လါအ့ဖြ့ၣ်(၂၂)သီ, ၂၀၂၄နံၣ်
ကၣ်စၣ်(Gaza)ဟီၣ်က၀ီၤအပူၤ ပှၤလၢဟါမး(Hamas)က့ၤဖီၣ်တဖၣ် ကထူၣ်ဖျဲးထီၣ်အဂီၫ် အံၣ်စရ့(Israel)ကိတိာ်ခိၣ်ကျၢၫ် Benjamin Netanyahu တဲ၀ဲလၢကထီၣ်ဒုးဆူၣ်ထီၣ်ကၣ်စၣ်(Gaza)အဂ့ၫ်န့ၣ်လီၤ. နံၣ်လၢကဟဲအပူၤ လၢသုးဂ့ၫ်၀ီ(စစ်ရေး) မ့ၫ်ဂ့ၤ ထံရူၫ်ကီၫ်သဲးဂ့ၫ်၀ီ(နိုင်ငံရေး)တကပၤမ့ၫ်ဂ့ၤ ကဟ့ၣ်ဟါမး(Hamas)တဖၣ် တၫ်ဆီၣ်သနံးအဂ့ၫ် Benjamin Netanyahu တဲလီၤ၀ဲဒ်န့ၣ်ဖဲ ပှၤကၠူ (Jew)ဖိ အတၫ်အိၣ်ကသုၣ် Passover မူးပွဲတခါအပူၤန့ၣ်လီၤ.
ပှၤလၢဘၣ်တၫ်က့ၤဖီၣ်တဖၣ် ကထူၣ်ဖျဲးထီၣ်အဂီၫ် မ့ၫ်ဒၣ်ထဲကျဲအံၤတဘိလီၤအဂ့ၫ် အံၣ်စရ့ကိတိာ်ခိၣ်ကျၢၫ် တဲလီၤဘၣ်ဆၣ် တတဲဖျါ၀ဲတၫ်ဂ့ၫ် လီၤတံၫ်လီၤဆဲးဘၣ်. အံၣ်စရ့ကလံၤထံးတကပၤ (အစ္စရေးတောင်ပိုင်း) ဖဲလါနိၣ်၀့ဘၢၣ်(၇)သီနံၤ ဟါမးနုာ်လီၤဒုးတၫ်အပူၤ ပှၤလၢဘၣ်တၫ်က့ၤဖီၣ်အီၤတနီၤ ဘၣ်တၫ်ဖီၣ်ပာ်ဃာ်အီၤ ဖဲကၣ်စၣ်ကလံၤထံး(ဂါဇာတောင်ပိုင်း) ၀့ၫ် Rafahန့ၣ်လီၤ.
တၫ်ဒုးအဂီၫ် တၫ်ရဲၣ်တၫ်ကျဲၤလၢတၫ်ကဘၣ်မၤတဖၣ် သုးရိၣ်မဲခိၣ်ကျၢၫ်(စစ်ဦးစီးချုပ်) ပာ်ဂၢၫ်ပာ်ကျၢၤလံအဂ့ၫ် သုးပှၤတဲတၫ်ပၢ(စစ်တပ်ပြောရေးဆိုခွင့် ရှိသူ) ထံသုး သုးခိၣ်ကျၢၫ်ဒိၣ်စိ Daniel Hagari တဲလီၤ၀ဲန့ၣ်လီၤ. တုၤလၢ ပှၤလၢဘၣ်တၫ်က့ၤဖီၣ်ခဲလၢာ် ကဟဲက့ၤတုၤဆူဟံၣ်အဂီၫ် ကနုာ်လီၤတၫ်ဒုးအဂ့ၫ်တဲ၀ဲလီၤ.
အံၣ်စရ့ကိတိာ်ခိၣ်ကျၢၫ်တဲ၀ဲလၢ ဟါမး(Hamas)တဖၣ် အိၣ်ခူသူၣ်၀ံၤ ကထီၣ်ဒုး၀့ၫ် Rafahအဂ့ၫ် တဲ၀ဲတလီၫ်လီၫ်လီၤ. အံၣ်စရ့အသိၣ်မှံၤ အမဲရကၤ(အမေရိကန်)ပာ်ဃုာ် ထံဂုၤကီၫ်ဂၤတဖၣ်စ့ၫ်ကီး ဖဲတဲဆီၣ်တခူထီၣ်၀ဲလၢ ကမၤ၀ဲသ့သ့ဘၣ် ဘၣ်အကတီၫ် အံၣ်စရ့ကိတိာ်ခိၣ်ကျၢၫ် အတၫ်တဲတဖၣ် ဟဲအိၣ်ထီၣ်၀ဲန့ၣ်လီၤ.
ref:voa
