လါမးရှး(၂၁)သီ, ၂၀၂၄နံၣ်
ကီၫ်အမဲရကၤ စ့ၣ်ဖီလ်(စိန့်ပေါလ်)ပဒိၣ်ကၠိ ၂၀၂၄-၂၅ တၫ်သိၣ်လိနံၣ်အပူၤ လၢတီၤခၢၣ်သးဒီးတီၤထီကၠိဖိတဖၣ်အဂီၫ် တၫ်ကဖၢနုာ်သိၣ်လိ ကညီကျိာ်တီၤတၫ်မၤလိတဖၣ်အဂ့ၫ် တၫ်သ့ၣ်ညါဘၣ်န့ၣ်လီၤ.
ကၠိဖိနီၫ်ဂံၫ်အါန့ၫ် (၃၄၀)ဂၤ ဆဲးလီၤမံၤလၢတၫ်ကမၤလိ ကညီတီၤတၫ်မၤလိတဖၣ်အပူၤ ဖဲ(၉တီၤတုၤ၁၂)တီၤန့ၣ်လီၤ. တၫ်မၤလိလၢအိၣ်ဒီး တၫ်ထံၣ်လိာ်သးလၢမဲာ်သကိးမဲာ်, တၫ်သိၣ်လိနဲၣ်လိအီၤ ဖဲ Como Park စံၣ်နယၢၣ်တီၤထီကၠိ, Harding စံၣ်နယၢၣ်တီၤထီကၠိ, Humboldtတီၤထီကၠိဒီး Washington Technology တီၤထီကၠိ တဖၣ်အပူၤန့ၣ်လီၤ.
တီၤထီကၠိအဂုၤအဂၤ ဖဲပကၠိကီၫ်ရ့ၣ်အပူၤ အိၣ်ဒီးတၫ်ခွဲးတၫ်ယာ်လၢ ဆဲးလီၤအမံၤလၢ အီၣ်လဲ(Online) ကညီတီၤတၫ်မၤလိတဖၣ်အပူၤန့ၣ်လီၤ.
တကးဘၣ် တၫ်မ့ၫ်စးထီၣ်က့ၤ(၂၀၂၄-၂၅) တၫ်သိၣ်နံၣ်န့ၣ် စ့ၣ်ဖီလ်ပဒိၣ်ကၠိ ကၠိဖိတဖၣ်လၢအမ့ၫ် (၇)တီၤတုၤ(၁၂)တီၤတဖၣ် တၫ်ခွဲးတၫ်ယာ်အိၣ်လၢ ကဆဲးလီၤမံၤဖဲ ကညီကျိာ်တီၤတၫ်မၤလိအသီတဖၣ်အပူၤန့ၣ်လီၤ. ကညီကျိာ်တီၤတၫ်မၤလိတဖၣ်အပူၤ Karen Level 1, Karen Level 2, Karen for Karen Speaker 1 ဒီး Karen for Karen Speaker 2 တဖၣ်ကပာ်ဃုာ်၀ဲန့ၣ်လီၤ.
တၫ်သိၣ်လိလၢအိၣ်ဒီးတၫ်ထံၣ်လိာ်သးလၢမဲာ်သကိးမဲာ်န့ၣ် ကဆဲးလီၤမံၤအိၣ်ဒံး၀ဲဖဲ Como Park စံၣ်နယၢၣ်တီၤထီကၠိ (၉တီၤ-၁၂တီၤ), Harding စံၣ်နယၢၣ်တီၤထီကၠိ (၉တီၤ-၁၂တီၤ) ဒီး Washington Technology တီၤထီကၠိ(၇တီၤ-၁၂တီၤ)န့ၣ်လီၤ.
ကညီကျိာ်တီၤတၫ်မၤလိတဖၣ်ကအိၣ်စ့ၫ်ကီးလၢ စ့ၣ်ဖီလ်(စိန့်ပေါလ်)ပဒိၣ်ကၠိ (၉တီၤ-၁၂တီၤ)ကၠိဖိကိးဂၤဒဲးအဂီၫ်ဒ် အီၣ်လဲ (Online) တီၤတၫ်မၤလိတဖၣ်န့ၣ်လီၤ.
လၢန့ၣ်အမဲာ်ညါကၠိဖိလၢကထီၣ်ကၠိဖဲစ့ၣ်ဖီလ်ပဒိၣ်(စိန့်ပေါလ်အစိုးရ)ကၠိတဖၣ် ဆဲးလီၤမံၤလၢအ၀ဲသ့ၣ်ကၠိခီၣ်စလၢၣ်(အတိုင်ပင်ခံပုဂ္ဂိုလ်)အအိၣ်ဖဲ လါဖ့ၣ်ဘြူၤအါရံၤ တုၤလါးမးၡးအကတီၫ်ပူၤ သ့၀ဲအဂ့ၫ်တၫ်သ့ၣ်ညါဘၣ်န့ၣ်လီၤ.
ကၠိဖိတဖၣ်ဘၣ်ဃးဒီးတၫ်ကဆဲးလီၤမံၤလၢကမၤလိကညီတီၤတၫ်မၤလိအပူၤဒ်လဲၣ်န့ၣ် တၢၣ်ပီၣ်တဲသကိးတၫ်ဒီးအကၠိခီၣ်စလၢၣ်(အတိုင်ပင်ခံပုဂ္ဂိုလ်) သ့၀ဲစ့ၫ်ကီးအဂ့ၫ်တၫ်သ့ၣ်ညါဘၣ်န့ၣ်လီၤ.
