လါယူၤ(၁၁)သီ,၂၀၂၄နံၣ်
ကရၢလၢထီဒါရၢရှၢၣ်ဒီးအံၣ်စရ့တဖၣ်အဖီခိၣ် အံၣ်ရၣ်အတၫ်အိၣ်ဆၢထၢၣ်ဃုာ်န့ၣ် ဖဲအ၀ဲကဲကီၫ်ခိၣ်အဆၢကတီၫ် တမ့ၫ်ကဆီတလဲဘၣ်အဂ့ၫ် အံၣ်ရၣ်ကီၫ်ခိၣ်သီ မၣ်ဆိးပံၣ်စဲးရှ်ကံၣ်ယၣ်(မာဆွတ်ပီဇက်ရှ်ကီယန်)တဲဖျါထီၣ်၀ဲလီၤ.
အံၣ်ရၣ်အတၫ်ရ့လိာ်ဘၣ်ထွဲဒီး မုၫ်နုာ်ထံကီၫ်တဖၣ်ကဂ့ၤထီၣ်အဂီၫ် မၣ်ဆိးပံၣ်စဲးရှ်ကံၣ်ယၣ်(မာဆွတ်ပီဇက်ရှ်ကီယန်) လၢညီနုၫ်တဲဆီၣ်တခူထီၣ်တၫ်တဂၤအံၤ ဖဲအပူၤကွံာ်လါယူၤလံ(၅)သီနံၤ ကီၫ်ခိၣ်တၫ်ဃုထၢအပူၤ မၤနၢၤတၫ်န့ၣ်လီၤ.
ကီၫ်အံၣ်ရၣ်ထံကီၫ်ပၢ တၫ်ကစီၣ်သန့အဖီခိၣ် မၣ်ဆိးပံၣ်စဲးရှ်ကံၣ်ယၣ်(မာဆွတ်ပီဇက်ရှ်ကီယန်)န့ၣ် ဖဲလါယူၤလံ (၈) သီနံၤ, ဆဲးကျိးတၢၣ်ပီၣ်တဲသကိးတၫ်လၢရၢရှၢၣ်ကီၫ်ခိၣ်၀ံၤ လံာ်တၫ်ပာ်ပနီၣ်မၤလၤကပီၤအဂီၫ် စံးဘျူးဘၣ်၀ဲအဂ့ၫ်ဒီး အ့ၣ်ရၣ်-ရၢရှၢၣ် ထံကီၫ်ခံဘ့ၣ် တၫ်ရ့လိာ်ဘၣ်ထွဲကဂၢၫ်ကျၢၤဒိၣ်န့ၫ်အလီၫ်အဂီၫ် အသးအိၣ်၀ဲအဂ့ၫ် အံၣ်ရၣ်ကီၫ်ခိၣ်သီ တဲ၀ဲလီၤ.
အံၣ်ရၣ်နူကလံယါတၫ်ရဲၣ်တၫ်ကျဲၤပာ်ဃုာ် တၫ်ဂ့ၫ်တၫ်ကျိၤလၢအဂၤတဖၣ်အပူၤ ကဲထီၣ်တၫ်ထီဒါလၢမုၫ်နုာ်ထံကီၫ် တဖၣ်၀ံၤ ပှၤထံၣ်သံထံၣ်မံတၫ် ကီၫ်ခိၣ်ရဲၣ်စံၣ်(ရိုင်ဆီ)ပၢတၫ်အစိၤ ဘၣ်ထွဲဒီးယူၣ်ကရ့ဂ့ၫ်၀ီန့ၣ် အတၫ်ရ့လိာ်ဘၣ်ထွဲ ဂ့ၤ၀ဲဒီးကီၫ်ရၢရှၢၣ်လၢအတၫ်ထံၣ် လီၤဆီလိာ်သးဒီးမုၫ်နုာ်ထံကီၫ်တဖၣ်န့ၣ်လီၤ.
အံၣ်ရၣ်ကီၫ်ခိၣ်သီ မၣ်ဆိးပံၣ်စဲးရှ်ကံၣ်ယၣ်(မာဆွတ်ပီဇက်ရှ်ကီယန်)န့ၣ် အိၣ်ဒီးတၫ်ပညိၣ်လၢ ကဆီၣ်ထွဲမၤစၢၤကရၢ လၢထီဒါအံၣ်စရ့န့ၣ်လီၤ.ကီၫ်ခိၣ်အသီတကပၤ ဒ်ကီၫ်ခိၣ်လီၫ်လံၤအထံဂုၤကီၫ်ဂၤဂ့ၫ်၀ီဒီးသုးဂ့ၫ်၀ီတၫ်ဘျၢတဖၣ် ကလူၤ ပိာ်မၤထွဲကဒီး၀ဲအဂီၫ်ဒီးဂုၫ်ကျဲးစၢး၀ဲလၢ ကမၤဂ့ၤထီၣ်တၫ်ရ့လိာ်ဘၣ်ထွဲဒီးမုၫ်နုာ်ထံကီၫ်တဖၣ်န့ၣ် ကကီခဲ၀ဲအဂ့ၫ် ပှၤပဲာ် ထံနီၤဖးတၫ်တဖၣ်တဲ၀ဲလီၤ.
