လါအ့ဖြ့ၣ်(၂၉)သီ, ၂၀၂၄နံၣ်
ကီၫ်ကၠီၣ်တဲၣ်ပဒိၣ်သီ အထံဂုၤကီၫ်ဂၤ၀ဲၤကျိၤကိတိာ်(နိုင်ငံခြားရေးဝန်ကြီးချုပ်) ပၣ်ပရံၣ် ဖဟံၣ်ထၣ် နူးကိၣ်(ပန်ပရီ ဖဟီထာ နုကွန်) (Parnpree Bahiddha-Nukara)န့ၣ် ဖဲလါအ့ဖြ့ၣ်(၂၈)သီနံၤန့ၣ် ဟးထီၣ်လၢအလီၫ်လၤအဂ့ၫ် တၫ်သ့ၣ်ညါဘၣ်လီၤ.
ကၠီၣ်တဲၣ်တၫ်ကစီၣ်သန့တဖၣ် အတၫ်ပာ်ဖျါအဖီခိၣ် တၫ်ထုးကွံာ် ပၣ်ပရံၣ် လၢကိတိာ်ခိၣ်ကျၢၫ်ခံ(ဒုတိယဝန်ကြီးချုပ်) အလီၫ်အဃိ ဟးထီၣ်လၢလီၫ်လၤဒ်သိးအံၤအဂ့ၫ် တၫ်သ့ၣ်ညါဘၣ်လီၤ. ပၣ်ပရံၣ် အလံာ်ဃ့ဟးထီၣ်န့ၣ် ကၠီၣ်တဲၣ်ကိတိာ်ခိၣ်ကျၢၫ်(ထိုင်းဝန်ကြီးချုပ်) ဆရဲးသၣ် ထ၀ံၣ်ဆ့ၣ် တူၫ်လိာ်၀ဲအဂ့ၫ် ကၠီၣ်တဲၣ်ပဒိၣ်ပှၤတဲတၫ်ပၢ (ထိုင်းအစိုးရပြောခွင့်ရ) ခၠဲၣ်၀ၣ်ခၠၣ်ရိၣ်ကံၣ် (ချိုင်ဝါချာရွန်ကီ) တဲဘၣ် ရဲးတၣ်(ရိုက်တာ) တၫ်ကစီၣ်သန့လီၤ.
လၢထ၀ံၣ်ဆ့ၣ်ပဒိၣ်သီအပူၤ ဒ်ကိတိာ်ခိၣ်ကျၢၫ်ခံ(ဒုတိယဝန်ကြီးချုပ်)အသိးတကးဘၣ်, မ့ၫ်ပှၤတဂၤလၢ ဘၣ်တၫ်ဟ့ၣ်လီၤသဃဲၤဃုာ်အီၤ ထံဂုၤကီၫ်ဂၤကိတိာ်ခိၣ်(နိုင်ငံခြားရေး၀န်ကြီး) လီၫ်လၤဘၣ်ဆၣ် လၢကၠီၣ်တဲၣ် စီၤပၤနီ(ထိုင်းဘုရင့်နန်းတော်) ပာ်ဖျါထီၣ် ပဒိၣ်စရီပူၤ ပာ်ဖျါ၀ဲ ပၣ်ပရံၣ် ဒ်ထံဂုၤကီၫ်ဂၤ၀ဲၤကျိၤကိတိာ် (နိုင်ငံခြားရေး၀န်ကြီး)အဃိ မ့ၫ်ဒ်သိးတၫ်ထုးကွံာ်အီၤလၢ ကိတိာ်ခိၣ်ကျၢၫ်ခံ(ဒုတိယဝန်ကြီးချုပ်)အလီၫ်န့ၣ်လီၤ.
ထံဂုၤကီၫ်ဂၤကိတိာ်(နိုင်ငံခြားရေး၀န်ကြီး) ပၣ်ပရံၣ်န့ၣ် လၢတၫ်ဃ့ၫ်လီၤဘှါလီၤ ကီၫ်ပယီၤတၫ်သဘံၣ်သဘုၣ်(မြန်မာနိုင်ငံ ပဋိပက္ခဖြေရှင်းရေး)အဂီၫ် မ့ၫ်ပှၤသူၣ်ဆူၣ်သးဂဲၤတဂၤ၀ံၤ ဖဲအပူၤကွံာ် ၀့ၫ်ရၤမတံ(မြ၀တီမြို့) တၫ်ဒုးဆူၣ်ထီၣ် အကတီၫ် ဟဲဃီၤဆူကီၫ်ဆၢ ၀့ၫ်မဲဆီး(မဲဆောက်မြို့)၀ံၤ တၫ်ကမၤစၢၤ ပှၤလီၫ်အိၣ်ကမှံဖိအဂီၫ် နဲၣ်လီၤဃာ်၀ဲဒံးန့ၣ်လီၤ.
တကးဘၣ် ကီၫ်ပယီၤဂ့ၫ်၀ီ အၣ်စံၣ်ယၣ်(အာစီယံ)တကပၤ ကတၢၣ်ပီၣ်တဲသကိးဃုအစၢအဂီၫ် တဲဆီၣ်တခူထီၣ်ဃာ် အၣ်စံၣ်ယၣ်ပှၤပၢၤလီၫ်ဆ့ၣ်နီၤ ကီၫ်လၣ်အိၣ်(အာဆီယံဥက္ကဋ္ဌ လာအိုနိုင်ငံ) ဒံးန့ၣ်လီၤ. ကၠီၣ်တဲၣ်တၫ်ကစီၣ်သန့တဖၣ် အတၫ်ပာ်ဖျါအဖီခိၣ် အတၫ်ဖံးတၫ်မၤတဖၣ်အဃိ ဘၣ်တၫ်ထုးကွံာ်အီၤလၢ ကိတိာ်ခိၣ်ကျၢၫ်ခံ(ဒုတိယဝန်ကြီးချုပ်) လီၫ်လၤ တမ့ၫ်ဘၣ်န့ၣ် နာ်၀ဲအဂ့ၫ် ပၣ်ပရံၣ်တဲ၀ဲလီၤ.
ref:PNJ
