လါစဲးပထ့ဘၢၣ်(၂၀)သီ,၂၀၂၄နံၣ်
တၫ်ဒုးတဖၣ်အဃိ ကၠီၣ်တဲၣ်-ပယီၤတၫ်ကူလဲၢ်မၤကၤပနံာ်ကျဲမုၫ်, အ့ရှၢၣ်ကျဲမုၫ်ဒိၣ် တၫ်ကဘှီဘၣ်ကဒါက့ၤအီၤအဂီၫ် အဲၣ်ဒိးပာ်ဖှိၣ်မၤသကိးတၫ်ဒီး ကီၫ်ပယီၤပူၤ ခံခီခံကပၤသုးတဖၣ်အဂ့ၫ် ကၠီၣ်တဲၣ်ထံဂုၤကီၫ်ဂၤကိတိၥ်တဲလီၤ၀ဲလီၤ.
ကီၫ်ကၠီၣ်တဲၣ်တကပၤ ကီၫ်ဆၢတၫ်အိၣ်ဂၢၫ်ဆိးကျၢၤအဂီၫ်ဒီးတၫ်ကူလဲၢ်မၤကၤပနံာ်ကျဲကအိးထီၣ်အဂီၫ် ဂဲၤလိာ်၀ဲအဂ့ၫ် ကၠီၣ်တဲၣ်ထံဂုၤကီၫ်ဂၤကိတိာ် မါရံးဆၣ်ကၠၣ်ပိၣ်ဆၣ် တဲဘၣ် ပှၤဟံးန့ၫ်တၫ်ကစီၣ်ဖိတဖၣ်လီၤ.
ဖဲတယံာ်ဒံးဘၣ် တၫ်ဒုးတဖၣ်အဃိ အ့ရှၢၣ်ကျဲမုၫ်ဒိၣ်လၢ ဘၣ်ဟးဂီၤတ့ၫ်အံၤ တၫ်ကက့ၤဘှီဘၣ်အဂီၫ် တၫ်ဆီၣ်တခူထီၣ်အပူၤ ဒိးန့ၫ်ဘၣ်၀ဲ အ့ရှၢၣ်ထံကီၫ်တဖၣ်ဒီး ကီၫ်အ့ဒံယါထံကီၫ်တဖၣ် အတၫ်ဆီၣ်ထွဲမၤစၢၤအဂ့ၫ် အ၀ဲတဲ၀ဲလီၤ.
တနံၣ်အံၤတချူးလၢာ် ကီၫ်ကၠီၣ်တဲၣ်ကတီခိၣ်ရိၣ်မဲမၤ၀ဲဘၣ်ထွဲဒီးကီၫ်ပယီၤဂ့ၫ်၀ီ,လီၫ်က၀ီၤတၫ်တၢၣ်ပီၣ်တဲသကိးတခါ အဂီၫ် အၣ်စံၣ်ယၣ်ပှၤပၢၤလီၫ်ဆ့ၣ်နီၤ ကီၫ်လၣ်အိၣ်န့ၣ် တဲဆီၣ်တခူထီၣ်ဃာ်၀ဲ ကီၫ်ကၠီၣ်တဲၣ်အဂ့ၫ် ကၠီၣ်တဲၣ်ထံဂုၤ ကီၫ်ဂၤကိတိာ် တဲဃာ်၀ဲ၀ံၤ တၫ်ဂ့ၫ်တၫ်ကျိၤလီၤတံၫ်တခီ တဲဖျါ၀ဲတအိၣ်ဒံးဘၣ်.
“ကီၫ်ပယီၤ တၫ်သဘံၣ်သဘုၣ်တဖၣ် လၢသုးဂ့ၫ်၀ီ တၫ်ဘှါရှဲအီၤ တမ့ၫ်ကန့ၫ်ဘၣ်.တၫ်အံၤအဃိ လၢတၫ်ထံၣ်လိာ်တၢၣ် ပီၣ်တဲသကိးတဆီ တၫ်ဟံးထီၣ်ဖီၣ်ထီၣ်ဘှါဆှဲ၀ဲကန့ၫ်အဂ့ၫ်”ကၠီၣ်တဲၣ်ထံဂုၤကီၫ်ဂၤကိတိာ် မါရံး တဲ၀ဲလီၤ.
လၢကတီၫ်အံၤ ဘၣ်ထွဲတၫ်ဘှါဆှဲ ကီၫ်ပယီၤဂ့ၫ်၀ီန့ၣ် အၣ်စံၣ်ယၣ်တၫ်အၢၣ်လီၤ(၅)ထံၣ်လၢ တၫ်အၢၣ်လီၤတ့ၫ်ဃာ်န့ၣ် တဲ၀ဲလၢကီၫ်ပယီၤတကပၤ ကဒုးအိၣ်ထီၣ်အမိၫ်လံၤမိၫ်ပှၫ်ပှၫ်အဂီၫ် အဂံၫ်စၫ်အဃိ အၣ်စံၣ်ယၣ်အပတီၫ်ထီ တၫ်အိၣ် ဖှိၣ်တဖၣ်အပူၤ ပှၤဘၣ်မူဘၣ်ဒါတဖၣ် ကလဲၤထီၣ်အဂီၫ် တၫ်တြီဃာ်၀ဲလီၤ.
Ref: The Straits Times
