၇.၂.၂၀၂၄
ကခၠ့ၣ်ကီၫ်စဲၣ်, ပူၣ်တၣ်အၣ်ကီၫ်ရ့ၣ်တပၤ မူခိၣ်စူၤတဘိယုၫ်ဃီ၀ံၤ အ့ၣ်ယၣ်၀တံၣ်ကျိထံဒိၣ်ထီၣ်အဃိ စးထီၣ်လၢ လါယူၤ(၃၀)သီအနံၤန့ၣ် ၀့ၫ်မၠ့းကၠံးနါ,က၀ီၤဒ့တနီၤ ထံဒိၣ်နိယွၤ ကဲထီၣ်သးအဂ့ၫ် လီၫ်က၀ီၤကမျၢၫ်တဖၣ်တဲ၀ဲန့ၣ်လီၤ.
အ့ၣ်ယၣ်၀တံၣ်ထံကျိၤဒီတကျိၤအိၣ် စံၣ်တၣ်ပူၣ်, ကခၠ့ၣ်စူး,ကၠိပ့ၣ်သၣ်,အလဲၫ်ကိ,မလံၣ်ယၣ်, စံလိၣ်,ရၣ်ပူၣ်,ကၠဲးပီၣ်ခၠၣ်, ခ့ၣ်မၣ်သံၣ်ရံးက၀ီၤဒ့တဖၣ်ပူၤ ထံဒိၣ်ထီၣ်၀ဲန့ၣ်လီၤ.
လါယူၤလံ(၁)သီအနံၤစ့ၫ်ကီး အ့ၣ်ယၣ်၀တံၣ်ထံကျိအံၤ ဒိၣ်ထီၣ်၀ဲ၀ံၤထံဒိၣ်နိယွၤကဲထီၣ်သးက၀ီၤဒ့တဖၣ်အပူၤ ပှၤတ၀ၢတၫ်မၤစၢၤကရၢတဖၣ် မၤပူၤဖျဲးဟ့ၣ်တၫ်မၤစၢၤတဖၣ်န့ၣ်လီၤ.
ထံဒိၣ်နိယွၤကဲထီၣ်သး၀ံၤ ပှၤလၢအိၣ်ကးတံာ်သးလၢဟံၣ်ပူၤတဖၣ်အိၣ်၀ဲအသိး ပှၤအါတၫ်တက့ၫ်န့ၣ် လဲၤအိၣ်ကဒု၀ဲဒၣ် ဖဲသီခါဖၠၣ်ဒီးသမူသကိးဟံၣ်လၢ တၫ်လူၫ်ခိၣ်တဖၣ်အဂ့ၫ် လီၫ်က၀ီၤကမျၢၫ်တဖၣ် တဲ၀ဲန့ၣ်လီၤ.
သုးကီၣ်ကးအမူခိၣ်ကလံၤသီၣ်ဂီၤ၀ဲၤကျိၤပှၤဘၣ်မူဘၣ်ဒါ အူနၢၤလ့ထွ့တခီ ၀့ၫ်မၠ့းကၠံးနါ အအ့ၣ်ယၣ်၀တံၣ်ထံအံၤ လါယူၤ(၁)သီအနံၤ မုၫ်ဃ့ၫ်လီၤ(၃)နၣ်ရံၣ်ဘျဲၣ်ကတီၫ်န့ၣ် ထီၣ်တုၤ၀ဲတုၤတၫ်ဘၣ်ယိၣ်ပနီၣ် ယဲၫ်ပျၫ်ဘျဲၣ်အဂ့ၫ် ကွဲးဖျါဃၣ်၀ဲဖဲအ၀ဲပှၤတ၀ၢလံာ်ကဘျံးပၤအပူၤန့ၣ်လီၤ.
အ့ၣ်ယၣ်၀တံၣ်ထံကျိၤအံၤ လၢ၀့ၫ်မၠ့းကၠံးနါအပူၤ ကဒိၣ်ထီၣ်သ့၀ဲဒံးအဂ့ၫ် အူနၢၤလ့ထွ့ ဟ့ၣ်ပလီၫ်ဒုးသ့ၣ်ညါဃၣ်၀ဲန့ၣ်လီၤ.
ref:rfa
