လါစဲးပထ့ဘၢၣ်(၂၅)သီ,၂၀၂၄နံၣ်
ကီၫ်အမဲရကၤပဒိၣ်န့ၣ် ဘၣ်ကိၫ်ဘၣ်ဂီၤတၫ်လၢတၫ်ဘံၣ်တၫ်ဘၢဂ့ၫ်၀ီအဃိ ရဲၣ်ကျဲၤ၀ဲလၢကတြီဃာ် သိလ့ၣ်လၢတရူးဒီးရၢရှၢၣ်ထုးထီၣ်တဖၣ်အဂ့ၫ် အမဲရကၤပဒိၣ် ဘၣ်မူဘၣ်ဒါတဂၤတဲ၀ဲလီၤ.
တၫ်ရဲၣ်တၫ်ကျဲၤလၢ တၫ်ကတြီဃာ် သိလ့ၣ်လၢတရူးဒီးရၢရှၢၣ်ထုးထီၣ်တဖၣ်န့ၣ် မ့ၫ်တၫ်ရဲၣ်တၫ်ကျဲၤတဖၣ်လၢ တၫ်ကဒီသဒၢန့ၫ် တၫ်ပညိၣ်ဒုးအမဲရကၤအဂီၫ်အဂ့ၫ် အမဲရကၤ တၫ်ကူလဲၢ်မၤကၤကိတိာ် ကၠံၣ်နၣ်ရဲၣ်မိၣ်ဒိၣ်တဲ၀ဲလီၤ.
တၫ်အံၤအကျါ လီမ့ၣ်အူသိလ့ၣ်,ဟံၣ်ဖိဃီဖိဒိးသိလ့ၣ်,သိလ့ၣ်ထြၢးဒီးလိလ့ၣ်ဘၢးတဖၣ် ပာ်ဃုာ်၀ံၤ ဒီသိလ့ၣ်အဂၤလၢလဲၤဒၣ်အကစၫ်တဖၣ်န့ၣ် တၫ်ဘျးစဲအီၤဒီးပထီၣ်ထီတၫ်သ့တၫ်ဘၣ် ပှာ်ဘျးစဲအဂၤတဖၣ်အဃိ အမဲရကၤသိလ့ၣ် လၢကျဲမုၫ်ဖီခိၣ်တဖၣ် ဒုၣ်ဒါအိၣ်မၤတံာ်တာ်အီၤလၢအယံၤသ့၀ဲအဂ့ၫ် တဲ၀ဲလီၤ.
အမဲရကၤသိလ့ၣ်တဖၣ်န့ၣ် တုၤလၢခဲကနံၤအံၤ သူ၀ဲတရူး(မ့တမ့ၫ်)ရၢရှၢၣ်အစီး၀ဲတဖၣ် ထဲတဆံးတက့ၫ်န့ၣ်လီၤ. အပူၤကွံာ်နံၣ်စ့ၫ်ကီး ဘၣ်ယိၣ်ဘၣ်ဘှီလၢတၫ်ဘံၣ်တၫ်ဘၢဂ့ၫ်၀ီအဃိ တြီဃာ်၀ဲ တၫ်သူ ဟၣ်၀့ခီပနံၣ်အပနံာ်တဖၣ်ဒံးန့ၣ်လီၤ.
စိၤခ့ခါခဲအံၤ သိလ့ၣ်တဖၣ်အိၣ်ဒီး ခဲမရၣ်,မဲာ်ခရိၣ်ဖိ,ကၠံၣ်ဖံၣ်အဲးဒီး ပတီၫ်ထီတၫ်သ့တၫ်ဘၣ်လၢ ဘျးစဲဘၣ်ထွဲတဖၣ်၀ံၤ ဒုၣ်ဒါလၢကီၫ်ချၢတဖၣ် ကွၫ်ဟုၣ်တၫ်ဂ့ၫ်တၫ်ကျိၤတဖၣ်ကန့ၫ်အဃိ တၫ်ရဲၣ်တၫ်ကျဲၤလၢတၫ်ကတြီတံာ်ဃာ်အံၤ လိၣ်လၢအမဲရကၤဒီကလုာ်တၫ်ဘံၣ်တၫ်ဘၢဂ့ၫ်၀ီဒီးထံဖိကီၫ်ဖိတၫ်ဘံၣ်တၫ်ဘၢအဂီၫ်အဂ့ၫ် အမဲရကၤတၫ်ကူလဲၢ်မၤကၤ ကိတိာ် တဲ၀ဲလီၤ.
အမဲရကၤအတၫ်ရဲၣ်တၫ်ကျဲၤတဖၣ်န့ၣ် တရူးပှၤဘၣ်မူဘၣ်ဒါတဖၣ် တဲပာ်ဒ့ၣ်ပာ်ကမၣ်၀ဲ၀ံၤ အမဲရကၤန့ၣ် ကီၫ်တရူးခီပနံာ်တဖၣ်အဖီခိၣ် လၢတဖိးသဲစးအပူၤကပညိၣ်လီၤဃီၤ၀ဲအဂီၫ် သူ၀ဲဒီကလုာ်တၫ်ဘံၣ်တၫ်ဘၢ အတၫ်ဆိကမိၣ်တဖၣ်ဒိၣ်ဒိၣ်မုၫ်မုၫ်အဂ့ၫ် တရူးထံဂုၤကီၫ်ဂၤကိတိာ်၀ဲၤကျိၤ ပှၤတဲတၫ်ပၢတဲ၀ဲလီၤ.
Ref: VOM
