လါစဲးပထ့ဘၢၣ်(၂၃)သီ,၂၀၂၄နံၣ်
လါစဲးပထ့ဘၢၣ်(၁၃)သီအနံၤ, တၢ်ခိးဒုး သုးကီၣ်ကးသိလ့ၣ်ကျိၤ ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ်, ကၠဲးထိၣ်ကီၢ်ဆၣ်ဟီၣ်က၀ီၤပူၤအဃိ သုးကီၣ်ကးအသုး ဘၣ်သံ(၁၃)ဂၤဒီး ဘၣ်ဒိ၀ဲ(၂၀)ဘျဲၣ်အဂ့ၢ် တၢ်သ့ၣ်ညါဘၣ်လၢ ကၠဲးထိၣ်တၢ်ပၢၢ်ဆၢဂံၢ်ဘါကရူၢ်အအိၣ်န့ၣ်လီၤ.
လါစဲးပထ့ဘၢၣ်(၁၈)သီအနံၤ, မုၢ်ထူၣ်အဆၢကတီၢ် သုးကီၣ်ကးသိလ့ၣ်(၇)ခိၣ် သိလ့ၣ်ကျိၤလၢ အိၣ်ဟးထီၣ်၀ဲဒၣ်ဖဲ ပရဲလိၥ်ကျိတိၤသီ(မိးပလ့ၣ်)ဒီး ကလဲၤဆူဃိၣ်ထၣ်၀့ၢ်(၀့ၢ်မီၣ်လမၠဲၣ်)အံၤ တၢ်ပၢၢ်ဆၢသုးပၥ်ဖှိၣ်တဖၣ် ခိးဒုးအီၤ ဖဲ မိးပလ့ၣ်ဒီးအ့ၣ်ကဘိၣ်ကျဲမုၢ်အဘၢၣ်စၢၤအဂ့ၢ် KRF တၢ်ကစီၣ်မူဒိၣ်ခိၣ်တဂၤ တဲ၀ဲန့ၣ်လီၤ.
“တၢ်ဒိးန့ၢ်ဘၣ်တၢ်ကစီၣ်လၢ အ၀ဲသ့ၣ်ကဟဲခီ၀ဲကျဲမုၢ်အံၤအဃိ သုးပၥ်ဖှိၣ်တဖၣ် က၀ီၤဒုးအီၤလၢ RPG, ၄၀ မမ, ကျိဖးဒိၣ်ဒီးကျိဖိတဖၣ်န့ၣ်လီၤ. သုးကီၣ်ကးတပၤ သံ၀ဲ(၁၃)ဂၤ၀ံၤ ဘၣ်ဒိ၀ဲ(၂၄)ဂၤအဂ့ၢ်” စံး၀ဲန့ၣ်လီၤ.
လၢတၢ်ဒုးအပူၤ တၢ်ပၢၢ်ဆၢဂံၢ်ဘါကရူၢ်တပၤ သိၣ်ဒူတဂၤ အခိၣ်ဒူၣ်သၣ် မ့ၣ်ပိၢ်အက့အခီဘၣ်အီၤဒီး ဘၣ်ဒိ၀ဲအဂ့ၢ်အ၀ဲ စံးကဒီး၀ဲန့ၣ်လီၤ.
လၢတၢ်ဒုးအပူၤ ကၠဲးထိၣ်တၢ်ပၢၢ်ဆၢဂံၢ်ဘါကရူၢ်(KRF), ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA) ဒီးသ့ၣ်မ့တမၣ်သုးကရၢတဖၣ် ပၥ်ဃုၥ်ဒုး၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
ကၠဲးထိၣ်တၢ်ပၢၢ်ဆၢဂံၢ်ဘါကရူၢ်(KRF)တခီ တၢ်ကပညိၣ်ဒုး၀ဲ သုးဂ့ၢ်၀ီတၢ်ပညိၣ်တဖၣ်အဂ့ၢ်ဒီး သုးဂ့ၢ်၀ီတၢ်ပညိၣ်တဖၣ်လၢ အမၤဘၣ်ဒိဘၣ်ထံး ကမျၢၢ်တဖၣ် တမၤ၀ဲဘၣ်အဂ့ၢ် ဒုးသ့ၣ်ညါဃၣ်၀ဲန့ၣ်လီၤ.
Ref: DVB
