လါယူၤ(၁၀)သီ, ၂၀၂၄နံၣ်
ရၢၫ်ခၢၣ်ကီၫ်စဲၣ်တၫ်ဒုးတဖၣ်အပူၤ ကီၫ်ပယီၤဘံၣ်ဘၢသုးဖိ(၁၃၀)ဘျဲၣ် လၢလဲၤဃ့ၫ်ဃီၤဆူ ကီၫ်ဘ့ကလါဒ့းထံကီၫ်ပူၤတဖၣ် တၫ်က့ၤဆှၢကဒါက့ၤအီၤဆူ ကီၫ်ပယီၤလံအဂ့ၫ် ကီၫ်ဘ့ကလါဒ့းထံကီၫ် တၫ်ကစီၣ်သန့တဖၣ် ပာ်ဖျါဃာ်၀ဲန့ၣ်လီၤ.
တနံၤအံၤဂီၤအဆၢကတီၫ် ကီၫ်ပယီၤဘံၣ်ဘၢသုးဖိ(၁၃၄)ဂၤအံၤ အိၣ်ဟးထီၣ်၀ဲလၢ ကီးဘစါကီၫ်ရ့ၣ်(ကော့ဘဇားခရိုင်)ပူၤ ဒီးတၫ်က့ၤဆှၢအီၤဆူ ကီၫ်ပယီၤထံသုးကဘီအအိၣ်လံအဂ့ၫ် တၫ်ဒိးသန့ၤကွဲးပာ်ဖျါ၀ဲလၢ ဘ့ကလါဒ့းသုးခိးကီၫ်ဆၢ(ဘင်္ဂလားဒေ့ရှ်နယ်ခြားစောင့်တပ်)ဒီး ပၢပြးခိၣ်နၫ်တဖၣ်အအိၣ်န့ၣ်လီၤ.
ဖဲမဟါအနံၤန့ၣ် ကီၫ်ပယီၤပှၤဘၣ်မူဘၣ်ဒါတဖၣ်ဒီး ဘ့ကလါဒ့းပှၤဘၣ်မူဘၣ်ဒါတဖၣ် ထံၣ်လိာ်သး၀ံၤအလီၫ်ခံ တၫ်ဆှၢက့ၤအီၤတနံၤအံၤအဂ့ၫ် တဲ၀ဲန့ၣ်လီၤ. ဘၣ်ထွဲဒီးတၫ်ဆှၢက့ၤ ကီၫ်ပယီၤဘံၣ်ဘၢသုးတဖၣ်အဖီခိၣ် သုးကီၣ်ကးတပၤတခီ တဘိးဘၣ်ရၤလီၤ၀ဲ တၫ်ကစီၣ်နီတမံၤဒံးဘၣ်န့ၣ်လီၤ.
တကတီၫ်ဃီ ပှၤကီၫ်ဘ့ကလါဒ့း(ဘင်္ဂလားဒေ့ရှ်နိုင်ငံသား)(၄၅)ဂၤလၢ အလီၤဃိၣ်ဖဲကီၫ်ပယီၤပူၤတဖၣ်စ့ၫ်ကီး တၫ်ဆှၢက့ၤအီၤလၢထံကျိၤလံအဂ့ၫ် တၫ်ကစီၣ်သန့တဖၣ်ပာ်ဖျါဃာ်၀ဲန့ၣ်လီၤ.
ရၢၫ်ခၢၣ်ကီၫ်စဲၣ်အပူၤ သုးကီၣ်ကးအသုးဒီး ရၢၫ်ခၢၣ်သုးမုၫ်ဒိၣ်(AA) အသုးတဖၣ်အဘၢၣ်စၢၤ တၫ်ဒုးတဖၣ်ဆူၣ်ထီၣ်တကတီၫ်ဃီ ကီၫ်ပယီၤဘံၣ်ဘၢသုးတဖၣ် လဲၤဃ့ၫ်ဃီၤဆူ ကီၫ်ဘ့ကလါဒ့းထံကီၫ်ပူၤ ခဲအံၤခဲအံၤ၀ံၤ အလီၫ်ခံန့ၣ် ညီနုာ်တၫ်ဆှၢကဒါက့ၤအီၤလၢ ကီၫ်ပယီၤတပၤန့ၣ်လီၤ.
ref:voa
