လါအီကူး(၁)သီ,၂၀၂၄နံၣ်
အစှၤကတၢၫ် ပှၤအဂၤ(၁၅၁)ဂၤဘၣ်သံအဂ့ၫ် ပၢၤကီၫ်တဲပာ်ဂၢၫ်ပာ်ကျၢၤဃာ်၀ဲလၢအမ့ၫ် ကီၫ်အ့ဒံယါကလံၤထံး တကပၤ တၫ်လီၫ်အါတက့ၫ်လၢ ဟီၣ်ခိၣ်လာ်တဖၣ်အပူၤ ပှၤမၤပူၤဖျဲးထီၣ်သးသမူတဖၣ် လၢကပံာ်တဖၣ်အကျါ, တၫ်သူၣ်ထီၣ်ဘှီထီၣ်ဟးဂီၤတဖၣ်အကျါ လူၤဃု၀ဲပှၤလၢအသးသမူအိၣ်ဒံးတဖၣ်န့ၣ်လီၤ.
ကလံၤထံးတကပၤ Kerala ကီၫ်စဲၣ်အပူၤ မူခိၣ်စူၤဒိၣ်ဒိၣ်ကလဲာ်၀ံၤ လၣ်ဖးတၫ်သူၣ်တၫ်ဖျးအလီၫ်ဒီးသ၀ီဟံၣ်ဃီတဖၣ် လီၤထွံပိာ်ဃုာ် ကပံာ်လၢ ဟဲလီၤတဲာ်တဖၣ်အခံန့ၣ်လီၤ.
အပူၤကွံာ် မုၫ်ခံနံၤအနံၤစ့ၫ်ကီး Keralaကီၫ်စဲၣ်, Wayanadကီၫ်ရ့ၣ်အပူၤ တၫ်ကစီၤထီၣ်ထီအလီၫ်တဖၣ် ဟီၣ်ခိၣ်လာ် အပူၤ ဟံၣ်ဃီတဖၣ်လီၤပှီၫ်ဟးဂီၤကွံာ်၀ံၤ,သ့ၣ်တဖၣ်လီၤတကူာ်,တိၤကၫ်ကွံာ်အသိး အစှၤကတၢၫ် ပှၤ(၁၈၆)ဂၤ ဘၣ်ဒိဘၣ်ထံးအဂ့ၫ် ပၢၤကီၫ်ဘၣ်မူဘၣ်ဒါ Aijazတဲ၀ဲလီၤ.
လၢကတီၫ်အံၤ ပှၤ(၁၈၇)ဂၤ လီၤမၫ်အဂ့ၫ် ကီၫ်စဲၣ်ပဒိၣ်ပှၤတဲတၫ်ပၢ P.M Manojတဲ၀ဲလီၤ.တၫ်ဃုထံၣ်န့ၫ် ပှၤအစိၣ်(၇၇)စိၣ်အပူၤ မ့ၫ်မတၤတဂၤလဲၣ်န့ၣ် တၫ်သ့ၣ်ညါဘၣ်အဃိ တၫ်ဟ့ၣ်က့ၤဆူအဟံၣ်ဖိဃီဖိအိၣ်န့ၣ်လီၤ.
ပှၤအဂၤလၢအဆံဘျဲၣ်တဖၣ် ပှၤမၤပူၤဖျဲးသးသမူ ပှၤမၤတၫ်ဖိ(၃၀၀)ဂၤ မၤပူၤဖျဲးထီၣ်ကွံာ် အီၤလၢ ကပံာ်ကျါဒီး တၫ်သူၣ်ထီၣ်ဟးဂီၤအဖီလာ်အကျါန့ၫ်၀ဲဘၣ်ဆၣ် ကျဲတဖျိဒီးတၫ်လဲၤထီၣ်က့ၤလီၤကီခဲ၀ဲအဃိ တၫ်မၤပူၤဖျဲးသးသမူ တၫ်ဖံးတၫ်မၤတဖၣ် ကဲထီၣ်တၫ်နိးတၫ်ဘျးအဂ့ၫ် Aijazတဲ၀ဲလီၤ.
Ref: VOA
