လါစဲးပထ့ဘၢၣ်(၂၆)သီ,၂၀၂၄နံၣ်
ကီၫ်ကၠီၣ်တဲၣ်ပူၤ မုာ်ခွါကဒဲကဒဲဟံးန့ၫ်လိာ်သးန့ၫ် ဘၣ်ထွဲတၫ်ဒိးတ့ဒိးဖျီသးသဲစးတၫ်ဘျၢန့ၣ် ကၠီၣ်တဲၣ်စီၤပၤဆဲးလီၤစုမုၫ်ကျၢၫ် ပာ်ကျၢၫ်ပာ်ကျၢၤ၀ဲလီၤ.
ဘၣ်ထွဲတၫ်တ့တၫ်ဖျီ တၫ်ထဲသိးတုၤသိးတၫ်ဘျၢန့ၣ် ဒ်သဲစးတၫ်ဘျၢအသိး ကၠီၣ်တဲၣ်စီၤပၤဆဲးလီၤစုမုၫ်ကျၢၫ်၀ံၤအလီၫ်ခံ ကီၫ်ကၠီၣ်တဲၣ်န့ၣ် ကဲထီၣ်မုၫ်ထီၣ်ကလံၤထံးအ့ရှၢၣ်ထံကီၫ်အဆိကတၢၫ်တဘ့ၣ်လၢ ပာ်လုၫ်ပာ်ပှ့ၤမုာ်ခွါကဒဲကဒဲတၫ်ဒိးတ့ဒိးဖျီသးန့ၣ်လီၤ.
တၫ်ဘျၢအံၤ လၢဘျီၣ်ဒိၣ်ထးအပူၤ ဖဲလါယူၤလံအပူၤန့ၣ် ပာ်တၫ်ပာ်ဂၢၫ်ပာ်ကျၢၤ၀ဲဒီး ကကဲထီၣ်သဲစးတၫ်ဘျၢအဂီၫ် လိၣ်ဘၣ်စီၤပၤတၫ်အုၣ်ကီၤ၀ံၤ စီၤပၤနီတခီ ဖဲလါစဲးပထ့ဘၢၣ်(၂၄)သီနံၤန့ၣ် ဘိးဘၣ်ရၤလီၤပာ်ဂၢၫ်ပာ်ကျၢၤန့ၫ်၀ဲလီၤ.
တၫ်ဘျၢအံၤ လါလၢကဟဲလါယနူၤအါရံၤ(၂၂)သီနံၤန့ၣ် အသးသမူကစးထီၣ်အိၣ်၀ဲ၀ံၤ ဖဲမုၫ်နံၤလၢတၫ်ဘျၢ အသးအမူကစးထီၣ်အိၣ်အမုၫ်နံၤန့ၣ် မုၣ်ခွါကဒဲကဒဲ ပှၤဒီတၫ်အဲၣ်တီ(၁၀၀၀)ဂၤဘျဲၣ် ကဒိးတ့ဒိဖျီသး ဒီဖုဒီဂီၫ်အဂီၫ် ရဲၣ်ကျဲၤဃာ်၀ဲလီၤ.
တၫ်ဘျၢသီအပူၤ မါ,၀ၤတၫ်ကတိၤအလီၫ်န့ၣ် ဖၢနုာ်သူ၀ဲလၢ မုၣ်,ခွါ၀ံၤမုၣ်ခွါကဒဲကဒဲလၢအိၣ်ဃုာ်လိာ်သးတဖၣ် တၫ်လုၫ်ဖိအီၤဒီးတၫ်န့ၫ်သါဘၣ်တၫ်တၫ်စုလီၫ်ခီၣ်ခိၣ်တဖၣ်စ့ၫ်ကီး ဟ့ၣ်ဃာ်၀ဲတၫ်ပျဲန့ၣ်လီၤ.
တၫ်ပာ်ဂၢၫ်ပာ်ကျၢၤတၫ်ဘျၢအံၤန့ၣ် မ့ၫ်စံၣ်စိၤနုာ်အဂ့ၫ် ပှၤဟူးဂၤလၢပှၤဂ့ၫ်၀ီခွဲးယာ်တဖၣ် စံးပတြၢၤ၀ဲ၀ံၤ တၫ်အံၤဟံၣ်ဒူၣ်ဃီထၢတၫ်ထဲသိးတုၤသိးအဂီၫ် မ့ၫ်တၫ်မၤနၢၤပနီၣ်တခါလၢ တၫ်ဘၣ်ဂုၫ်ကျဲးစၢးတ့ၫ်လၢနံၣ်တဖၣ်အပူၤအဂ့ၫ် တဲ၀ဲန့ၣ်လီၤ.
Ref: VOM
