လါအ့ဖြ့ၣ်(၂၂)သီ, ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၆), ကီၫ်ရ့ၣ်ဒူပျာ်ယာ်, ၀့ၫ်ကီးတရံးအပူၤ သုးကီၣ်ကးသုးကျိၤလၢဟဲနုာ်လီၤသုးအဂံၫ်အဘါအါအါဂီၫ်ဂီၫ်အံၤ ဟဲတ့ၫ်လီၤဂာ်အစုၣ်အပျာ်မ့ၣ်ပိၣ်တဖၣ်အဃိ တၫ်ပၢၫ်ဆၢသုးပာ်ဖှိၣ်တဖၣ် ဒီးလီၫ်က၀ီၤကမျၢၫ်တနီၤ တူၫ်ဘၣ်၀ဲမူၤ,ဘှီးတၫ်ဆါတဖၣ်အဂ့ၫ် တၫ်သ့ၣ်ညါဘၣ်န့ၣ်လီၤ.
စးထီၣ်ဖဲ လါအ့ဖြ့ၣ်(၂၀)သီအနံၤ, ၀့ၫ်ကီးတရံးအိၣ် သုးကီၣ်ကးအခီၣ်ချ့သုးရ့ၣ် (ခလရ-၉၇)သုးအဂံၫ်အဘါအါအါဂီၫ်ဂီၫ်အံၤ ဟဲတ့ၫ်လီၤဂာ်အစုာ်အပျၫ်မ့ၣ်ပိၫ်တဖၣ်လၢဒရိ(Drone) ဖဲ၀့ၫ်ကီးတရံးကလံၤစိးတပၤ၀ံၤ သူ၀ဲသုးအဂံၫ်အဘါအါအါဂီၫ်ဂီၫ်ဒီး ဟဲနုာ်လီၤသုးကျိၤအဂ့ၫ် တၫ်သ့ၣ်ညါဘၣ်န့ၣ်လီၤ.
တၫ်ဟဲတ့ၫ်လီၤဂာ်အစုာ်အပျၫ်မ့ၣ်ပိၫ်တဖၣ်အဃိ တၫ်ပၢၫ်ဆၢသုးဖိတဖၣ်ဒီး ၀့ၫ်ပူၤအိၣ်ကမျၢၫ်တနီၤ နၢဘၣ်ဂာ်အစုၣ်အပျၫ်အသ၀ံတဖၣ်ဒီး တူၫ်ဘၣ်၀ဲ မူၤ,ဘှီး ဒီးတၫ်ကသါဃံးတၫ်ဆါတဖၣ်၀ံၤ ၀့ၫ်ပူၤသုးလၢတၫ်ပာ်လီၤဃာ်တၫ်လီၫ်တနီၤ တၫ်သုးကွံာ်အီၤအဂ့ၫ် တၫ်သ့ၣ်ညါဘၣ်န့ၣ်လီၤ.
စးထီၣ်ဖဲ လါအ့ဖြ့ၣ်(၁၁)သီအနံၤ, သုးကီၣ်ကးကမၤစၢၤဒီး ကဆှၢအါထီၣ်ဆူ ၀့ၫ်ရၤမတံလၢခိသုး(ကြည်းကြောင်း), ကလံၤသုး သုးကျိၤတဖၣ် KNLAသုးပာ်ဖှိၣ်တဖၣ် ခိးခးဒီၣ်တဲာ်ကွံာ်အသုးကျိၤတဖၣ် ဖဲ၀့ၫ်ကီးတရံးအကပၤအသိး သုးကီၣ်ကးတပၤစ့ၫ်ကီး ခးကျိဖးဒိၣ်ဒီး ဟဲတ့ၫ်လီၤမ့ၣ်ပိၫ်လၢကလံၤကျါတဖၣ် ဖဲ၀့ၫ်ကီးတရံးအကပၤ, သ၀ီတဖၣ်အပူၤအဃိ လီၫ်က၀ီၤကမျၢၫ်တဖၣ် ဘၣ်ဃ့ၫ်ပူၤဖျဲးသးအဂ့ၫ် တၫ်သ့ၣ်ညါဘၣ်န့ၣ်လီၤ.
ref:khitthit
