လါစပထ့ဘၢၣ်(၅)သီ,၂၀၂၄နံၣ်
အမဲရကၤလိၥ်ကွီၢ်၀ဲ ဟါမးအခိၣ်ယၣ်ယၣ်ဆ့ၣ်၀ၣ်ပၥ်ဃုၥ် ခိၣ်နၢ်ဒိၣ်ထီ(၆)ဂၤလၢ ဘၣ်ထွဲဒီး ဖဲအပူၤကွံၥ် လါအီးကထိဘၢၣ်(၇)သီအနံၤ, ခီဖျိလၢတၢ်လဲၤဒုးအီၤအံၣ်စရ့ထံကီၢ်ကလံၤထံးတပၤတၢ်ဂ့ၢ်အဖီခိၣ်န့ၣ်လီၤ.
ဟါမးအခိၣ်ဒီး ပှၤဘၣ်မူဘၣ်ဒါအဂုၤအဂၤတဖၣ် တၢ်ဖီၣ်အီၤတန့ၢ်ဒံးဘၣ် ဘၣ်ဆၣ် လၢအံၣ်စရ့ကလံၤထံးတပၤတၢ်လဲၤမၤပျီၣ်မၤဂီၤ ဒီး တၢ်က့ၤဖီၣ်န့ၢ်ဆူၣ်ကမျၢၢ်တၢ်ဂ့ၢ်အဖီခိၣ် ဟါမးခိၣ်နၢ်တဖၣ် ကဟံးန့ၢ်မူဒါအဂီၢ် အမဲရကၤစံၣ်ညီၣ်ပီတ့၀ဲၤကျိၤ လိၥ်ကွီၢ်၀ဲ အဆိကတၢၢ်တဘျီန့ၣ်လီၤ.
ယၣ်ယၣ်ဆ့ၣ်၀ၣ်ပၥ်ဃုၥ်ပှၤလၢတၢ်လိၥ်ကွီၢ်ဃၣ်အီၤတဖၣ်မ့ၢ်၀ဲ ဟါမးအခိၣ်လီၢ်လံၤအစမ့ဟၣ်နံၣ်ယၣ်(အစ္စမေးလ်ဟာနီယာ),ဟါမးစုက၀ဲၤကရၢခိၣ်(၂)မၣ်၀ၣ်အ့ဆၣ်(မာဝန်အစ်ဆာ),ဟါမးခိၣ်နၢ်ဒိၣ်ထီ(၃)ဂၤလၢ ဟူးဂဲၤသုးဂ့ၢ်၀ီတဖၣ် ဖဲကၣ်စၣ်ဒီးမုၥ်နုၢ်တပၤန့ၣ်လီၤ.
လၢတၢ်လိၥ်ကွီၢ်အီၤတဖၣ်အပူၤတခီ ခီဖျိလၢတၢ်မၤသံမၤ၀ီၤ, တၢ်မၤစုဆူၣ်ခီၣ်တကး အမဲရကၤထံဖိကီၢ်ဖိ ဒီးသူ၀ဲစုက၀ဲၤလၢ တၢ်မၤသံသ့ပှၤကညီဒီဒူၣ်ဒီထၢပၥ်ဃုၥ် တၢ်လိၥ်ကွီၢ်အီၤလၢ တၢ်ဂ့ၢ်(၇)ထံၣ်အဖီခိၣ်န့ၣ်လီၤ.
လၢန့ၣ်အမဲၥ်ညါ တဆံယၤဖှိၣ်အတီၢ်ပူၤ ဟါမးကရၢလၢ မၤတ့ၢ်၀ဲ တၢ်မၤပျီၣ်မၤဂီၤတဖၣ်ဒီး ဖဲအပူၤကွံၥ် တနံၣ်ဃၣ်ဃၣ်အဆၢကတီၢ် ခီဖျိလၢဟဲဒုး၀ဲ အံၣ်စရ့ကလံၤထံးတပၤအဃိ ပှၤ(၁၂၀၀)ဂၤဘၣ်သံ၀ဲတၢ်ဂ့ၢ်တဖၣ်အဖီခိၣ် တၢ်လိၥ်ကွီၢ်အဂ့ၢ် ပှၤဘၣ်မူဘၣ်ဒါတဖၣ် တဲ၀ဲန့ၣ်လီၤ.
Ref: BBC
