လါယူၤလံ(၁၉)သီ,၂၀၂၄နံၣ်
ကခၠ့ၣ်ကီၫ်စဲၣ်,ကီၫ်ဆၣ်၀ဲမီၣ်(ဝိုင်းမော်မြို့နယ်),၀ူၣ်ယၣ်သ၀ီ(ဝူယန်ကျေးရွာ)ကခၠ့ၣ်ခရံာ်ဖိကရၢခိၣ်ကျၢၫ်(KBC)အတၫ်အိၣ်ဖှိၣ်သရၣ်ဒိၣ် မဒ့ၣ်ခီဘီ(မဒိန်ခေါဘောမ်)န့ၣ် တၫ်မၤဟးဂီၤသ၀ီကျဲ ဒိဃာ်၀ဲလၢတၫ်ဂီၤမူအဃိ သုးကီၣ်ကးအသုး ဒီးဂၢၤကီၫ်သုးတဖၣ် ဖဲလါယူၤလံ(၁၇)သီနံၤန့ၣ် က့ၤဖီၣ်အီၤအဂ့ၫ် လီၫ်က၀ီၤဖိတဖၣ်တဲ၀ဲလီၤ.
သရၣ်ဒိၣ်န့ၣ် တုၤလၢကနံၤအံၤ တၫ်တပျၫ်ကွံာ်အီၤဒံးဘၣ်အဂ့ၫ် လီၫ်က၀ီၤဖိတဂၤတဲ၀ဲဒ်သိးအံၤလီၤ. ”ဖဲမဟါမုၫ်ထူၣ်(၁၂)နၣ်ရံၣ်ဃၣ်ဃၣ်န့ၣ်တၫ်က့ၤဖီၣ်အီၤလီၤ.တုၤခဲအံၤတတပျၫ်၀ဲဒံးဘၣ်.ဒ်ပသ့ၣ်ညါဘၣ်အသိး,ဖဲမဟါနံၤ ပှၤမၤဟးဂီၤကျဲအကတီၫ် ဒိဃာ်တၫ်ဂီၤတဖၣ်အဃိလီၤ.အခဲအံၤက့ၤကိး၀ဲဖဲလဲၣ်တခီတၫ်တသ့ၣ်ညါဘၣ်.”
ဖဲလါယူၤလံ(၁၇)သီနံၤ သုးကီၣ်ကးအသုးဒီးဂၢၤကီၫ်သုးတဖၣ် ပဲာ်အၢပဲာ်သီဒီးဟဲဖီၣ်အီၤခီဖျိလၢ သ၀ီကျဲတဖၣ် ဖဲတၫ်ခူၣ်ဟးဂီၤကွံာ်အီၤ အကတီၫ် ဒိဃာ်တၫ်ဂီၤ၀ံၤ ဟ့ၣ်၀ဲဆူMediaတဖၣ်အိၣ်န့ၣ်လီၤ. ကခၠ့ၣ်ဘျၢထံ ခရံာ်ဖိ ကရၢခိၣ်ကျၢၫ်(KBC)ပှၤဟ့ၣ်ကူၣ်တၫ် သရၣ်ဒိၣ်ဒီးကထၢၣ် ခလၣ်ဆၣ်ဆိၣ်(ခလမ်ဆမ်ဆွန်)စ့ၫ်ကီး လၢတၫ်ဒုးလီၤအီၤ ဃိာ်(၆)နံၣ်အပူၤ ဖဲ၂၀၂၄နံၣ်,လါအ့ဖြ့ၣ်(၁၇)သီနံၤ ဟဲက့ၤဟးထီၣ်ခီဖျိလၢသးသမူတၫ်ပူၤဖျဲးခွဲးယာ်အဖီခိၣ်ဘၣ်ဆၣ် ဖဲတနံၤဃီဟါ၀ဲန့ၣ် သုးကီၣ်ကးဖီၣ်ကဒါက့ၤအီၤဒီးတုၤလၢအခဲအံၤ တပျၫ်ကွံာ်၀ဲဒံးဘၣ်.
Ref: RFA
