လါအီကူး(၂၁)သီ,၂၀၂၄နံၣ်
ဖဲလၢလါအီကူး(၁၇)သီဒီး(၁၈)သီအနံၤန့ၣ် တၢ်မၤ၀ဲ ကညီဒီကလုၥ်မၤထူရၤမုၢ်နံၤဒီး ကညီလုၢ်လၢ်ထူသနူလါခူးကံၢ်စုအမူး ဖဲ အမဲရကၤကီၢ်စၢဖှိၣ်, နယူယီးကီၢ်စဲၣ်ထးခီ, ၀့ၢ်ဖရးဖိး(ဖရန့်ဖို့စ်)န့ၣ်လီၤ.
ပဟဲတုၤလၢ တၢ်လီၢ်ဖဲလဲၣ်မ့ၢ်ဂ့ၤ တၢ်သုတသါပ့ၤနီၣ်ကွံၥ် ပကညီလုၢ်လၢ်ထူသနူတဖၣ်တဂ့ၤအဂီၢ် ပညိၣ်၀ဲ၀ံၤပရဲၣ်ကျဲၤမၤ၀ဲလါခူးကံၢ်စုအမူးဒီး ကညီမၤထူရၤမုၢ်နံၤအဂ့ၢ် ပှၤရဲၣ်ကျဲၤတၢ်တဂၤ တဲ၀ဲန့ၣ်လီၤ.
တၢ်ထီဒါပၢၢ်ဆၢ သုးမီၤစိရိၤကတီၢ် ဖဲ၁၉၅၀နံၣ်, လါအီကူး(၁၂)သီအနံၤ, ကညီကီၢ်ခိၣ်စီၤဘးအူကၠံဒီးအပှၤ လၢဟ့ၣ်လီၤကွံၥ်အသးသမူတဖၣ် တၢ်မၤလၤကပီၤအဂီၢ် ဖဲလါအီကူး(၁၂)သီအနံၤန့ၣ် တၢ်ပၥ်ပနီၣ်အီၤဒ် ကညီဒီကလုၥ်မၤထူရၤမုၢ်နံၤအသိးဒီး တုၤခဲအံၤန့ၣ် ဟဲတုၤဃီ၀ဲဆူ(၇၄)၀ီတ၀ီလံန့ၣ်လီၤ.
မ့မ့ၢ်လၢ ကညီလုၢ်လၢ်ထူသနူလါခူးကံၢ်စုအမူးတခီ ညီနုၥ်တၢ်ရဲၣ်ကျဲၤမၤ၀ဲ ဖဲလၢလါဃိးအလါန့ၣ်လီၤ. ကညီဖိတဖၣ် လဲၤသုးလီၢ်သုးကျဲအိၣ်ဆိး၀ဲဆူတၢ်လီၢ်သကုၤဘၣ်ဆၣ် တဂၤဒီးတဂၤ ကသ့ၣ်နီၤလိၥ်သးအဂီၢ်, ကညီဖိအဒူၣ်တဖၣ်သုတလီၤပြံလီၤပျါအဂီၢ် တၢ်စဲပနီၣ်ဃၣ်၀ဲ လူၤ၀ါလၢစုဒ့ကိၥ်အဂ့ၢ် ပှၤဃိထံၣ်သ့ၣ်ညါတဖၣ်တဲ၀ဲန့ၣ်လီၤ.
တကးဘၣ်နၥ်၀ဲစ့ၢ်ကီးလၢ မ့ၢ်ဆိးက့ဆါဘီဆၢကတီၢ် တၢ်တဂ့ၤတ၀ါတဖၣ် တၢ်မၤတံၢ်တံၥ်သုတန့ၢ်တဂ့ၤအဂီၢ်ဒီး ပှၤဟဲလံၣ်လီအီၤသုတန့ၢ်အဂီၢ် တၢ်စဲ၀ဲလူ၀ါလၢစုဒ့ကိၥ်အဂ့ၢ်န့ၣ်လီၤ.
လၢ၀့ၢ်ဖရးဖိး(ဖရန့်ဖို့စ်မြို့) တၢ်မၤ၀ဲ ကညီမၤထူရၤမုၢ်နံၤဒီး လါခူးကံၢ်စုအမူးအပူၤ ကညီဖိလၢအကယၤတဖၣ် ဟဲထီၣ်သကိး၀ဲန့ၣ်လီၤ. ကညီဖိအါတက့ၢ်လၢ လဲၤတုၤအိၣ်ဆူ အမဲရကၤကီၢ်စၢဖှိၣ်တဖၣ်အံၤ အိၣ်ဆိး၀ဲဖဲ နယူးယီးကီၢ်စဲၣ်, ထးခီတပၤ၀့ၢ်တဖၣ်အပူၤန့ၣ်လီၤ.
Ref: FRA
