လါစပထ့ဘၢၣ်(၄)သီ,၂၀၂၄နံၣ်
ရှၢရှါကီၢ်ခိၣ်ပူၣ်တ့ၣ်အံၤ ခီဖျိလၢမၤကမၣ်သုးကွီၢ်မ့ၣ်တဖၣ် ဖဲယူၣ်ကရ့ၣ်ထံကီၢ်အပူၤအဃိ ICCထုးထီၣ်ဃၣ်၀ဲ တၢ်ဖီၣ်န့ၢ်တၢ်ပျဲဘၣ်ဆၣ် လဲၤတုၤဆူ ICCကရၢထံကီၢ် မိၣ်ကိၣ်လံယါန့ၣ်လီၤ.
ပူၣ်တ့ၣ်အံၤ ကလဲၤထီၣ်၀ဲ ဖဲအပူၤကွံၥ်(၁၉၃၉)နံၣ်, တၢ်ဒုးကဲထီၣ်တ့ၢ်သးလၢ ဆိၣ်ဘံၣ်ယဲး,မိၣ်ကိၣ်လံယါသုးဒီး ယပၣ်သုးမုၢ်ဒိၣ်အဘၢၣ်စၢၤ နိၣ်မိၣ်ဟၣ်တၢ်ဒုး မုၢ်နံၤဆၢက့ၤပှဲၤထီၣ်(၈၅)နံၣ် တၢ်မၤလၤကပီၤအမူးအဂီၢ် ဟဲ၀ဲဆူကီၢ်မိၣ်ကိၣ်လံယါ၀ံၤ ထံၣ်လိၥ်တၢၣ်ပီၣ်တဲသကိးတၢ်ဒီး ကီၢ်ခိၣ် Ukhnaa Khurelsukhန့ၣ်လီၤ.
ICC ကရၢထံကီၢ်လၢအမ့ၢ် မိၣ်ကိၣ်လံယါအံၤ ပှၤတဂၤလၢကွီၢ်ဘျီၣ်တၢ်မ့ၢ်ထုးထီၣ်ဃၣ် တၢ်ဖီၣ်န့ၢ်တၢ်ပျဲ မ့ၢ်ဟဲနုၥ်လီၤလၢထံကီၢ်ပူၤန့ၣ် မူဒါအိၣ်လၢတၢ်ကဘၣ်ဖီၣ်အီၤဘၣ်ဆၣ် ဘၣ်ထွဲဒီးပူၣ်တ့ၣ်တၢ်ဟဲအဖီခိၣ်တခီ တၢ်သုဖီၣ်အီၤတဂ့ၤအဂီၢ် အၢၣ်လီၤဆိပၥ်အဂ့ၢ် ပှၤပဲၥ်ထံနီၤဖးတဖၣ် စံး၀ဲန့ၣ်လီၤ.
ရှၢရှါပဒိၣ် ပှၤတဲတၢ်ပၢ ဒံၣ်မံၣ်ထရံၣ်ပဲးကီး(ဒီမီထရီပက်စ်ကော့)စ့ၢ်ကီး ဘၣ်ထွဲဒီး ကီၢ်ခိၣ်ပူၣ်တ့ၣ်အတၢ်လဲၤမိၣ်ကိၣ်လံယါအဂီၢ် တၢ်ဘၣ်ယိၣ်ဘၣ်ဘှီတအိၣ်၀ဲဘၣ်အဂ့ၢ် တဲဃၣ်၀ဲ၀ံၤ တၢ်ခဲလၢၥ်တၢ်ကတဲၥ်ကတီၤဆိပၥ်သးအဂ့ၢ် တဲ၀ဲန့ၣ်လီၤ.
ဘၣ်ထွဲဒီး တၢ်ဖီၣ်န့ၢ်တၢ်ပျဲ ပူၣ်တ့ၣ်တၢ်ဂ့ၢ်အဖီခိၣ် တၢ်ကဟံးစုနဲၣ်ကျဲဒ်လဲၣ်န့ၣ် ကီၢ်မိၣ်ကိၣ်လံယါပဒိၣ်တပၤ တထုးထီၣ်ပၥ်ဖျါဃၣ်၀ဲနီတမံၤဒံးဘၣ်. မမ့ၢ်လၢ ယူၣ်ကရ့ၣ်တခီ တၢ်ကဖီၣ်အီၤ ပူတ့ၣ်လၢတၢ်ဖီၣ်န့ၢ်တၢ်ပျဲအသိးအဂီၢ် ဃ့ထီၣ်ဃၣ်၀ဲလၢ မိၣ်ကိၣ်လံယါအအိၣ်န့ၣ်လီၤ.
Ref: NHK
