လါယူၤလံ(၁၀)သီ, ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်သူလ့ၤတၫ်ပၢဟီၣ်က၀ီၤ, ချၢၣ်လွံၫ်ထူၣ်ကီၫ်ရ့ၣ်,မူကီၫ်ဆၣ်အပူၤ သုးကီၣ်ကးပညိၣ်ခးလီၤကျိဖးဒိၣ်တဖၣ်ဆူ ကမျၢၫ်အိၣ်ဆိးလီၫ်ကျဲဒီးဖံးအီၣ်မၤအီၣ်လီၫ်ကျဲတဖၣ်ပူၤအဃိ လီၫ်က၀ီၤကမျၢၫ်(၂)ဂၤဘၣ်ဒိ၀ဲ၀ံၤ ဟံၣ်(၁)ဖျၢၣ်ဟးဂီၤကွံာ်၀ဲအဂ့ၫ် ခ့ၣ်အဲၣ်ယူၣ်-လီၫ်ခၢၣ်သးထုးထီၣ်ပာ်ဖျါဃၣ်၀ဲန့ၣ်လီၤ.
လါယူၤလံ(၄)သီအနံၤႇ ဟါ(၄)နၣ်ရံၣ်ဘျဲၣ်အဆၢတကီၢ် သုးကီၣ်ကးအသုးလၢအိၣ်ဆီလီၤအသး ဖဲမုၢ်ဃါပျီအံၤခးလီၤ(၈၁-မမ)ကျိဖးဒိၣ်(၁)ဖျၢၣ်အဃိ လဲၤလီၤတဲာ်ပိာ်ဖးထီၣ်ဝဲဒၣ် ဖဲယ့ၣ်လဲသဝီပူၤန့ၣ်လီၤ.
လါယူၤလံ(၆)သီအနံၤ(၈း၃ဝ)နၣ်ရံၣ်အဆၢကတီၢ်စ့ၢ်ကီးသုးကီၣ်ကးအသုးလၢအိၣ်ဆီလီၤအသးဖဲယ့ၣ်အိစ့ၣ်အံၤခးလီၤကဒီး(၈၁-မမ)ကျိဖးဒိၣ်(၁)ဖျၢၣ်ဆူ ယ့ၣ်ဖၠူၣ်သဝီပူၤန့ၣ်လီၤ.
လါယူၤလံ(၇)သီအနံၤႇဟါ(၇း၃ဝ)နၣ်ရံၣ်အဆၢကတီၢ် သုးကီၣ်ကးအသုး(ခမရ−၃၀၇)သုးရ့ၣ်အံၤ ခးလီၤကဒီး(၈၁-မမ)ကျိဖးဒိၣ်(၂)ဖျၢၣ်ဆူ ပၠ့မးပ့ၣ်သဝီပူၤအဃိ သဝီဖိ(၂)ဂၤဘၣ်ဒိဝဲန့ၣ်လီၤ.
လၢန့ၣ်အမဲာ်ညါလါယူၤလံ(၈)သီအနံၤ(၁ဝ)နၣ်ရံၣ်အဆၢကတီၢ် သုးကီၣ်ကးအသုး(ခမရ-၄၃၉)ခးလီၤဟီၣ်ဝ့ၣ်စၣ်ကျိဖးဒိၣ်(၁)ဖျၢၣ်ဆူ ယွၣ်မးကၠံသဝီပူၤအဃိ အူသ့စီၣ်အဟံၣ်တဖျၢၣ်ဟးဂီၤကွံာ်ဝဲဒၣ်န့ၣ်လီၤ.
သုးဟံးန့ၢ်ဆူၣ်ထံကီၢ်တၢ်စီတၢ်ကမီၤသုးကီၣ်ကးအံၤ ခီဖျိလၢပညိၣ်ခးလီၤကျိဖးဒိၣ်တဖၣ်ဆူ ကမျၢၢ်အိၣ်ဆိးလီၢ်ကျဲတဖၣ်ဒီးဖံးအီၣ်မၤအီၣ်လီၢ်ကျဲတဖၣ်အပူၤအဃိ ကမျၢၢ်စုလီၢ်ခီၣ်ခိၣ်တၢ်ဖိတၢ်လံၤတဖၣ်ဒီးသးသမူတၢ်လီၤဘၣ်ယိၣ်တဖၣ်အိၣ်ထီၣ်ဝဲကိးမုၢ်နံၤလီၤအဂ့ၢ်စံးဝဲန့ၣ်လီၤ.
