤ. ပှၤသူၣ်ဆူၣ်သးဂဲၤတဖၣ်လၢ အိၣ်ဖဲ ကလံၤထံးကီၢ်ခိရံယါတဖၣ် ရၤလီၤ တၢ်ထီဒါကလံၤစိးကီၢ်ခိရံယါလံၥ်တၢ်ရၤလီၤသနူတဖၣ်လၢကီၢ်ဆၢအိၣ်၀ဲန့ၣ်လီၤ.

ဘၣ်ဆၣ် ကလံၤစိးကီၢ်ခိရံယါတခီ ပၥ်ဒ့ၣ်ပၥ်ကမၣ်၀ဲ ကလံၤစိးကီၢ်ခိရံယါသုးမုၢ်ဒိၣ်၀ံၤ ဟ့ၣ်လီၤတၢ်ခးပျဲတၢ်ကလုၢ်လၢ ကျိဖးဒိၣ်သုးတဖၣ်လၢအိၣ်ဖဲကီၢ်ဆၢ၀ံၤ မၤပှဲၤအါထီၣ်ဃၣ်၀ဲစ့ၢ်ကီး သုးအဂံၢ်အဘါလၢ တၢ်ဒီသဒၢကလံၤကျါသုးကလၢၤတဖၣ်အပူၤန့ၣ်လီၤ.

Ref:CNA

Photo:AFP