လါယူၤလံ(၁၅)သီ,၂၀၂၄နံၣ်
အမဲရကၤကီၫ်စၢဖှိၣ်,ကီၫ်ဆၣ်ပ့ၣ်ဆဲၣ်ပ့နံယါ(ပင်ဆယ်လ်ဗေးနီးယားပြည်နယ်)ဖဲ၀့ၫ်ဘဲးတလၣ်(ဘတ်တလာမြို့)တၫ်မၤ၀ဲ တၫ်လူၤကရၢကရိမၤန့ၫ်တၫ်ဖး မူးတၫ်ရဲၣ်တၫ်ကျဲၤအကတီၫ် ကီၫ်ခိၣ်လီၫ်လံၤ ဒီၣ်နဲၣ်ထရၢး ဘၣ်တၫ်ခးအီၤလၢကျိ ဒီးဒိးန့ၫ်ဘၣ် တၫ်ဘၣ်ဒိဘၣ်ထံးတဆံးတက့ၫ်လီၤ.
လၢကတီၫ်အံၤ တၫ်တယာ်၀ဲလၢ ကရူၫ်ကရၢလၢ အဲၣ်ဒိးကူၣ်ထီၣ်ဖးလီၤ ဒီနၢၣ်ထရၢးအိၣ်၀ဲ၀ံၤ ကျိချံဘၣ်တပျၫ် အနၫ်ကုအဂ့ၫ် တၫ်ကစီၣ်တဖၣ် ပာ်ဖျါ၀ဲလီၤ.အမဲရကၤကီၫ်စၢဖှိၣ် ကၠိဘဲၣ်တၣ်စ့ၫ်ကီး တၫ်ကူၣ်မၤသံတၫ်လၢကျိအံၤ ထီဒါဂ့ၫ်လိာ်၀ဲ၀ံၤ တၫ်ကစီၣ်တၫ်ဂ့ၫ်တၫ်ကျိၤလၢတၫ်ပာ်ဂၢၫ်ပာ်ကျၢၤတဖၣ်စ့ၫ်ကီး လီၤဆီလိာ်အသးန့ၣ်လီၤ.
တၫ်ကစီၣ်တနီၤပာ်ဖျါ၀ဲလၢ ပှၤခးတၫ်ဖိဒီးပှၤလၢဟဲထီၣ်မူးတၫ်ရဲၣ်တၫ်ကျဲၤ(၁)ဂၤဘၣ်သံ၀ံ ပှၤဟံးန့ၫ်တၫ်ဘံၣ်တၫ်ဘၢ (၂)ဂၤဒီး ကီၫ်ခိၣ်လီၫ်လံၤဒီနၢၣ်ထရၢး ဘၣ်ဒိဘၣ်ထံးအဂ့ၫ် ကျဲးဃာ်၀ဲ၀ံၤ တၫ်ကစီၣ်သန့တနီၤတခီဒု ကွဲးဖျါဃာ်၀ဲလၢ ကီၫ်ခိၣ်လီၫ်လံၤဘၣ်ဒိ၀ံၤ ပှၤဟံးန့ၫ်တၫ်ဘံၣ်တၫ်ဘၢ(၂)ဂၤဘၣ်သံ၀ဲလီၤ.
လၢရံၣ်ပၣ်ပလံၣ်ကၣ်တကပၤ ဖဲတချူးဃုထၢ ကီၫ်ခိၣ်ထရၢလၢ ကနုာ်လီၤသတြီၤကီၫ်ခိၣ်တၫ်ဃုထၢ လၢဖိးသဲစး အပူၤ ဒံးဘၣ်အကတီၫ် တၫ်ကျဲးစၢးကူၣ်မၤသံ ထရၢး ဘၣ်အိၣ်ထီၣ်ဒ်သိးအံၤ၀ံၤ တၫ်ကမၤအမဲရကၤတၫ်ဃုထၢအဂီၫ် အိၣ်တ့ၫ်ဒၣ်ထဲ(၄)လါဧိၤန့ၣ်လီၤ.
တၫ်ဂုၫ်ကျဲးစၢး ကူၣ်မၤသံ ကီၫ်ခိၣ်လီၫ်လံၤထရၢးဒ်သိးအံၤန့ၣ် လၢကီၫ်အမဲရကၤထံရူၫ်ကီၫ်သဲးအပူၤ တၫ်ပိာ်ထွဲထီၣ် အခံလၢ တဂ့ၤတဖၣ်အိၣ်ထီၣ်သ့၀ဲအဂ့ၫ် ထံရူၫ်ကီၫ်သဲးပှၤဃုသ့ၣ်ညါတၫ်တဖၣ် တဲပလီၫ်၀ဲ၀ံၤ တၫ်ကဲထီၣ်သးတဘျီ အံၤ လၢ ၁၉၈၁နံၣ်တၫ်ကဲထီၣ်တ့ၫ်အသးလၢ ကီၣ်ခိၣ်ရီၣ်နဲၣ်ရံၣ်က့ၣ်(သမ္မတ ရော်နယ်ရေဂင်) တၫ်ကူၣ်မၤသံအီၤ ၀ံၤအလီၫ်ခံ ကီၫ်ခိၣ်တဂၤ တၫ်ကူၣ်မၤသံအီၤအဂီၫ် မ့ၫ်တၫ်ဂုၫ်ကျဲးစၢးလၢအဆူၣ်ကတၢၫ်အဂ့ၫ် တၫ်သ့ၣ်ညါဘၣ်လီၤ.
