လါစဲးပထ့ဘၢၣ်(၂၃)သီ,၂၀၂၄နံၣ်
ကီၫ်လဘနိၣ် ၀့ၫ်ခိၣ်ဘ့ၣ်ရိးအပူၤ အံၣ်စရ့အတၫ်ဒုးအအပူၤ ဟံးစဘိၣ်လၣ်ပတီၫ်ထီခိၣ်နၫ် လၢခံတဂၤဘၣ်သံကဒီး၀ံၤ ခံခီအဘၢၣ်စၢၤ တၫ်ဒုးကကဲထီၣ်ဒိၣ်ဒိၣ်မုၫ်မုၫ်အဂီၫ် တၫ်ဘၣ်ယိၣ်တဖၣ်အါထီၣ်၀ဲန့ၣ်လီၤ.
တၫ်ဒုးတဘျီအံၤပူၤ အံၣ်စရ့ဘိးဘၣ်ရၤလီၤ၀ဲလၢ ဟံးစဘိၣ်လၣ် ပတီၫ်ထီခိၣ်နၫ်အကျါတဂၤသံအဂ့ၫ်၀ံၤအလီၫ်ခံ ဟံးစဘိၣ်လၣ်တကပၤစ့ၫ်ကီး အ၀ဲသ့ၣ်အခိၣ်နၫ် အၤဘြၣ်ဟးအၤက့(အီဘရာဟင်အာကေး)ဘၣ်သံ၀ဲအဂ့ၫ် ပာ်ဂၢၫ်ပာ်ကျၢၤ၀ဲၤလီၤ.
ဖဲလါစဲးပထ့ဘၢၣ်(၂၀)သီနံၤ လၢကီၫ်လဘနိၣ်,ဘ့ၣ်ရိးကလံၤထံးတကပၤ,ဟံးစဘိၣ်လၣ် အတၫ်လီၫ်လၢအမ့ၫ် ဒၣ်ဟံၣ်ဟံၣ်ဟီၣ်က၀ီၤ အံၣ်စရ့အတၫ်လဲၤဒုးအပူၤ ပှၤဘၣ်သံ(၁၄)ဂၤဒီး ဘၣ်ဒိလၢအဆံဘျဲၣ်န့ၣ်လီၤ
အပူၤကွံာ် လါယူၤလံအပူၤစ့ၫ်ကီး လၢဘ့ၣ်ရိးအပူၤ အံၣ်စရ့အတၫ်ဒုးတဖၣ်အဃိ ဟံးစဘိၣ်လၣ်ပတီၫ်ထီခိၣ်နၫ်တဂၤ ဘၣ်သံတ့ၫ်၀ဲလီၤ. မုၫ်ထီၣ်တၫ်ခၢၣ်သးဟီၣ်က၀ီၤပူၤ တၫ်သဘံၣ်သဘုၣ်တဖၣ် ခံခီခံကပၤအဘၢၣ်စၢၤ ဆူၣ်ထီၣ်န့ၫ် ဒံးအလီၫ်သ့အဂ့ၫ် ဘီမုၫ်စၢဖှိၣ်ကရၢ ပတီၫ်ထီပှၤဘၣ်မူဘၣ်ဒါတဂၤ တဲဟ့ၣ်ပလီၫ်ဃာ်၀ဲလီၤ.
ဖဲတယံာ်ဒံးဘၣ်စ့ၫ်ကီး ကီၫ်လဘနိၣ်အပူၤ တၫ်ဆဲးကျိးကဟၣ်တဖၣ် ပိၫ်ဖးထီၣ်အဃိ ပှၤ(၃၇)ဂၤဘၣ်သံဒီး ဘၣ်ဒိဘၣ်ထံးလၢအကထိတဖၣ်၀ံၤ တၫ်အံၤမ့ၫ်အံၣ်စရ့အတၫ်မၤလီၤအဂ့ၫ် ဟံးစဘိၣ်လၣ်တဲဃာ်၀ဲဒီး ကမၤဆၢက့ၤ၀ဲအဂ့ၫ် ဟ့ၣ်ဃာ်တၫ်အၢၣ်လီၤန့ၣ်လီၤ.
Ref: BBC
