လါစဲးပထ့ဘၢၣ်(၂၃)သီ,၂၀၂၄နံၣ်
လါစဲးပထ့ဘၢၣ်(၂၂)သီအနံၤ, ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် ဘိးဘၣ်ပၥ်ဖျါဃၣ်၀ဲလၢ ထံဒိၣ်နိယွၤစးထီၣ်ကဲထီၣ်လၢ လါစဲးပထ့ဘၢၣ်(၁၄)သီအနံၤ ဖဲခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်တီအူဟီၣ်က၀ီၤပူၤအဃိ ထံၣ်လုၥ်ဘၢကွံၥ်၀ဲ သ၀ီ(၇၅)ဖျၢၣ်, ပှၤနီၣ်ဂံၢ်(၁၄၈,၅၀၀)ဂၤ ဘၣ်ကွၢ်ဆၢၣ်မဲၥ်ဘၣ် ထံတၢ်လီၤဘၣ်ယိၣ်၀ံၤ ဘၣ်ဟးဂီၤကွံၥ်၀ဲ တၢ်သိၣ်လိကၠိ(၁)ဖျၢၣ်ဒီး ဘၣ်သံ၀ဲပှၤ(၇)ဂၤန့ၣ်လီၤ.
ခီဖျိလၢထံဒိၣ်နိယွၤအဃိ ပရဲလိၥ်ကျိမုၢ်ထီၣ်တပၤကမျၢၢ်တၢ်လုၢ်အီၣ်သးသမူ,တၢ်ဖံးအီၣ်မၤအီၣ်လီၢ်ကျဲတဖၣ်လၢအမ့ၢ် တၢ်သူၣ်ဘုစံၣ်ပှဲၤလီၢ် အ့ကၢၢ်(၂၀၃၇၂.၅၇) ထံလုၥ်ဘၢကွံၥ်တကးဘၣ် ကျီၢ်,ပနၢ် ဘၣ်သံ၀ဲ အဒုခဲလၢၥ်(၇၀)ဘျဲၣ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, စယဲးကၠံးတီၣ်ခၠါကရူၢ်ပူၤစ့ၢ်ကီး တၢ်သူၣ်ဘုစံၣ်ပှဲၤလီၢ် ဘၣ်ဟးဂီၤကွံၥ်၀ဲ အ့ကၢၢ်(၆၀၀၀) ဒီး ကျီၢ်,ပနီၢ်ဘၣ်သံ၀ဲ (၇၀)ဘျဲၣ်န့ၣ်လီၤ.
၂၀၂၄နံၣ်, ထံဒိၣ်နိယွၤအံၤ လၢ(၅၈)နံၣ်အတီၢ်ပူၤ မ့ၢ်ထံဒိၣ်နိယွၤကဲထီၣ်သးအဒိၣ်ကတၢၢ်လီၤ၀ံၤ ခါလၢကဟဲ နံၣ်အတီၢ်ပူၤ တၢ်အီၣ်တၢ်အီတလၢတလီၢ်တၢ်အိၣ်သးတဖၣ် ကဲထီၣ်သ့လၢ ကီၢ်ရ့ၣ်တီအူဟီၣ်က၀ီၤပူၤန့ၣ်လီၤ.
