လါယူၤ(၁၀)သီ, ၂၀၂၄နံၣ်
ကညီကီၫ်စဲၣ်, ၀့ၫ်ရၤမတံ(မြ၀တီမြို့)ပူၤ မူခိၣ်စူၤဒိၣ်အဃိ ၀့ၫ်ပူၤ က၀ီၤဒ့လၢတၫ်လီၫ်လၢလီၤဘံတဖၣ် ထံဒိၣ်၀ဲန့ၣ်လီၤ. ပှၤရၤမတံဖိတဂၤတဲ၀ဲလၢ မူခိၣ်စူအါအဃိ ထံကျိၤပူၤထံဟဲထီၣ်တလၢလီၤ. လၢအ့ရှၢၣ်ကျဲ(အာရှလမ်း)တုၤ မၠ့ၣ်နံၣ်ကိ (မြေနီကုန်း)ဒီတကျိၤလီၤ. က၀ီၤဒ့တဖၣ် တၫ်လီၫ်လီၤဘံဒီး ထံကျိၤတဖၣ်ထံယွၤလီၤတန့ၫ်ဂ့ၤဂ့ၤဘၣ်အဃိ ကျဲမုၫ်ခိၣ်ထံဒိၣ်လီၤအဂ့ၫ်တဲ၀ဲလီၤ.
လၢကတီၫ်အံၤ တၫ်စူၤအဖၢမုၫ်ဒံးလီၤ၀ံၤ ထံဒိၣ်အဃိ တၫ်ဘၣ်သုးလီၫ်သုးကျဲတအိၣ်ဒံးဘၣ်ဆၣ် ဘၣ်ယိၣ်၀ဲလၢ သူမှဲကျိ(သောင်ရင်းမြစ်) ထံကဒိၣ်ထီၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ. ရၤမတံပှၤတ၀ၢတၫ်မၤစၢၤကရၢ ဘၣ်မူဘၣ်ဒါ တဂၤတဲ၀ဲလၢ လၢကတီၫ်အအံၤ သူမှဲကျိ(သောင်ရင်းမြစ်)န့ၣ် တအိၣ်လၢတၫ်လီၤဘၣ်ယိၣ်ပူၤဒံးဘၣ်. တၫ်လဲၤထီၣ်က့ၤလီၤတခီဒုကီ၀ဲလီၤ. အပူၤကွံာ်နံၣ်န့ၣ် ထံဒိၣ်ထီၣ်ဒီး ကဲထီၣ်တ့ၫ် တၫ်ကီတၫ်ခဲအဃိ ဘၣ်ယိၣ်ဘၣ်ဘှီ၀ဲလီၤအဂ့ၫ် တဲ၀ဲလီၤ.
တၫ်စူၤဒိၣ်တလၢအဃိ ရၤမတံ-တီနီၣ်-ကီးတရံးကျဲလီၫ်လံၤ (မြဝတီ-ဒေါန-ကော့ကရိတ်လမ်းဟောင်း) သိလ့ၣ်တဖၣ်အိၣ်ကးတံာ်တ့ၫ်၀ဲအါမးအဂ့ၫ် တၫ်သ့ၣ်ညါဘၣ်လီၤ.
ref:theirrawadddy
