လါမ့ၤ(၂၃)သီ, ၂၀၂၄နံၣ်
ပယီၤမုာ်ကျိၤ၀ဲၤကွာ်ခီၣ်ပရ့ရှ့(မြန်မာ့စီးပွားရေးကော်ပိုရေးရှင်း)ပယီၤသုးပၢ အတၫ်တိာ်ကျဲၤ(စီမံကိန်း)တခါအဂီၫ် ယပၣ်တၫ်သူၣ်ထီၣ်ဘှီထီၣ် တၫ်ဖံးတၫ်မၤ(ဂျပန်ဆောက်လုပ်ရေးကော်ပိုရေးရှင်း)တခါလၢအမ့ၫ် Yokogawa Bridge Corp ခီၣ်ပရ့ရှ့န့ၣ် ဟ့ၣ်ခီဃီၤ၀ဲ အမဲရကၤ ဒီလၣ် (၂)ကကွဲၫ်ဘျဲၣ်အဂ့ၫ် ပာ်ဖျါ၀ဲလီၤ.
ဒီလၣ်(၂)ကကွဲၫ်ဘျဲၣ်အံၤ ခီဖျိလၢအမဲရကၤပဒိၣ် အတၫ်အၢၣ်လီၤတူၫ်လိာ်အဖီခိၣ် ယပၣ်တၫ်သူၣ်ထီၣ်ဘှီထီၣ်ခီၣ်ပရ့ရှ့(ဂျပန်ဆောက်လုပ်ရေးကော်ပိုရေးရှင်း)န့ၣ် ဖဲလါယူၤလံ ၂၀၂၂နံၣ် တုၤ လါယနူၤအါရံၤ ၂၀၂၃နံၣ် အပူၤ ဟ့ၣ်ဃီၤ၀ဲဆူ ပယီၤမုာ်ကျိၤ၀ဲၤကွာ်ခီၣ်ပရ့ရှ့(မြန်မာ့စီးပွားရေးကော်ပိုရေးရှင်း)အိၣ်အဂ့ၫ် တၫ်ထံၣ်ဘၣ်၀ဲလီၤ.
တၫ်ဟ့ၣ်ခီဃီၤစ့တၫ်မၤနီၣ်အဖီခိၣ် ဒီလၣ်(၂)ကကွဲၫ်အံၤ ဟ့ၣ်ခီဃီၤ၀ဲ(၂)၀ီ၀ံၤ ဒီလၣ်(၁)ကကွဲၫ်ဘျဲၣ်န့ၣ် ဟ့ၣ်ဃီၤ၀ဲ ပယီၤမုာ်ကျိၤ၀ဲၤကွာ်ခီၣ်ပရ့ရှ့လီၤ. အိၣ်တ့ၫ်ဒီၣ်လၣ် (၁.၃)ကကွဲၫ်တခီ ဟ့ၣ်၀ဲဆူ ၀့ၫ်တကူၣ် တၫ်သူၣ်ထီၣ်ဘှီထီၣ်တၫ်ဖံးတၫ်မၤ(ရန်ကုန်ဆောက်လုပ်ရေးလုပ်ငန်း)တခါလၢအမ့ၫ် Bago River Bridge Construction Project အဂီၫ်လီၤ.
ထးစဲဖီကဟၣ်တၫ်မၤလီၫ်လၢ ပယီၤမုာ်ကျိၤ၀ဲၤကွာ်ခီပရ့ရှ့ပၢ(မြန်မာ့စီးပွားရေးကော်ပိုရေးရှင်းပိုင်) ဆါန့ၫ်၀ဲ ထး တဖၣ်ဆူ Bago River Bridge Construction Project အိၣ်အဃိ ဒိးန့ၫ်ဘၣ်၀ဲတၫ်ဘၣ်ဘျုးအါမးအဂ့ၫ် တဲ၀ဲလီၤ.
Yokogawa Bridge Corp တကပၤ တၫ်တိာ်ကျဲၤ(စီမံကိန်း)တခါအဂီၫ် လၢမၤစၢၤကီၫ်ပယီၤ, ကဘၣ်ဟ့ၣ်ခီဃီၤစ့ တဖၣ်န့ၣ် ကဟ့ၣ်ခီဃီၤ၀ဲဆူ ပယီၤမုာ်ကျိၤ၀ဲၤကွာ်ခီၣ်ပရ့ရှ့အိၣ်အဂ့ၫ် ယပၣ်ထံ ဂုၤကီၫ်ဂၤဘၣ်မူဘၣ်ဒါတဂၤတဲ၀ဲလီၤ.
လၢတၫ်ဟ့ၣ်ကီၫ်ပယီၤတၫ်မၤစၢၤအပူၤ တၫ်ကဘၣ်ဟ့ၣ်လၢအကျဲဘၣ်အဂီၫ် ယပၣ်ကိတိာ်ခိၣ်ကျၢၫ် တဲဃာ်၀ဲဘၣ်ဆၣ် ယပၣ်ထံဂုၤကီၫ်ဂၤဘၣ်မူဘၣ်ဒါတခီ တဲ၀ဲဒ်သိးအံၤအဖီခိၣ် မ့ၫ်တၫ်လၢကြၢး ပာ်သူၣ်ပာ်သးလီၤ.
ref:salweenpress
