လါယူၤလံ(၃၀)သီ,၂၀၂၄နံၣ်
ရခၢၣ်ကီၫ်စဲၣ်တကပၤ လၢအ့ၣ်ယၣ်၀တံၣ်ကီၫ်ခီတဆီ တၫ်ဆှၢပနံာ်လၢထံကျဲတဖၣ် သုးကီၣ်ကး အိၣ်ခိးဖီၣ်၀ဲ ဖဲခၠီသၣ်ပီၣ်လဲၣ်နံၤ၀ံၤ ပနံာ်တဖၣ် ဟံးန့ၫ်ဃာ်၀ဲအဂ့ၫ် ပှၤဆှၢထီၣ်ဆှၢလီၤပနံာ်တဖၣ် တဲ၀ဲလီၤ.
သုးကီၣ်ကးအသုးလၢအိၣ်ဆီလီၤဃာ်အသးဖဲခၠီသၣ်ပီၣ်လဲၣ်နံၤ သုးခိၣ်ဒိၣ်ဖိစီၣ်နဲၣ်ဒီးအပှၤတဖၣ် ပာ်ဖှိၣ်လိာ်အသးဒီး ၀ဲၤကျိၤလၢဘၣ်ထွဲတဖၣ်၀ံၤ ပနံာ်လၢတၫ်ကဆှၢဆူ ရခၢၣ်ကီၫ်စဲၣ်တဖၣ် ညီနုၫ်ဖီၣ်ဟံးန့ၫ်ဃာ်၀ဲအိၣ်အဂ့ၫ် ပှၤကူၣ်လဲၤမၤကၤပနံာ်တဂၤတဲ၀ဲလီၤ.
တဲ၀ဲလၢ မ့ၫ်ပနံာ်တဖိးသဲစးအဃိ ဖီၣ်၀ဲလီၤ.အိၣ်လၢအ့ၣ်ယၣ်၀တံၣ်ကီၫ်ခီ၀ံၤ ဆှၢပနံာ်ဆူရခၢၣ်ကီၫ်စဲၣ်န့ၣ် တတူၫ်လိာ်၀ဲဘၣ်.ကဘီပူၤပှၤရခၢၣ်ဖိမ့ၫ်ဒိးပိာ်ဃုာ်န့ၣ် သမံသမိးတၫ်ဆူၣ်မးဒီးဟံးန့ၫ်တၫ်ဖိတၫ်လံၤတဖၣ်၀ံၤ ဆှၢ၀ဲဆူထံသုးကလၢၤအိၣ်န့ၣ်လီၤ.
မုၫ်နုာ်ကလံၤထံးကီၫ်ခီသုး၀ဲၤလီၫ်ခိၣ်သ့ၣ်န့ၣ် စးထီၣ်ဖဲလါယူၤအသီ(၃၀)နံၤန့ၣ် နဲၣ်လီၤဃာ်၀ဲ သုးကီၣ်ကးအသုးဒီးကီၫ်ဆၣ်ပၢပြးတဖၣ် လၢအိၣ်ဖဲခၠီသၣ်ဒီးငွ့ၣ်ဆီၣ်ပီၣ်လဲၣ်နံၤတဖၣ်လၢ ကသမံသမိးကဘီတီၣ်ပနံာ်လၢ ကဆှၢတၫ်ဆူရခၢၣ်ကီၫ်စဲၣ်န့ၣ်လီၤ.
ကီၫ်ဆၣ်ခိၣ် အူသံၣ်ဟးအီၣ်(ဦးသီဟအောင်)ဒီးသုးခိၣ်ဒိၣ်ဖိစီၣ်နဲၣ်(ဗိုလ်မှူးဇော်နိုင်)တဖၣ် မၤတၫ်အိၣ်ဖှိၣ်၀ံၤပာ်ဖှိၣ် လိာ်သးဒီး၀ဲၤကျိၤလၢဘၣ်ထွဲတဖၣ်၀ံၤ တဲ၀ဲလၢမ့ၫ်ပနံာ်လၢတဖိးသဲစးအဃိ ဖဲဖီၣ်၀ဲန့ၣ်အိၣ်ထဲရခၢၣ်ကဘီတီၣ်ပနံာ်တဖၣ်လီၤ.
အပူၤကွံာ်လါယူၤလံ(၁)သီနံၤ ဖဲခၠီသၣ်ပီၣ်လဲၣ်နံၤ, နီၫ်ဂံၫ်(၁)က၀ီၤဒ့ပူၤ ကဘီတခိၣ်လၢတီၣ်ဆှပနံာ်ဆူ ရခၢၣ်ကီၫ်စဲၣ် န့ၣ် သုးခိၣ်ဒိၣ်ဖိ စီၣ်နဲၣ်ဒီးအပှၤတဖၣ် ဖီၣ်၀ဲ၀ံၤဟံးန့ၫ်တၫ်ဖိတၫ်လံၤတဖၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
Ref: DVB
