၇.၁.၂၀၂၄
လၢ၀့ၣ်တကူၣ်ကီၫ်ဒိၣ်, စးထီၣ်လၢလါယူၤ(၂၈)သီအနံၤန့ၣ် ပှၤလၢအလဲၤထီၣ်သုးတၫ်သိၣ်လိနီၣ်ဂံၫ်(၁)တဖၣ်အံၤ တၫ်ကဆှၢအီၤဆူတၫ်ဒုးကဲထီၣ်သးအလီၫ်တၫ်မဲာ်ညါတဖၣ်အဂ့ၫ် အဟံၣ်ဖိဃီဖိတဖၣ်တဲ၀ဲန့ၣ်လီၤ.
“အ၀ဲသ့ၣ်တဲ၀ဲလၢ တဘၣ်ဘၣ်ယိၣ်တၫ်တဂ့ၤ, သုမ့ၫ်အိၣ်ဒ်အံၤန့ၣ် ကလီကလီလီၤ. သုမ့ၫ်နုာ်လီၤန့ၣ် သုကဒိးန့ၫ်ဘၣ်(၃)ကလီၤ. ဒီးတဲ၀ဲလၢ သုဖိဒီးဖိဒိၣ်တဖၣ်န့ၣ် ကဘၣ်လီၤက့ၤမူဒါလၢ နီၫ်ကစၫ်က၀ီၤဒ့အပူၤလီၤ. အခဲအံၤလီၤဘၣ်မူဒါဆူရၢၫ်ခၢၣ်,ဘျံးဒီးတီၣ်ကၠံၣ်၀့ၫ်တဖၣ်လံ.ပှၤလၢအထီၣ်သုးတၫ်သိၣ်လိနီၣ်ဂံၫ်(၁)ခဲလၢာ်ဃၣ်ဃၣ်လီၤ. တဂီၤအံၤအ၀ဲသ့ၣ်လဲၤတုၤဆူ သုးတၫ်သမံသမိးအလီၫ်လံ. ဟါလီၤခီန့ၣ် တၫ်ကနီၤလီၤမူဒါန့ၣ်လီၤ. ခဲအံၤန့ၣ် တၫ်မၤတသ့နီတမံၤလၢၤဘၣ်အဂ့ၫ်“ ဟံၣ်ဖိဃီဖိတဂၤ တဲ၀ဲန့ၣ်လီၤ.
သုးကီၣ်ကးအံၤ ဖဲ၂၀၂၄နံၣ်, လါဖ့ၤဘြူအါရံၤ(၁၀)သီအနံၤန့ၣ် မၤမူထီၣ်က့ၤကမျၢၫ်တၫ်ဘၣ်ကဲသုးတၫ်ဘျၢ၀ံၤအလီၫ်ခံ လၢလါမးၡးန့ၣ်စးထီၣ်ကိး၀ဲတၫ်ဘၣ်ကဲသုးတဖၣ်၀ံၤယံၤ(၃)လါကတီၫ်,လါယူၤ(၂၈)သီအနံၤန့ၣ်မၤ၀ဲသုးတၫ်သိၣ်လိကၠိတၫ်ပျၫ်အမူးတၫ်ရဲၣ်တၫ်ကျဲၤတဖၣ် ဖဲ ၀့ၫ်တကူၣ်,မါတလ့, အ့ၣ်ယၣ်၀တံၣ်, ယိၤဒိၣ်ကီၫ်စဲၣ်ကလံၤထံး,ကလံၤစိး ဒီးမုၫ်ထီၣ်, တလၢၤကီၫ်စဲၣ်တဖၣ်အပူၤန့ၣ်လီၤ.
က၀ီၤဒ့ပူၤပှၤလၢကိးတၫ်ဘၣ်ကဲသုးကရၢဖိတဂၤ“တၫ်ကိးကွၫ်လီတဲစိဆူပှၤဖိလၢအလဲၤထီၣ်တၫ်သိၣ်လိတဖၣ်မးတၫ်သ့ၣ်ညါဘၣ်လီၤ. သု၀ဲသ့ၣ်န့ၣ်လီၤတံၫ်ဧါ. တဲဃၣ်ပ၀ဲလၢသုကဘၣ်လီၫ်မူဒါလၢဖဲအံၤလီၤ. လီၤတံၫ်လီၤ ယၤန့ၣ်ကဘၣ်လဲၤမူဒါဆူ စ့းတွ့ၣ်, အဂၤတဂၤန့ၣ် ကဘၣ်လဲၤဆူ ဘျံး၀့ၫ်န့ၣ်လီၤ. တၫ်ကဆှၢအီၤန့ၣ်လီၤတံၫ်လီၤ. အဟံၣ်ဖိဃီဖိတဖၣ် ဟးတဲ၀ဲလၢကျဲပူၤန့ၣ်လီၤ. ပှၤသ့ၣ်ညါခဲလၢာ်လီၤ. ပၢပြးခိၣ်နၫ်တဖၣ်စ့ၫ်ကီး ကအူကစွါလံ. ကကိးအါထီၣ်အဂီၫ် တၫ်အိၣ်ဖှိၣ်စ့ၫ်ကီး တကဲထီၣ်လၢၤဘၣ်အဂ့ၫ်“ တဲ၀ဲန့ၣ်လီၤ.
တၫ်စးထီၣ်ကိး၀ဲဆၢကတီၫ် ပှၤလၢလဲၤထီၣ်လၢ၀့ၫ်တကူၣ်သုးတၫ်သိၣ်လိတဖၣ် တၫ်သိၣ်လိန့ၫ်အီၤဖဲ နီၣ်ဂံၫ်(၁)သုးတၫ်သိၣ်လိအလီၫ်၀ံၤ ပှၤလၢထီၣ်သုးတၫ်သိၣ်လိ၀ံၤတဖၣ်တခီ တၫ်ဆီတလဲၤဆှၢပာ်အီၤဆူ လဲၣ်ကီၫ်ဆၣ်, ဘယ့းနီၫ်ကျဲမုၫ်, နီၣ်ဂံၫ်(၁)သုးတၫ်သမံသမိးအလီၫ်ဒီးသုးတၫ်အိၣ်ဘှံးလီၫ်တဖၣ်၀ံၤ လါယူၤလံအတီၫ်ပူၤန့ၣ် တၫ်ကဆှၢအီၤဆူ ရၢၫ်ခၢၣ်ကီၫ်စဲၣ်, တနီသရံးကီၫ်ဒိၣ်,ကခၠ့ၣ်ကီၫ်စဲၣ်ဒီးယိၤဒိၣ်ကီၫ်စဲၣ်ကလံၤစိးတပၤအဂ့ၫ် တၫ်သ့ၣ်ညါဘၣ်န့ၣ်လီၤ.
ref:DVB
