လါယူၤလံ(၁၅)သီ,၂၀၂၄နံၣ်
လၢ၀့ၫ်တကူၣ် စှၤသီအတီၫ်ပူၤ ပှၤဃ့ၫ်သုးပှၤလီၫ်အိၣ်ကမှံဖိတဖၣ် ဟဲတုၤဃီၤ၀ဲအါမးန့ၣ်လီၤ.ရခၢၣ်ကီၫ်စဲၣ်အပူၤ တၫ်ဒုးဆူၣ်ထီၣ်တပယူာ်ဃီ လီၫ်က၀ီၤကမျၢၫ်တဖၣ် ဟဲဃ့ၫ်ထီၣ်ဆူ ၀့ၫ်တကူၣ်အိၣ်အသိး,ယိၤဒိၣ်ကလံၤစိး (၁၀၂၇)ခံ၀ီတ၀ီဒုးယၤတၫ်ရဲၣ်တၫ်ကျဲၤအဃိ ပှၤလၢဟဲသုးလီၫ်သုးကျဲ အိၣ်၀ဲအါမးအဂ့ၫ် ပှၤ၀့ၫ်တကူၣ်ဖိတဖၣ်တဲ၀ဲလီၤ.
ပှၤလၢအိၣ်ဖဲကီၫ်ဆၣ်စါခၠီ(စမ်းချောင်းမြို့နယ်)တဂၤ တဲ၀ဲလၢ အ၀ဲသ့ၣ်ဟဲဃ့ၫ်သုးဒီး အိၣ်ဆိး၀ဲဖဲအဘူးအတံၫ် တဖၣ်အိၣ်လီၤ.လၢကတီၫ်အံၤဟဲအိၣ်အါထီၣ်၀ဲလီၤ.ပှၤလၢဟးဃုငါအိၣ်တၫ်လီၫ်တဖၣ်စ့ၫ်ကီးအိၣ်၀ဲအါလီၤ.
ပှၤအိၣ်လၢယိၤဒိၣ်ကီၫ်စဲၣ်ကလံၤထံးတကပၤ လၢကဟဲက့ၤဆူ ၀့ၫ်တကူၣ်တဂၤ တဲစ့ၫ်ကီး၀ဲလၢ…….
ဟဲထီၣ်တုၤဃီၤဆူ၀့ၫ်တကူၣ်,ဖိဒံဖိသၣ်,သူၣ်က့သးပှၫ်တဖၣ် အါမးလီၤ.ဖဲတၫ်သံကွၫ်အ၀ဲသ့ၣ်အကတီၫ် တဲဆၢ၀ဲလၢ အ၀ဲသ့ၣ်အိၣ်ဃ့ၫ်သုးလၢ ယိၤဒိၣ်ကီၫ်စဲၣ်ကလံၤစိးတကပၤလီၤ.ပှၤလဲၤဃ့ၫ်လီၤဆူ ၀့ၫ်မါတလ့စ့ၫ်ကီးအိၣ်၀ဲလီၤ. ၀့ၫ်မါတကလ့န့ၣ် တမ့ၫ်လၢတၫ်နာ်န့ၫ်သ့လီၤတံၫ်ဘၣ်အဃိ ပှၤဟဲဃ့ၫ်ဃီၤဆူ ၀့ၫ်တကူၣ်အိၣ်အါ၀ဲလီၤ.
လၢကတီၫ်အံၤ ရခၢၣ်ကီၫ်စဲၣ်လၢတၫ်ဒုးဆူၣ်ထီၣ်အံၤ လီၫ်က၀ီၤကမျၢၫ်တၫ်ဟးထီၣ်က့ၤလီၤဘၣ်တၫ်ကးတံာ်ကွံာ်၀ံၤ ဆူၣ်ချ့တၫ်အုၣ်ကီၤမ့ၫ်အိၣ်မးဒီး တၫ်ဒိးန့ၫ်ဘၣ်ခွဲးလၢတၫ်ဟးထီၣ်က့ၤလီၤအဂီၫ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
လၢယိၤဒိၣ်ကီၫ်စဲၣ်ကလံၤစိးတကပၤ ပှၤလၢပာ်တ့ၫ်တၫ်အိၣ်ဆိးလီၫ်ကျဲ ဃ့ၫ်ပူၤဖျဲးအသးအိၣ်အါမးအသိး သိလ့ၣ်အလဲတဖၣ်စ့ၫ်ကီး ဒိၣ်၀ဲအဂ့ၫ် ပှၤလၢဟဲအိၣ်ကဒုဖဲ၀့ၫ်လါရှိတဂၤတဲ၀ဲလီၤ.
လါရှိတုၤ ၀့ၫ်တီၣ်ကၠံန့ၣ် သိလ့ၣ်အလဲအိၣ်၀ဲအကလီၫ်(၆၀)ဆံလီၤ.ပှၤဃ့ၫ်သုးတဖၣ် ပှၤမၤစၢၤတၫ်ဖိတဖၣ် ဟ့ၣ်အီၤတၫ်ဆီၣ်ထွဲမၤစၢၤအိၣ်၀ဲလီၤ.
ကတီၫ်အံၤ ၁၀၂၇ ဒုးယၤတၫ်ရဲၣ်တၫ်ကျဲၤ ခံ၀ီတ၀ီ ဟဲဘၣ်ကူဘၣ်ဂာ်တုၤလၢ၀့ၫ်မါတလ့လံအဃိ ပှၤဃ့ၫ်သုးတဖၣ် ဟဲဃီၤဆူ၀့ၫ်တကူၣ်န့ၣ်လီၤ.
ပှၤဃ့ၫ်သုးဟဲအါထီၣ်ဒ်သိးအံၤအဖီခိၣ် ၀့ၫ်တကူၣ်တၫ်ဆါငါလီၤ ဟံၣ်ဃီအဖီခိၣ် တၫ်ဘၣ်ဒိဘၣ်ထံးအိၣ်ထီၣ်၀ဲသ့အဂ့ၫ် တၫ်သ့ၣ်ညါဘၣ်လီၤ.
