လါအီကူး(၂၁)သီ,၂၀၂၄နံၣ်
တၫ်ကထီၣ်ဘၣ် ကမျၢၫ်တၫ်မၤကဲသုးတၫ်မၤလိအဂီၫ် တလၢၤကီၫ်စဲၣ်ပူၤပိာ်မုၣ်တဖၣ် သုးကီၣ်ကးဟ့ၣ်တၫ်ဆီၣ်သနံး လူၤထၢန့ၫ်ဆူၣ်၀ဲအဂ့ၫ် တလၢၤကီၫ်စဲၣ်ပူၤ ပှၤအိၣ်ခိးကွၫ် ပှၤဂ့ၫ်၀ီခွဲးယာ်တဖၣ် တဲ၀ဲလီၤ.
တၫ်ကလဲၤထီၣ်ဘၣ် သုးတၫ်မၤလိဖဲနီၫ်ဂံၫ်(၄)သုးမုၫ်ဒိၣ်တၫ်သုးထီထီၣ်ပတီၫ် တၫ်ဂဲၤလိကၠိလၢအိၣ်ဖဲ တလၢၤကီၫ်စဲၣ်,သၣ်ဖၠူၣ်စယးကီၫ်ဆၣ်အဂီၫ် သ၀ီသးပှၫ်တဖၣ် လူၤထၢ၀ဲ ပိာ်မုၣ်လၢအသးနံၣ်ပှဲၤလၢကဘၣ်ကဲသုးတဖၣ် အမံၤအသၣ်၀ံၤ ဖဲလါအီကူးအပူၤ ဆှၢ၀ဲဆူသုးတၫ်မၤလိအဂ့ၫ် တလၢၤကီၫ်စဲၣ်ပှၤဂ့ၫ်၀ီခွဲးယာ်ဖိၣ်ဒ့ရှ့(မွန်ပြည်လူ့အခွင့်အရေး ဖောင်ဒေးရှင်း)တဲ၀ဲလီၤ.
ပိာ်ခွါတဖၣ်တကးဘၣ်,ပိာ်မုၣ်ဆံးတဖၣ်စ့ၫ်ကီး တၫ်ထၢအမံၤအသၣ်စရီ၀ံၤ တၫ်ဆှၢအီၤဆူ သုးတၫ်မၤလိန့ၣ် မ့ၫ်သုးကီၣ်ကးမၤကမၣ် ပှၤဂ့ၫ်၀ီခွဲးယာ်အဂ့ၫ် တလၢၤကီၫ်စဲၣ်ပှၤဂ့ၫ်၀ီခွဲးယာ်ဖိၣ်ဒ့ရှ့အဖရိၣ်ကရၣ်ဒၣ်ရဲးထၢၣ် နဲၣ်အဲမိၣ်တဲ၀ဲလီၤ.
“လၢတၫ်ဖီၣ်စုက၀ဲၤအပူၤ နီၫ်ကစၫ်မ့ၫ်တဘၣ်သး တၫ်မ့ၫ်ဆှၢန့ၫ်ဆူၣ်အီၤန့ၣ် မ့ၫ်တၫ်မၤကမၣ်ပှၤဂ့ၫ်၀ီခွဲးယာ်ဒိၣ်ဒိၣ် မုာ်မုာ်န့ၣ်လီၤ.ထုးထီၣ်ဃာ်တၫ်ဘျၢထဲလဲၣ်မ့ၫ်ဂ့ၤ အ၀ဲသ့ၣ်အတၫ်ပညိၣ်န့ၣ် မ့ၫ်ဒ်သိးကသူ၀ဲလၢကဒဲကဒဲကဒုးလိာ် သးအဂီၫ်,သးစၫ်တဖၣ် တၫ်ဟ့ၣ်မူဟ့ၣ်ဒါအီၤလၢ တၫ်ဘၣ်ယိၣ်အလီၫ် တၫ်ဒုးပျီန့ၣ် အသးတအိၣ်လဲၤဘၣ်ဒီးတၫ်မၢ န့ၫ်ဆူၣ်အဃိ မ့ၫ်တၫ်လၢထီဒါ ပှၤဂ့ၫ်၀ီခွဲးယာ်န့ၣ်လီၤ.”
တလၢၤကီၫ်စဲၣ်ပှၤဂ့ၫ်၀ီခွဲးယာ်ဖိၣ်ဒ့ရှ့(မွန်ပြည်လူ့အခွင့်အရေးဖောင်ဒေးရှင်း)အတၫ်မၤနီၣ်စရီအဖိခိၣ် တလၢၤကီၫ်စဲၣ်ပူၤ တကးဘၣ်,ကညီကီၫ်စဲၣ်ဒီးတနီသရံၣ်ကီၫ်ခီပူၤ ပိာ်မုၣ်သးစၫ်တဖၣ်စ့ၫ်ကီး ကကဲသုးအဂီၫ် ဘၣ်တၫ်လူၤထၢစရီ အဂ့ၫ်တဲ၀ဲလီၤ.
သုးကီၣ်ကးန့ၣ် မၤဆူၣ်ထီၣ် တၫ်လူၤထၢသုးဖိအသီတဖၣ်အဃိ ပိာ်မုၣ်သးစၫ်အါတက့ၫ်န့ၣ် ပာ်တ့ၫ်ကွံာ်တၫ်အိၣ်ဆိးလီၫ် ပဒ့ၣ်ဟးဆှဲးသးအဂ့ၫ် တလၢၤကီၫ်စဲၣ်ပှၤလီၫ်က၀ီၤဖိတဖၣ်တဲ၀ဲလီၤ.
ကမျၢၫ်တၫ်ဘၣ်ကဲသုးတၫ်ဘျၢအဖီခိၣ် တၫ်ကဲသုးအဂီၫ် ပိာ်မုၣ်လၢအိၣ်လၢသးနံၣ်တၫ်ပာ်ပနီၣ်အပူၤတဖၣ် သုးတၫ်မၤလိ(၅)၀ီတ၀ီ ကကိးအ၀ဲသ့ၣ်အဂ့ၫ် သုးကီၣ်ကး ဘိးဘၣ်ရၤလီၤ၀ဲလီၤ.ဘိးဘၣ်ရၤလီၤ၀ဲဒ်သိးန့ၣ်၀ံၤအလီၫ်ခံ လၢထံကီၫ်ဒီတဘ့ၣ်အပူၤ ကီၫ်ဆၣ်,က၀ီၤဒ့ဒီးသ၀ီတဖၣ်အပူၤ သ၀ီပၢပြးကရၢဖိတဖၣ် လူၤထၢပိာ်မုၣ်သးစၫ်လၢအသးနံၣ် ပှဲၤစရီတဖၣ်န့ၣ်လီၤ.
Ref: RFA
