လါယၤလံ(၂၅)သီ,၂၀၂၄နံၣ်
တဲၣ်ဖိကလံၤမုၫ် Gaemiလၢခီဂာ်နုာ်လီၤ၀ဲ ကီၫ်ဖံးလံးဖံအံၤ တနံၤအံၤအခိၣ်လိၤဃီၤ၀ဲဆူ ထဲၣ်၀ၣ်န့ၣ်လီၤ. ဖံလံးဖံပဒိၣ် ဘၣ်မူဘၣ်ဒါတဖၣ်တခီ ကလံၤမုၫ်အူတၫ်အဃိမ့ၫ်ဂ့ၤ,မူခိၣ်စူၤအဃိ ထံဒိၣ်နိယွၤ,ဟီၣ်ခိၣ်လာ်တဖၣ်အိၣ်ထီၣ်၀ံၤ ပှၤခဲလၢာ်ဘၣ်သံတစှၤန့ၣ်(၁၂)ဂၤဘၣ်အဂ့ၫ်တဲ၀ဲလီၤ. လၢ၀့ၫ်ခိၣ်မနံၣ်လၣ်အချၢ ကီၫ်ရ့ၣ်Batangasအပူၤစ့ၫ်ကီး ဟီၣ်ခိၣ်လာ်အဃိ မိၫ်ဒၢတဂၤဒီးဖိသၣ်(၃)ဂၤဘၣ်သံ၀ဲလီၤ.
တဲၣ်ဖိကလံၤမုၫ် Gaemiအံၤ အူတၫ်အဆူၣ်ကတၢၣ် တနၣ်ရံၣ်န့ၣ်(၁၆၂)ကံၣ်လိမံထၢၣ်၀ံၤ သုးဃီၤအသးဆူ ကီးအမုၫ်ထီၣ်ကလံၤစိးတကပၤအဂ့ၫ်ဒီးကစၢၫ်ခိၣ်တၫ်လီၫ်လၢဟီၣ်ခိၣ်လာ်တၫ်ဘၣ်ယိၣ်အါအလီၫ်ပှၤ(၂၀၀၀)ဂၤစ့ၫ်ကီး တၫ်သုးန့ၫ်အလီၫ်အကျဲအဂ့ၫ် ထဲၣ်၀ၣ်မူခိၣ်ကလံၤသီၣ်ဂီၤ၀ဲၤကျိၤ ဘိးဘၣ်ရၤလီၤ၀ဲလီၤ.လ့ၣ်မ့ၣ်အူတၫ်လဲၤထီၣ်က့ၤလီၤဒီး ထံကျဲတၫ်၀ံစိာ်တီဆှၢဒီးကီၫ်ပူၤကီၫ်ချၢတၫ်လဲၤထီၣ်က့ၤလီၤလၢကလံၤကျါ တၫ်လီၫ်(၂၀၀)ဘျဲၣ် ဘၣ်တၫ်ကးတံာ်ဃာ်၀ဲလီၤ.
တဲၣ်ဖိကလံၤမုၫ်အဃိ ကီၫ်မိၫ်ပှၫ်တရူး မ့ၫ်နုာ်လီၤဒုးန့ၫ်ဆူၣ်ဘၣ်ဖုးတၫ်လၢသုးဂ့ၫ်၀ီတကပၤ တၫ်ကခီၣ်ဆၢအီၤအဂီၫ် ကိးမုၫ်နံၣ်ထဲၣ်၀ၣ်တကပၤမၤ၀ဲ Han Kuangသုးတၫ်ဂဲၤလိတၫ်ရဲၣ်တၫ်ကျဲၤစ့ၫ်ကီး ဘၣ်ဒိဘၣ်ထံး၀ဲလီၤ.ကလံၤကျါဒီး ပီၣ်လဲၣ်ပူၤ တၫ်ဂဲၤလိတနီၤဘၣ်တၫ်ထုးကွံာ်အီၤဘၣ်ဆၣ် လၢ Penghu ကီးအမုၫ်နုာ်တကပၤန့ၣ် ဂဲၤလိသ့အသးလၢ ကျိချံနီၫ်ကီၫ်တဖၣ်လီၤ.
