လါအ့ဖြ့ၣ်(၂၂)သီ, ၂၀၂၄နံၣ်
လၢ၀့ၫ်တကူၣ် သုးကီၣ်ကးကမျၢၫ်တၫ်ဘၣ်ကဲသုး(ပြည်သူ့စစ်မူထမ်း)သုးတၫ်သိၣ်လိနီၫ်ဂံၫ်(၂)အဂီၫ် ပှၤလၢတၫ်ဘၣ်ကဲသုးတၫ်သိၣ်လိအသီတဖၣ် တၫ်ကကိးအီၤ(၂)၀ီတ၀ီအဂီၫ် တၫ်စးထီၣ်ထၢစရီလံအဂ့ၫ် တၫ်သ့ၣ်ညါဘၣ်န့ၣ်လီၤ.
ကမျၢၫ်တၫ်ဘၣ်ကဲသုး သုးတၫ်သိၣ်လိနီၫ်ဂံၫ်(၂)အံၤ တၫ်ကစးထီၣ်ထၢစရီ ဖဲလါအ့ဖြ့ၣ်(၂၅)သီအနံၤဒီး(၂၆)သီအနံၤအဂ့ၫ် သုးကီၣ်ကး နဲၣ်လီၤဃာ်၀ဲဘၣ်ဆၣ် သုးကီၣ်ကးအစုတီၤဖီလာ်တဖၣ် စးထီၣ်ထၢစရီဖဲ လါအ့ဖြ့ၣ်(၁၉)သီအနံၤအဂ့ၫ် တၫ်သ့ၣ်ညါဘၣ်လၢ ပှၤလၢအအိၣ်ဘူးဒီးသုးကီၣ်ကးတဂၤန့ၣ်လီၤ.
“သုးကီၣ်ကးအံၤ ဘၣ်ထွဲဒီးတၫ်ဘၣ်ကဲသုးတၫ်ဂ့ၫ်န့ၣ် တမ့ၫ်လၢကက့ၤဂုၤအခံဘၣ်. ကကိး၀ဲတဖု၀ံၤတဖုလီၤ. ပှၤသးစၫ်တနီၤ ဃ့ၫ်ပူၤဖျဲးအသးလီၤ. တၫ်မ့ၫ်ကိးတဘျီလၫ်လၫ်န့ၣ် မိၫ်ပၫ်တဖၣ်စ့ၫ်ကီး တူၫ်ဘၣ်၀ဲတမုာ်တလဲးဘၣ်အဂ့ၫ်“ ပှၤပိာ်ခွါလၢ အိၣ်ဖဲရွ့ၣ်ပၠံၣ်သၣ် (ရွှေပြည်သာ)တဂၤ စံး၀ဲန့ၣ်လီၤ.
သုးကီၣ်ကးအံၤ ကမျၢၫ်တၫ်ဘၣ်ကဲသုး သုးတၫ်သိၣ်လိနီၫ်ဂံၫ်(၂)အဂီၫ် တၫ်စးထီၣ်ထၢစရီတဖၣ် ဖဲ၀့ၫ်ကူၣ်ကီၫ်ခီ, သၣ်လ့ၣ်ကီၫ်ဆၣ်(သန်လျင်မြို့နယ်), ရွ့ၣ်ပၠံၣ်သၣ်ကီၫ်ဆၣ်(ရွှေပြည်သာမြို့နယ်), အ့စ့ၣ်ကီၫ်ဆၣ်(အင်းစိန်မြို့နယ်)တဖၣ်အပူၤ တကးဒံးဘၣ် ပကိကီၫ်ခီ(ပဲခူးတိုင်း) မုၫ်နုာ်ကီၫ်ဆၣ်တနီၤအပူၤစ့ၫ်ကီး ထၢ၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
လၢန့ၣ်အမဲာ်ညါ ပှၤသးစၫ်တနီၤလၢတၫ်ထၢန့ၫ်ဆူၣ်အီၤ ဒ်တၫ်ဂ့ၫ်ကလုာ်ကလုာ်တဖၣ် တၫ်ဆှၢအီၤဆူ ယမဲသ့(ရမည်းသင်း)ကီၫ်ဆၣ် နီၫ်ဂံၫ်(၁)ပၢၤကီၫ်သုးတၫ်သိၣ်လိကၠိ(ရဲသင်တန်းကျောင်း)၀ံၤ တၫ်စးထီၣ်ဟ့ၣ်၀ဲသုးတၫ်သိၣ်လိတဖၣ်အဃိ ပှၤသးစၫ်မိၫ်ပၫ်တနီၤ ဟ့ၣ်၀ဲစ့အကလီၫ်အကလး၀ံၤ ဘၣ်ရွ့က့ၤ၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
ကီၫ်ပယီၤဒီတဘ့ၣ် သုးကီၣ်ကးတၫ်ပၢတၫ်ပြးခိၣ်နၫ်တဖၣ်ဒီး ဟံၣ်(၁၀၀)ဖျၢၣ်အခိၣ်တဖၣ်အံၤ တၫ်ရ့လိာ်ဘၣ်ထွဲမ့အိၣ်ဒီးအဖိမုၣ်ဖိခွါတဖၣ်တခီ တၫ်ကဘၣ်ကဲသုးအဂီၫ် ပာ်တ့ၫ်၀ဲဒီး ပှၤလၢတဘၣ်လီၫ်ဘၣ်စးဒီးအ၀ဲသ့ၣ်တဖၣ်တခီ တၫ်ကဘၣ်ကဲသုးအဂီၫ် ထၢနုာ်၀ဲစရီတဖၣ်အဂ့ၫ် တၫ်သ့ၣ်ညါဘၣ်န့ၣ်လီၤ.
ref:ayeyarwaddytimes
