လါမ့ၤ(၂၃)သီ, ၂၀၂၄နံၣ်
ပယီၤသုးမီၤစိရိၤသိၣ်မှံကရၢလၢအမ့ၫ် ကညီသုးခိးကီၫ်ဆၢ(BGF)အံၤ လီၫ်က၀ီၤအပူၤ ဒုးအိးထီၣ်ဃာ်၀ဲ ဆဲၣ်ဘၣ်တၫ်လံၣ်တၫ်လီကွီၫ်မ့ၣ်တၫ်ဖံးတၫ်မၤပှာ်ဘျးစဲတဖၣ်၀ံၤ မၤကမၣ်၀ဲကွီၫ်မ့ၣ်တဖၣ်အဂ့ၫ် Justic for Myanmar (JFM) ဖဲမဟါလါမ့ၤ(၂၂)အနံၤ လံာ်ဘိးဘၣ်ရၤလီၤအပူၤ ပာ်ဖျါဃာ်၀ဲန့ၣ်လီၤ.
ဘၣ်ထွဲဒီး Justic for Myanmar (JFM) အတၫ်ဘိးဘၣ်ရၤလီၤအဖီခိၣ် Karen Peace Support Network(ကရင်ငြိမ်းချမ်းရေးအထောက်အကူပြုကွန်ရက်) ပှၤနဲၣ်တၫ် သရၣ်မုၣ်နီၫ်၀ါခုၣ်ၡံ တဲ၀ဲလၢ “ဘၣ်ဃးလၢ Justic for Myanmar (JFM) အတၫ်ဃုထံၣ်တခါအံၤန့ၣ် ပထံၣ်ဘၣ်တၫ်လီၤတံၫ်လီၤဆဲးဒီး တၫ်ဂ့ၫ်တၫ်ကျိၤဖးလၢပှဲၤညါမီၤနီၫ်. အဖီခိၣ်န့ၣ် ကဲ၀ဲဒၣ်တၫ်လီၤဘၣ်ယိၣ်ဖးဒိၣ်ညါကၠ့ၫ်, ဘၣ်မနုအဃိလဲၣ် တၫ်ကဲထီၣ်သးသ့ၣ်တဖၣ်အံၤန့ၣ် အိၣ်၀ဲဒၣ်လၢကညီကီၫ်စဲၣ်အပူၤမီၤ.” န့ၣ်လီၤ.
BGF အခိၣ် စီၤခၠံးသူၣ်(ကိး)စၣ်မၠ့းဒီး အဟံၣ်ဖိဃီဖိတဖၣ်အံၤ လၢ BGF န့ၫ်ပၢဘၣ်ခီပနံၣ်(BGFပိုင်ကုမ္ပဏီ)တဖၣ်အပူၤ ပာ်ဃုာ်၀ဲလၢတၫ်လီၫ်လၢအကါဒိၣ်အလီၫ်တဖၣ်အပူၤ၀ံၤ မုာ်ကျိၤ၀ဲၤကွၫ်(၆)ခါအပူၤ အဟံၣ်ဖိဃီဖိတဖၣ် တၫ်နီၤဖးဘျၢလီၤပာ်စ့ တဂၤစုာ်စုာ်အဂ့ၫ် စံး၀ဲန့ၣ်လီၤ.
“ဘၣ်ဃး BGF ဒီးသုးခိၣ်ခၠံးသူၣ်အဟံၣ်ဖိဃီဖိတဖၣ် အတၫ်ပာ်ဃုာ်လၢ အမုာ်ကျိၤ၀ဲၤကွာ်လၢအဘျးစဲလိာ်သးဒီး ကွီၫ်မ့ၣ်ကရူၫ်(ရာဇဝတ်မှုအုပ်စု)တဖၣ်, တၫ်ဖံးတၫ်မၤသ့ၣ်တဖၣ်အံၤန့ၣ် လီၤပျံၤလီၤဖုးဒိၣ်မးမီၤနီၫ်. ဘၣ်မနုအဃိလဲၣ် ပကွၫ်ကဒါက့ၤအီၤန့ၣ် အပူၤကွံာ်စ့ၫ်ကီးန့ၣ် တၫ်ဘျးစဲသ့ၣ်တဖၣ်အံၤန့ၣ် ဘၣ်ဃးတၫ်ဆါအီၣ်ပှၤကညီမ့ၫ်ဂ့ၤ, တၫ်လံၣ်အီၣ်လီအီၣ်တၫ်လၢ ကလံၤကျါမ့ၫ်ဂ့ၤနီၫ်, ဒီးတုၤလၢတၫ်မၤပယွဲပှၤကညီ, မၤဆူၣ်မၤဆါပှၤကညီလံၣ်အီၣ်လီအီၣ်တၫ်လၢကလံၤကျါမ့ၫ်တန့ၫ်တၫ်သ့ၣ်တဖၣ်နီၫ်. အဃိသး တၫ်၀ဲသ့ၣ်တဖၣ်န့ၣ် အဘျးစဲလိာ်သးဒီး ထံဂုၤကီၫ်ဂၤကွီၫ်မ့ၣ် (နိုင်ငံတကာရာဇဝတ်မှု)မီၤနီၫ်. အ၀ဲထံဂုၤကီၫ်ဂၤတၫ်ဘျၢသ့ၣ်တဖၣ်အဖီခိၣ်န့ၣ် အကဲ၀ဲဒၣ် တၫ်လၢအလီၤဘၣ်ယိၣ်ဖးဒိၣ်တခါလၢ ပပှၤကညီဖိသ့ၣ်တဖၣ်အကျါမီၤ.” အဂ့ၫ် KPSN ပှၤနဲၣ်တၫ် သရၣ်မုၣ်နီၫ်၀ါခုၣ်ၡံ တဲအါထီၣ်၀ဲန့ၣ်လီၤ.
(JFM) အတၫ်ဃိထံသ့ၣ်ညါတၫ်တဖၣ်အဖီခိၣ် ကွီၫ်မ့ၣ်တၫ်ဖံးတၫ်မၤတဖၣ်အပူၤ မလ့ၡါ(မလေးရှား), ကၠီၣ်တဲၣ်(ထိုင်း), စ့ၣ်ကဖူၣ်(စင်ကာပူ), ခၣ်ဘီဒံယါ(ကမ္ဘောဒီယား), တရူး(တရုတ်) ဒီးဟီၣ်ကီၣ်(ဟောင်ကောင်)အခီပနံာ်ပှၤဘၣ်မူဘၣ်ဒါတဖၣ် ပာ်ဃုာ်ဘၣ်ထွဲ၀ဲအဂ့ၫ် စံး၀ဲန့ၣ်လီၤ.
တဖိးသဲစး ကၣ်စံၣ်နိၣ်(ကာစီနိုရုံ)တၫ်မၤလီၫ်တဖၣ်ဒီး အိၣ်လဲတၫ်လိာ်ခိၣ်လိာ်ကွဲတၫ်မၤလီၫ်တဖၣ်အံၤ အိၣ်၀ဲဒၣ်ဖဲကညီကီၫ်စဲၣ်, ယးထဲး၀့ၫ်သီတၫ်တိာ်ကျၢၤ(ရထိုက်မြို့သစ်စီမံကိန်း) (Yatai New City)ဒီး ဒီၣ်မ့ၫ်ဖီကရၢၫ်တၫ်တိာ်ကျၢၤ (ဒေါင်မေဥယျာဉ်စီမံကိန်း) (Dongmei Park)တဖၣ်အဖီလာ်၀ံၤ တၫ်တိာ်ကျၢၤတဖၣ်အံၤ တၫ်ဒုးကဲထီၣ်၀ဲဒ်အဖိးသဲစး၀ံၤ မၤကမၣ်၀ဲထံကီၫ်ခီဂာ်ကွီၫ်မ့ၣ်တၫ်ဖံးတၫ်မၤတဖၣ်အဂ့ၫ် (JFM) အလံာ်ပာ်ဖျါအပူၤ ပာ်ဖျါဃာ်၀ဲန့ၣ်လီၤ.
ကီၫ်ကၠီၣ်တဲၣ်ပာ်ဃုာ် ကီၫ်မလ့ၡါခီပနံာ်စ့တၢး(မလေးရှားကုမ္ပဏီဘဏ်)တနီၤအံၤ အဘၣ်ထွဲလိာ်သးဒီး ကညီသုးခိးကီၫ်ဆၢ(BGF)လၢ တၫ်မၤကမၣ်လီၫ်က၀ီၤ ထံကီၫ်ခီဂာ်ကွီၫ်မ့ၣ်တဖၣ်အပူၤအဂ့ၫ် JFM အလံာ်ဘိးဘၣ်ပာ်ဖျါအပူၤ ပာ်ဖျါဃာ်၀ဲလၢ တၫ်အုၣ်သးတဖၣ်န့ၣ်လီၤ.
မလ့ၡါကိတိာ်ခိၣ်ကျၢၫ်၀ဲၤဒၢး(မလေးရှားဝန်ကြီးချုပ်ဟောင်းရုံး) အပူၤကွံာ် ကိတိာ်ခိၣ်ခံလၢအမ့ၫ် Dato Dr Mashitah Ibrahim ဒီး အ၀ၤလၢအမ့ၫ် အပူၤကွံာ်မီၫ်သီလီၫ်လံၤ Datuk Abdul Shakor Bin Abu Bakar တဖၣ်စ့ၫ်ကီး ပာ်ဃုာ်ဘၣ်ထွဲ၀ဲလၢ ကညီသုးခိးကီၫ်ဆၢ (BGF) အတၫ်မၤကမၣ်ကွီၫ်မ့ၣ်တၫ်ဖံးတၫ်မၤပူၤအဂ့ၫ် စံး၀ဲန့ၣ်လီၤ. ကၠီၣ်တဲၣ်ထံကီၫ်န့ၫ်ပၢ(ထိုင်းနိုင်ငံပိုင်) EXIM Bank၊ Bangkok Bank၊ Kasikorn Bank ဒီး Krungthai Bankတဖၣ်စ့ၫ်ကီး ပာ်ဃုာ်ဘၣ်ထွဲလိာ်သးဒီး ကညီသုးခိးကီၫ်ဆၢ (BGF) တဖိးသဲစးမုာ်ကျိၤ၀ဲၤကွၫ်တၫ်ဖံးတၫ်မၤအပူၤအဂ့ၫ် JMF ပာ်ဖျါဃာ်၀ဲန့ၣ်လီၤ.
ကညီသုးခိးကီၫ်ဆၢ (BGF) လၢ အမၤအိၣ်လဲတၫ်လံၣ်တၫ်လီကွီၫ်မ့ၣ်တၫ်ဖံးတၫ်မၤတဖၣ်ပာ်ဃုာ် ထံကီၫ်ခီဂာ်ကွီၫ်မ့ၣ်တၫ်ဖံးတၫ်မၤတဖၣ်ဖျိဖျိဖျါဖျါအံၤ တၫ်ကကးတံာ်ဟံးန့ၫ်ဂီၫ်၀ီလၢဂ့ၫ်ဂီၫ်အူအဂီၫ် JFM ကရၢဆီၣ်တခူထီၣ်ဃာ်၀ဲဆူ ထံဂုၤကီၫ်ဂၤအအိၣ်န့ၣ်လီၤ.
photo:JFM
