လါစဲးပထ့ဘၢၣ်(၂၆)သီ,၂၀၂၄နံၣ်
လါစဲးပထ့ဘၢၣ်(၂၅)သီအနံၤန့ၣ် သုးကီၣ်ကးမူခိၣ်ကလံၤသီၣ်ဂီၤ၀ဲၤကျိၤ ဘိးဘၣ်ရၤလီၤ၀ဲလီၤလၢ န့ၣ်ပၠံၣ်တီၣ်ပာ်ဃုာ် ကီၫ်ခီဟီၣ်က၀ီၤဒီးကီၫ်ဆၣ်(၇)ဘ့ၣ်တဖၣ်အပူၤ ကလံၤအူ,လီဖျး,ဒီးသူးလီၤသ့အဃိ တၫ်ကဘၣ်ပလီၫ်သးန့ၣ်လီၤ.
န့ၣ်ပၠံၣ်တီၣ်,စကဲကီၫ်ခီအဆၢခိၣ်,မါတလ့,တနီသရံၣ်,ကခၠ့ၣ်,ယိၤဒိၣ်ကီၢ်စဲၣ်ကလံၤစိးဒီးကလံၤထံး,ခၠီဒီးရခၢၣ်ကီၫ်စဲၣ်, ကီၫ်ခီတဖၣ်အပူၤ တၫ်အၢၣ်ကစၢၫ်တဖၣ် ကဲထီၣ်အဃိ ကလံၤအူလီဖျးသ့၀ဲအဂ့ၫ် တဲ၀ဲလီၤ.စကဲကီၫ်ခီအဆၢခိၣ်ဒီးရခၢၣ်ကီၫ်စဲၣ်ပူၤ ထံဒိၣ်သ့ပူၤတီၤပူၤတီၤအဂ့ၫ် ဟ့ၣ်ပလီၫ်ဃာ်၀ဲလီၤ.
တကးဘၣ် အ့ၣ်ယၣ်၀တံၣ်တၫ်ပၢခိၣ်ဟီၣ်က၀ီၤ,ရၢၢ်ခၢၣ်ပီၣ်လဲၣ်နံၤဒီတကျိၤဒီးလၢပီၣ်လဲၣ်ပူၤ တဘျီတခီၣ်ကလံၤမုၫ်ဆံးလီၤဒီး လပီအကစီၤထီၣ်ထီအိၣ်တုၤလၢ (၈)ပျၫ်တုၤ(၁၀)ပျၫ်သ့အဂ့ၫ်ဒီး မိးတမးပီၣ်လဲၣ်ကျ့ၣ်ကျီၤ,တလၢၤ-တနီသရံၣ်ပီၣ်လဲၣ်နံၤဒီတကျိၤဒီးပီၣ်လဲၣ်ပူၤ လပီအကစီၤထီၣ်ထီအိၣ်တုၤ(၆)ပျၫ်တုၤ(၈)ပျၫ်သ့အဂ့ၫ်တဲ၀ဲလီၤ.
လါစဲးပထ့ဘၢၣ်(၂၅)သီတုၤ(၂၆)သီနံၤ ဟါ(၄)နၣ်ရံၣ် လၢ(၂၄)နၣ်ရံၣ်အတီၫ်ပူၤ ၀့ၫ်မါတလ့အဆၢခိၣ်တကပၤ, ၀့ၫ်မိၣ်ယွၣ်အဆၢခိၣ်,နၣ်ကးနီၫ်ကစၫ်တၫ်စံၣ်ညီၣ်ပၢလီၤသးဟီၣ်က၀ီၤဒီးကခၠ့ၣ်ကီၫ်စဲၣ်တဖၣ်အပူၤ မူခိၣ်စူၤထံအနီၣ်ထိၣ် အိၣ်၀ဲ(၁.၂)တုၤ(၂) စုမုၫ်ဒိၣ်ဒီး တၫ်စူၤအါသ့အဂ့ၫ် ကမျၢၫ်ပှၤဃုသ့ၣ်ညါမူခိၣ်ကလံၤသီၣ်ဂီၤ အူ၀့နၢၤတယာ်ဃာ်၀ဲလီၤ.
Ref: RFA
