လါအီကူး(၂၆)သီ,၂၀၂၄နံၣ်
အံၣ်စရ့ကလံၤစိး သုးကလၢၤ(၁၁)ခါ တၫ်ပညိၣ်ဃီၤ၀ဲ၀ံၤ ခးဆၢက့ၤ၀ဲလၢ မျိာ်သၣ်ယူၤအခိၣ်(၃၂၀)ဘျဲၣ်အဂ့ၫ် ဟံးစဘိၣ်လၣ်ကရၢလၢ အိၣ်ဆီလီၤအသးဖဲ ကီၫ်လဲးဘနိၣ်ပူၤတဖၣ်တဲ၀ဲလီၤ.
တဘီယူၤလၢပှၤတဘၣ်နီ,ကးယူၣ်ရှၣ်မျိာ်သၣ်ယူၤတဖၣ် ခးစိဃီၤ၀ဲဆူ အံၣ်စရ့တကပၤ၀ံၤ စးထီၣ်ဒုးယၤတၫ်ရဲၣ်တၫ်ကျဲၤဖးဒိၣ်လံအဂ့ၫ်တဲ၀ဲလီၤ.အံၣ်စရ့သုးတကပၤစ့ၫ်ကီး ဟံးစဘိၣ်လၣ်တၫ်ပညိၣ်လီၫ်လၢအိၣ်ဖဲလဲးဘနိၣ်တဖၣ် ဒုးဆိ၀ဲအိၣ်န့ၣ်လီၤ.
အံၣ်စရ့ထံကီၫ်ဒီတဘ့ၣ်အပူၤ၄၈နၣ်ရံၣ် ဂ့ၫ်ဂီၫ်အူတၫ်အိၣ်သး, တၫ်ဒီသဒၢကိတိာ်ယီးကဲၣ်လၣ်(ယော့ဗ်ဂယ်လ် လန့်) ဘိးဘၣ်ရၤလီၤဃာ်၀ဲလီၤ.ဘၣ်ကူၣ်ရံၣ်ယိၣ်ကဘီယူၤသန့(ဘန်ဂူရီယွန်လေဆိပ်)လၢအိၣ်ဖဲတဲအဘံး(တဲလ်အဗစ်)စ့ၫ်ကီး တၫ်လဲၤထီၣ်က့ၤလီၤတၫ်ဖံးတၫ်မၤတဖၣ် ဘၣ်တၫ်ပတုာ်ဃး၀ဲလီၤ.
အံၣ်စရ့ပဒိၣ်ကရၢ အတၫ်အိၣ်ဖှိၣ်န့ၣ် ဖဲတနံၤအံၤတၫ်ကမၤ၀ဲအိၣ်၀ံၤ တယံာ်ဘၣ်န့ၣ် ကမျၢၫ်တၫ်ဒီသဒၢတၫ်နဲၣ်ကျဲအသီ ကဘိးဘၣ်ရၤလီၤ၀ဲအဂ့ၫ် အံၣ်စရ့သုးတဲ၀ဲလီၤ.လဲးဘနိၣ်ကလံၤထံးကမျၢၫ်တဖၣ် ကအိၣ်ယံၤဒီး ဟံးစဘိၣ်လၣ်အဂီၫ် အံၣ်စရ့သုးဟ့ၣ်ပလီၫ်ဃး၀ဲလီၤ.
အံၣ်စရ့တကပၤ တမ့ၫ်ကမၤ၀ဲတုၤလၢ တၫ်ဒုးကဘၣ်ကဲထီၣ်ခဲလၢာ်ဘၣ်အဂ့ၫ်ဒီး ကွၫ်ဟီၣ်ခိၣ်လိၤတၫ်အိၣ်သးတဖၣ်၀ံၤမးဒီး ကမၤဆၢ၀ဲအဂ့ၫ် အံၣ်စရ့ထံဂုၤကီၫ်ဂၤကိတိာ် ဘိးဘၣ်ရၤလီၤ၀ဲလီၤ.
ကိၣ်လၣ်လီၫ်က၀ီၤထီၣ်ထီ အံၣ်စရ့ ဒုးန့ၫ်ဃးအပူၤ ဒုးန့ၫ်ဃး ကိၣ်လၣ်လီၫ်က၀ီၤထီၣ်ထီအပူၤ တၫ်ဒုးဒီးမျိာ်သၣ်ယူၤ တဖၣ်အဃိ ဖိသၣ်ပာ်ဃုာ် ပှၤ(၁၂)ဂၤဘၣ်သံအဃိ ဟံးစဘိၣ်လၣ်ပတီၫ်ထီ သုးခိၣ်နၫ်တဂၤ အံၣ်စရ့လဲၤခးသံ၀ဲ ခီဖျိ လၢကလံၤကျါ၀ံၤအလီၫ်ခံ တခီခံကပၤ တၫ်ဖ့ၣ်ဆၢဆူၣ်ထီၣ်၀ဲလီၤ.
Ref: BBC
