လါအီကၢး(၆)သီ,၂၀၂၄နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ထံရူၢ်ကီၢ်သဲးဒီးတၢ်ကရၢကရိကမံးတံၥ် အတၢ်မၤကမံးတံၥ်တခါလၢအမ့ၢ် တၢ်ကရၢကရိဒီးတၢ်သူၣ်ထီၣ်ဆီလီၤကမံးတံၥ် တီခိၣ်ရိၣ်မဲမၤ၀ဲ ထံရူၢ်ကီၢ်သဲးတၢ်တဲသကိးတခါလၢ ဘၣ်ထွဲဒီး “တၢ်ကသူၣ်ထီၣ်ကီၢ်သူလ့ၤ ဒ် Bottom-Up Federalism” ဖဲခ့ၣ်အဲၣ်ယူၣ်-လီၢ်ခၢၣ်သးအိၣ်တၢ်လီၢ်အဂ့ၢ် ခ့ၣ်အဲၣ်ယူၣ်-လီၢ်ခၢၣ်သးထုးထီၣ်ပၥ်ဖျါဃၣ်၀ဲန့ၣ်လီၤ.
တၢ်ကရၢကရိဒီးတၢ်သူၣ်ထီၣ်ဆီလီၤကမံးတံၥ် ကရၢဖိတဂၤလၢအမ့ၢ် သရၣ်စီၤဆၣ်လါမုၢ်စ့ၢ်ကီး ဟဲတဲလီၤ၀ဲဘၣ်ထွဲဒီးတၢ်မၤ ထံရူၢ်ကီၢ်သဲးတၢ်တဲသကိးတၢ်ရဲၣ်တၢ်ကျဲၤတၢ်ပညိၣ်(၂)ထံၣ်န့ၣ်လီၤ.
“တၢ်ပညိၣ်(၂)ထံၣ်လၢအမ့ၢ် (၁)ခ့ၣ်အဲၣ်ယူၣ်ထံရူၢ်ကီၢ်သဲးတၢ်ကွၢ်စိ(၄)ထံၣ်လၢတၢ်ပၥ်လီၤဃၣ်အံၤ ကလၢထီၣ်ပှဲၤထီၣ်အဂီၢ် တၢ်ကတဲၥ်ဆိပၥ်သးအဖီခိၣ် တၢ်မၤ၀ဲ (၂)ကတီၢ်ခဲအံၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢအတၢ်မၤဘူးသးထံရူၢ်ကီၢ်သဲးအကျိၤအကျဲတဖၣ်ဒ်သိးစၢၤသွဲၣ်သီကညီသးစၢ်တဖၣ်,ကညီကမျၢၢ်တဖၣ်ဒီးကမျၢၢ်တဖၣ် ကသ့ၣ်ညါနၢၢ်ပၢၢ်အါထီၣ်အဂီၢ် တၢ်မၤ၀ဲအဂ့ၢ်” တဲလီၤ၀ဲန့ၣ်လီၤ.
လၢထံရူၢ်ကီၢ်သဲးတၢ်တဲသကိးတၢ်ရဲၣ်တၢ်ကျဲၤအပူၤကညီဒီကလုၥ်တၢ်ထူၣ်ဖျဲးသုးမုၢ်ဒိၣ်,လီၢ်ခၢၣ်သးသုး၀ဲၤလီၢ်ခိၣ်သ့ၣ် သုးခိၣ်စအဲၣ်ခး, ကညီပိၥ်မုၣ်ကရၢ(KWO)သရၣ်မုၣ် နီၢ်စူစူလဲၣ်, ကညီသးစၢ်ကရၢ(KYO) သရၣ်ခးစီၣ်၀့ပၥ်ဃုၥ် ခ့ၣ်အဲၣ်ယူၣ်ဘၣ်ထွဲ၀ဲၤကျိၤ၀ဲၤဒ့ခၢၣ်စးတဖၣ်,ဖၣ်အၣ်ကီၢ်ရ့ၣ်,ကီၢ်ဆၣ်ထံရူၢ်ကီၢ်သဲးဒီးတၢ်ကရၢကရိပှၤဘၣ်မူဘၣ်ဒါတဖၣ်ဟဲထီၣ်၀ဲ၀ံၤ ပှၤလၢတီခိၣ်မဲတၢ်ရဲၣ်တၢ်ကျဲၤဒ် Moderatorတခီ တၢ်ကရၢကရိဒီးတၢ်သူၣ်ထီၣ်ဆီလီၤကမံးတံၥ် လီၢ်ခၢၣ်သး သရၣ်နီၢ်အဲၣ်၀ါတဖၣ်ပၥ်ဃုၥ်၀ဲအဂ့ၢ် ပၥ်ဖျါဃၣ်၀ဲန့ၣ်လီၤ.
