၇.၁.၂၀၂၄
ကၠီၣ်တဲၣ်စ့တၢးတၫ်မၤကစၫ်တဖၣ် ပဒိၣ်အတၫ်မၤလီၤမၫ်ကွံာ်ကျိာ်စ့တဖိးသဲစး၀ဲၤဒၢးဒီး ကၠီၣ်တဲၣ်လီၫ်ခၢၣ်သးစ့တၢး အတၫ်ပၢဆှၢရဲၣ်ကျဲၤအဖီလာ် ဟီၣ်ခိၣ်ပှၤတ၀ၢအဒူၣ်အထၢဒီး ပှၤတ၀ၢတၫ်ကရၢကရိအဂီၫ် လၢတၫ်တူၫ်မူတူၫ်ဒါအပူၤမၤထွဲ၀ဲအဂ့ၫ် တၫ်မၤကစၫ်တဖၣ်ပာ်ဖှိၣ်ခီၣ်ဆၢက့ၤ၀ဲလီၤ.
တၫ်ပာ်ဖှိၣ်ခီၣ်ဆၢတၫ်ဒ်သိးအံၤန့ၣ် အပူၤကွံာ်စှၤနံၣ်အပူၤ ပယီၤသုးကီၣ်ကးကပှ့ၤတၫ်စုက၀ဲၤအဂီၫ် လၢတၫ်ဟ့ၣ်ခီဆှၢန့ၫ်ကျိာ်စ့တၫ်ဖံးတၫ်မၤအပူၤ ဘီမုၫ်စၢဖှိၣ်ကရၢဘိးဘၣ်ရၤလီၤလၢကၠီၣ်တဲၣ်စ့တၢးပာ်ဃုာ်၀ံၤအလီၫ်ခံဟဲအိၣ်ထီၣ်၀ဲလီၤ.
တကးဘၣ်စ့တၢးတၫ်ဖံးတၫ်မၤခဲလၢာ်န့ၣ် လီၫ်က၀ီၤဒီးထံဂုၤကီၫ်ဂၤ မုာ်ကျိၤ၀ဲၤကွာ်တကးဘၣ် တၫ်လၢကကဲထီၣ်တၫ်လီၤဘၣ်ယိၣ်ဒီး ပှၤနီၫ်တဂၤဒီးတၫ်ကရၢကရိလၢအိၣ်ဒီးမံၤဟးဂီၤစရီ, ထံကီၫ်တၫ်ဂ့ၫ်တၫ်ကျိၤသနူတဖၣ် တၫ်ပာ်လီၤဃာ်၀ဲအဂ့ၫ်တဲဃာ်၀ဲလီၤ.
ကၠီၣ်တဲၣ်စ့တၢးတၫ်ဖံးတၫ်မၤတဖၣ် အတၫ်ထုးထီၣ်သဃဲၤလံာ်အပူၤ ကၠီၣ်တဲၣ်မုာ်ကျိၤ၀ဲၤကွာ်စ့တၢးတဖၣ်န့ၣ် တၫ်ကမၤကမၣ်ပှၤဂ့ၫ်၀ီခွဲးယာ်အဂီၫ် ဘၣ်ထွဲတၫ်ပှ့ၤန့ၫ်တၫ်စုက၀ဲၤတၫ်ဂ့ၫ် လၢတၫ်ဆှၢခီကျိာ်စ့န့ၣ်ဟ့ၣ်ဃာ်၀ဲတၫ်ပျဲတအိၣ်ဘၣ်အဂ့ၫ်တဲ၀ဲလီၤ.
တကးဘၣ် ဘၣ်ထွဲဒီး တၫ်ဆီၣထွဲမၤစၢၤပယီၤသုးကဒိးန့ၫ်တၫ်စုက၀ဲၤအဂီၫ်စ့ၫ်ကီး တၫ်ဘျၢတီၤလၢတဆီၣ်ထွဲ၀ဲဘၣ်န့ၣ် ပာ်လီၤဃာ်၀ဲဖျိဖျိဖျါဖျါအဂ့ၫ် ကၠီၣ်တဲၣ်စ့တၢးတဖၣ် တဲ၀ဲလီၤ.
ဘီမုၫ်စၢဖှိၣ်ကရၢလံာ်ပာ်ဖျါအပူၤတခီ ၂၀၂၃-၂၀၂၄နံၣ် စ့ပာ်ကီၤနံၣ်အပူၤ တၫ်ပညိၣ်ဒုးကီၫ်ပယီၤထံဖိကီၫ်ဖိကမျၢၫ်အဂီၫ် သုးကီၣ်ကးသုးဂ့ၫ်ဂီတၫ်ဟူးတၫ်ဂဲၤအပူၤ တၫ်စုက၀ဲၤဒီးတၫ်ပီးတၫ်လီလၢဘၣ်ထွဲတဖၣ် တၫ်ပှ့ၤကန့ၫ်အဂီၫ်လၢတၫ်ဟ့ၣ်ဆှၢခီစ့ အမဲရကၤဒီလၣ်(၁၂၀)မံၣ်လံၣ်ယၣ်အပူၤ ကၠီၣ်တဲၣ်စ့တၢးတဖၣ် ပာ်ဃုာ်၀ဲအဂ့ၫ်ပာ်ဖျါ၀ဲလီၤ.
ဒ်န့ၣ်အသိး ကၠီၣ်တဲၣ်စ့တၢးန့ၣ် ပယီၤသုးပှ့ၤတၫ်စုက၀ဲၤအဂီၫ် အပူၤကွံာ်ကျိာ်စ့တၫ်ယွၤလီၤန့ၣ် အိၣ်ဒၣ်ထဲအမံၣ်လံၣ်ယၣ်(၆၀)လီၤဘၣ်ဆၣ် ဖဲ၂၀၂၃နံၣ်အပူၤ မၤစၢၤ၀ဲလၢတၫ်ဘၢၣ်စၢၤ အမဲရကၤဒီၣ်လၣ်(၁၂၀)မံၣ်လံၣ်ယၣ်ညါအဂ့ၫ်ပာ်ဖျါ၀ဲလီၤ.
ဘီမုၫ်စၢဖှိၣ်ကရၢ လံာ်ပာ်ဖျါအပူၤSCB Bankန့ၣ် ၂၀၂၃နံၣ်အပူၤကီၫ်ပယီၤပှ့ၤတၫ်စုက၀ဲၤတၫ်ဖံးတၫ်မၤအဂီၫ် ဆှၢခီန့ၫ်၀ဲအမဲရကၤစ့ဒီလၣ်(၅၀)မံၣ်လံၣ်ယၣ်၀ံၤ နံၣ်လၢပိာ်ထွဲထီၣ်အခံတနံၣ်အပူၤတခီ လၢတၫ်ဟ့ၣ်လီၤန့ၫ်စ့ လၢကီၫ်ပယီၤတၫ်စုက၀ဲၤအဂီၫ် လီၤလၢလၢ အမဲရကၤဒီၣ်လၣ် (၁၀၀)မံၣ်လံၣ်ယၣ်အပူၤန့ၣ် ပာ်ဃုာ်၀ဲအဂ့ၫ် ပာ်ဖျါဃာ်၀ဲလီၤ.
Ref – Thai PBS World
