၇.၂.၂၀၂၄
၀့ၫ်ခိၣ်ဘီကီာ်ပာ်ဃုာ် ကီၫ်ကၠီၣ်တဲၣ်တၫ်လီၫ်အါတက့ၫ်အပူၤ ဖဲတယံာ်ဒံးဘၣ် တၫ်နုာ်လီၤသမံသမိးအပူၤ ပှၤကီၫ်ပယီၤဖိ ၆ကလးဂၤပာ်ဃုာ် ပှၤမၤတၫ်ဖိလၢ တဖိးသဲစး ၈ကလးဂၤဃၣ်ဃၣ်ဖီၣ်န့ၫ်၀ဲအဂ့ၫ် ကၠီၣ်တဲၣ်ပဒိၣ်တဖၣ် ဘိးဘၣ်ပာ်ဖျါ၀ဲလီၤ.
လၢကျးတဖၣ်အပူၤ,တၫ်သူၣ်ထီၣ်ဘှီထီၣ်တၫ်ဖံးတၫ်မၤအပူၤ,ပှၤမၤတၫ်ဖိအိၣ်ဆိးတၫ်လီၫ်တဖၣ်ပာ်ဃုာ် လၢတၫ်လီၫ် (၂၀၀)ဘျဲၣ်အပူၤ ကၠီၣ်တဲၣ်ဘၣ်မူဘၣ်ဒါတဖၣ် နုာ်လီၤသမံသမိး၀ဲ၀ံၤ လၢ(၃)နွံဘျဲၣ်အတီၫ်ပူၤ ပှၤမၤတၫ်ဖိလၢတဖိးသဲစးအကလးဂၤဃၣ်ဃၣ် ဘၣ်တၫ်ဖီၣ်န့ၫ်၀ဲလီၤ.
ဘၣ်ထွဲဒီးတၫ်ဖီၣ်န့ၫ် ပှၤထံဂုၤကီၫ်ဂၤအကလးဂၤ လၢတဖိးသဲစး ဒ်သိးအံၤအဖီခိၣ် ကီၫ်ကၠီၣ်တဲၣ်တၫ်ဖံးတၫ်မၤ ပှၤနဲၣ်တၫ်ခိၣ်ကျၢၫ် Mr. Somchai Morakotsriwanတဲ၀ဲဒ်သိးအံၤလီၤ.
“ကၠီၣ်တဲၣ်ပှၤမၤတၫ်ဖိဂ့ၫ်၀ီ၀ဲၤကျိၤန့ၣ် လၢထံကီၫ်ဒီတဘ့ၣ်အပူၤ ပှၤမၤတၫ်ဖိလၢတဖိးသဲစးတဖၣ် ဘၣ်တၫ်သမံသမိး အီၤဒ်သိးအံၤန့ၣ် မ့ၫ်ဒ်သိးတၫ်တြီဆၢ တၫ်ကူၣ်လဲၤမၤကၤပှၤကညီ ကန့ၫ်အဂီၫ်ဒီးကီၫ်ကၠီၣ်တဲၣ်တကပၤ ထံဂုၤကီၫ်ဂၤတဖၣ် ပဲာ်အၢပဲာ်သီအီၤလၢအိၣ်ဒီးတၫ်ဂံၫ်စၫ်လၢ တၫ်မၤလီၤမၫ်ကွံာ်တၫ်ကူၣ်လဲၤမၤကၤပှၤကညီတဖၣ်အဃိ ဒ်သိးဒီး ကမၤလီၤမၫ်ကွံာ် တၫ်ကူၣ်လဲၤမၤကၤပှၤကညီအဂီၫ်မၤထွဲ၀ဲလီၤအဂ့ၫ်” တဲ၀ဲလီၤ.
ကီၫ်ကၠီၣ်တဲၣ်အပူၤ တၫ်ဖီၣ်ပှၤမၤတၫ်ဖိလၢတဖိးသဲစးတဖၣ်အဂီၫ် အသီ(၁၂၀)တၫ်ရဲၣ်တၫ်ကျဲၤ တၫ်ဒုးအိၣ်ထီၣ်အမိၫ်လံၤမိၫ်ပှၫ်အပူၤ လၢ(၂၄)သီအတီၫ်ပူၤ ပှၤကီၫ်ပယီၤဖိပာ်ဃုာ် ထံဂုၤကီၫ်ဂၤပှၤမၤတၫ်ဖိ ၈ကလးဂၤဃၣ်ဃၣ် ဖီၣ်န့ၫ်၀ဲအဂ့ၫ်တဲ၀ဲလီၤ. လၢအကျါပှၤကီၫ်ပယီၤဖိ(၆)ကလးဂၤပာ်ဃုာ်၀ံၤ မ့ၫ်ပှၤနီၫ်ဂံၫ်အအါကတၢၫ်န့ၣ်လီၤ.
ကၠီၣ်တဲၣ်ပှၤဘၣ်မူဘၣ်ဒါတဖၣ် ဖီၣ်သမံးသမိးတၫ်အပူၤ ကီၫ်ပယီၤပှၤမၤတၫ်ဖိ ၅၈,၈၆၈ဂၤ, ခဲၣ်ဘီဒံယါပှၤမၤတၫ်ဖိ ၁၁,၉၁၃ဂၤ, လၣ်အိၣ်ပှၤမၤတၫ်ဖိ ၅၅၇၁ဂၤ,ဘ့ၣ်ယဲးနၣ်ပှၤမၤတၫ်ဖိ ၂၂ဂၤ ဒီးထံဂုၤကီၫ်ဂၤပှၤမၤတၫ်ဖိ ၂၄၂၄ဂၤ တၫ်ဖီၣ်န့ၫ်၀ဲ၀ံၤ တနီၤဒုဃ့အီၣ်လိး၀ဲစ့ဒီးတနီၤန့ၣ် ဆှၢက့ၤ၀ဲဆူအိၣ်ဆိးတၫ်လီၫ်ပာ်ဃုာ် ကဘၣ်တၫ်ဟံးန့ၫ်ဂ့ၫ်၀ီန့ၣ်လီၤ.
ref:voa
