လါယူၤလံ(၁၉)သီ,၂၀၂၄နံၣ
တၫ်ဆါန့ၫ်ထဲၣ်၀ၣ်တၫ်စုက၀ဲၤအဃိ တၫ်ကတၢၣ်ပီၣ်တဲသကိး တၫ်ကတီၤပၢၤဃာ် နူကလံယါတၫ်စုက၀ဲၤဒီးအမဲရကၤအဂီၫ် တၫ်ရဲၣ်တၫ်ကျဲၤန့ၣ် တရူးပတုာ်ကွံာ်အဂ့ၫ် တရူးထံဂုၤကီၫ်ဂၤ၀ဲၤကျိၤ ဘိးဘၣ်ရၤလီၤ၀ဲလီၤ.
ထံကီၫ်ခံဘ့ၣ်ပတီၫ်ထီဘၣ်မူဘၣ်ဒါတဖၣ် ပတုာ်ကွံာ်တၫ်တၢၣ်ပီၣ်တဲသကိးအဂ့ၫ် ထံဂုၤကီၫ်ဂၤ၀ဲၤကျိၤ ပှၤတဲတၫ်ပၢလ့ၣ်ကၠါ(လင်ကျန်း)တဲဘၣ်ပှၤဟံးန့ၫ်တၫ်ကစီၣ်ဖိတဖၣ်လီၤ.ထံကီၫ်ခံဘ့ၣ်အဘၢၣ်စၢၤ တၫ်တၢၣ်ပီၣ်တဲသကိးန့ၣ် ဖဲအပူၤကွံာ်လါနိၣ်၀့ဘၢၣ်အပူၤ ဘၣ်တၫ်က့ၤစးထီၣ်ကဒါက့ၤဘၣ်ဆၣ် အလီၫ်ခံတၫ်လဲၤထီၣ်လဲၤထီတအိၣ်ဘၣ်အမဲာ်ညါ တရူးဟဲတတုၤလၢတၫ်တၢၣ်ပီၣ်တဲသကိး စီၫ်နီၤခိၣ်အိၣ်ဘၣ်အဂ့ၫ် အမဲရကၤတဲ၀ဲလီၤ.
အမဲရကၤန့ၣ် ကီၫ်တရူးအတၫ်ထီဒါတဖၣ်န့ၣ် ကွၫ်ကပၤကွံာ်၀ဲ၀ံၤ ဆါန့ၫ်ထဲၣ်၀ၣ်တၫ်စုက၀ဲၤန့ၣ် မၤဘၣ်ဒိဘၣ်ထံးတရူး အတၫ်ဘၣ်ဘျူးဘၣ်ဖှိၣ်အသိး တၫ်ကတၢၫ်ပီၣ်တဲသကိးတၫ်ကတီၤပၢၤဃာ်တၫ်စုက၀ဲၤအဂီၫ် ဘၣ်ဒိဘၣ်ထံးထံရူၫ်ကီၫ်သဲးတၫ်အိၣ်သးအဂ့ၫ် တရူးထံဂုၤကီၫ်ဂၤ၀ဲၤကျိၤပာ်ဖျါ၀ဲလီၤ.
ဖဲလါမ့ၤ ထဲၣ်၀ၣ်ဒံၣ်မိၣ်ကရဲးတံးပၣ်တံၣ် လဲၣ်ကၠ့တံၣ်(လိုင်ကျင်းတီ)န့ၣ် ဟံးန့ၫ်မူဒါဒ်ကီၫ်ခိၣ်သီ၀ံၤအလီၫ်ခံ အမဲရကၤန့ၣ်ဆါလီၤကဒီးန့ၫ်၀ဲ ထဲၣ်၀ဲၣ်တၫ်စုက၀ဲၤတဖၣ်၀ံၤ တရူးစ့ၫ်ကီး ဟ့ၣ်အါထီၣ်ထဲၣ်၀ၣ်သုးဂ့ၫ်၀ီတၫ်ဆီၣ်သနံးတဖၣ်န့ၣ်လီၤ.
Ref: NHK
