လါစပထ့ဘၢၣ်(၆)သီ,၂၀၄နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်မုၢ်တြီၢ်ဟီၣ်က၀ီၤပူၤ လါအီကူး(၁)လါအတီၢ်ပူၤ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA),သုးပၥ်ဖှိၣ် ဒီးသုးကီၣ်ကးအဘၢၣ်စၢၤ တၢ်ဒုးကဲထီၣ်တ့ၢ်၀ဲ(၁၁၅)ဘျီ၀ံၤ သုးကီၣ်ကးအသုးသံ(၃၅)ဂၤဒီးဘၣ်ဒိ၀ဲ(၁၃)ဂၤအဂ့ၢ် ခ့ၣ်အဲၣ်ယူၣ်-မုၢ်တြီၢ် ထုးထီၣ်ပၥ်ဖျါဃၣ်၀ဲန့ၣ်လီၤ.
မမ့ၢ်လၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA) ဒီးသုးပၥ်ဖှိၣ်တပၤတခီ တၢ်ဘၣ်ဒိဘၣ်ထံးဒီးတၢ်သံတၢ်ပှၢ်တအိၣ်၀ဲဘၣ်အဂ့ၢ် စံး၀ဲန့ၣ်လီၤ.
ခံခီခံကပၤတၢ်ဒုးကဲထီၣ်သးအပူၤ သုးကီၣ်ကးအသုး ခးလီၤကျိဖးဒိၣ်အဖျၢၣ်(၂၀)ဘျဲၣ်အဃိ လီၢ်က၀ီၤကမျၢၢ်(၁)ဂၤ ဘၣ်ဒိ၀ဲအသိး ကျီၢ်(၁)ဒုစ့ၢ်ကီး ဘၣ်ဒိ၀ဲအဂ့ၢ် ခ့ၣ်အဲၣ်ယူၣ်-မုၢ်တြီၢ်ပၥ်ဖျါဃၣ်၀ဲန့ၣ်လီၤ.
ဒ်န့ၣ်အသိး KNLA ၊ PDFဒီးသုးပၥ်ဖှိၣ်တဖၣ် ထီၣ်ဒုး၀ဲ သုးကီၣ်ကးအစွဲၣ်တီၣ်ကိသုးကလၢၤလၢအိၣ်ဖဲ ကၠီၣ်တဲၣ်-ကညီကီၢ်ဆၢ, ကီၢ်ရ့ၣ်ဒူပျၥ်ယၥ်, လ့က့ၤကိၤ၀့ၢ်သီအကပၤအဃိ တၢ်ဒုးတဖၣ်ဆူၣ်ထီၣ်၀ဲန့ၣ်လီၤ.
တကတီၢ်ဃီ KNLA,PDF,သုးပၥ်ဖှိၣ် ဒီးသုးကီၣ်ကးအဘၢၣ်စၢၤ တၢ်ဒုးကဲထီၣ်သးဖဲ ကီၢ်ရ့ၣ်ဒူပျၥ်ယၥ်, နိၣ်တကီကီၢ်ဆၣ်, အနါကွ့တၢ်တိၤကျၢၤသုးကလၢၤအကပၤန့ၣ်လီၤ.
