လါယူၤလံ(၂၅)သီ, ၂၀၂၄နံၣ်
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ(၃)ဘျဲၣ်အတီၢ်ပူၤ သုးကီၣ်ကးအတၢ်ဒွဲၣ်အူမၤဟးဂီၤကွံၥ်အီၤအဃိ လီၢ်က၀ီၤကမျၢၢ်ဟံၣ်ဃီ(၁)ကလီၤဃၣ်ဃၣ်(၉၅,၄၅၀ဖျၢၣ်)ဟးဂီၤကွံၥ်၀ဲအဂ့ၢ်န့ၣ် Data for Myanmarထုးထီၣ်ပၥ်ဖျါဃၣ်၀ဲ ဖဲလါယူၤလံ(၂၄)သီအနံၤန့ၣ်လီၤ.
၂၀၂၄နံၣ်, (၆)လါအတီၢ်ပူၤ ဟံၣ်လၢတၢ်ဒွဲၣ်အူမၤဟးဂီၤကွံၥ်နီၣ်ဂံၢ်နီၣ်ဒွးအိၣ်တုၤလၢ (၁)ကလးတခီအဂ့ၢ် စံး၀ဲန့ၣ်လီၤ.
ထဲဒၣ် ဖဲအပူၤကွံၥ် လါယူၤ(၁)လါအတီၢ်ပူၤန့ၣ် မါတလ့ကီၢ်ဒိၣ်, စကဲကီၢ်ဒိၣ်, တနီသရံးကီၢ်ဒိၣ်,မကွ့ကီၢ်ဒိၣ် ဒီး ခၠီကီၢ်စဲၣ်တဖၣ်အပူၤ လီၢ်က၀ီၤကမျၢၢ်ဟ့ၣ်(၁)ကထိဘျဲၣ်(၁,၁၀၉ ဖျၢၣ်)မ့ၣ်အူအီၣ်ဟးဂီၤကွံၥ်၀ဲအဂ့ၢ် စံး၀ဲန့ၣ်လီၤ.
သုးကီၣ်ကးအတၢ်ဒွဲၣ်အူမၤဟးဂီၤကွံၥ် ဟံၣ်ဃီတဖၣ်ကဲထီၣ်တ့ၢ်အသးဖဲ ၀့ၢ်ဒီးသ၀ီခဲလၢၥ်ပၥ်ဖှိၣ်တၢ်လီၢ်(၂၇၀)အပူၤ၀ံၤ မ့မ့ၢ်လၢ စကဲကီၢ်ဒိၣ်အပူၤတခီ ဟံၣ်ဃီလၢတၢ်ဒွဲၣ်အူမၤဟးဂီၤကွံၥ်အီၤ မျးကယၤအိၣ်ထီၣ်တုၤ(၇၀)မျးကယၤလံအဂ့ၢ် ပၥ်ဖျါဃၣ်၀ဲန့ၣ်လီၤ.
တနံၣ်အတီၢ်ပူၤန့ၣ်, ရၢၢ်ခၢၣ်ကီၢ်စဲၣ်အပူၤစ့ၢ်ကီး ဟံၣ်ဃီလၢတၢ်ဒွဲၣ်အူမၤဟးဂီၤကွံၥ်အီၤ အနီၣ်ဂံၢ်နီၣ်ဒွးဟဲအါထီၣ်၀ဲအဂ့ၢ်စ့ၢ်ကီး ပၥ်ဖျါဃၣ်၀ဲန့ၣ်လီၤ.
ခီဖျိလၢသုးကီၣ်ကးဒွဲၣ်အူမၤဟးဂီၤကွံၥ် ကမျၢၢ်ဟံၣ်ဃီတၢ်သူၣ်ထီၣ်တဖၣ်, လဲၤနုၥ်လီၤသုးကျိၤတဖၣ်, ဘၣ်ကွၢ်ဆၢၣ်မဲၥ်ဘၣ်ဒီးထံတၢ်လီၤဘၣ်ယိၣ်တဖၣ်အဃိ တၢ်ကအိၣ်ဆိးအဂီၢ်မ့ၢ်ဂ့ၤ, တၢ်ကအီၣ်အီအဂီၢ်မ့ၢ်ဂ့ၤဘၣ်ကွၢ်ဆၢၣ်မဲၥ်ဘၣ်တၢ်ကီတၢ်ခဲတဖၣ်န့ၣ်လီၤ.
