လါမးရှး(၂၁)သီ, ၂၀၂၄နံၣ်
ကမျၢၫ်တၫ်ဘၣ်ကဲသုးတၫ်ဘျၢသဲစးန့ၣ် ဘၣ်ယိၣ်ဘၣ်ဘှီဘၣ်ကိၫ်ဘၣ်ဂီၤ၀ဲအဂ့ၫ်ဒီး တၫ်အိၣ်သးလၢ တၫ်တဟံးန့ၫ်ကီၫ်ပယီၤသုးဂ့ၫ်၀ီ တၫ်ကဘၣ်မၤကတၢၫ်ကွံာ်၀ဲန့ၣ် အဲကလံးဟီၣ်ခိၣ်ဖိခွဲးယာ် မီၫ်သီ ရံၣ်တၣ်ဖရး(ရီတာဖရန့်ချ်)တဲ၀ဲန့ၣ်လီၤ.
အ၀ဲတဲလီၤ၀ဲဖဲ ကီၫ်ဆွံၣ်စလၣ်(ဆွစ်ဇာလန်နိုင်ငံ) ၀့ၫ်ကၠၣ်နံၣ်ဘၣ်(ဂျနီဗာမြို့) တၫ်မၤ၀ဲ(၅၅)၀ီတ၀ီ ဘီမုၫ်စၢဖှိၣ်ကရၢ ဟီၣ်ခိၣ်ဖိခွဲးယာ်တၫ်အိၣ်ဖှိၣ်ပူၤလီၤ.
ကီၫ်ပယီၤသုးန့ၣ် ဒွဲၣ်အူဒူသ၀ီ, မၤသံပှၤဒီဒူၣ်ဒီထၢ, ခးလီၤကမျၢၫ်လၢကဘီယူပာ်ဃုာ် တၫ်မၤအၢမၤသီတဖၣ် မၤကမၣ်၀ဲတပယူာ်ဃီလၢအမ့ၫ်ဘၣ်ထွဲကီၫ်ပယီၤဂ့ၫ်၀ီ ဟီၣ်ခိၣ်ဖိခွဲးယာ် ခၢၣ်စးလီၤဆီ သီမၢးအ့ၣ်ဒရူ(သောမတ်စ်အင်ဒရူး)အတၫ်ပာ်ဖျါန့ၣ် မ့ၫ်တၫ်လီၤတံၫ်လီၤဆဲးအဂ့ၫ် ရံၣ်တၣ်ဖရး (ရီတာဖရန့်ချ်)တဲ၀ဲလီၤ.
ပာ်ဂၢၫ်ပာ်ကျၢၤကမျၢၫ်တၫ်ဘၣ်ကဲသုးတၫ်ဘျၢသဲစးဒ်သိးအံၤန့ၣ် မ့ၫ်တၫ်ဆီၣ်တံၫ်မၤနၢၤအါထီၣ် ကီၫ်ပယီၤထံဖိကီၫ်ဖိတဖၣ်အဃိ ဘၣ်ကိၫ်ဘၣ်ဂီၤတၫ်အဂ့ၫ်စ့ၫ်ကီးတဲ၀ဲလီၤ.
ပှၤရိၣ်ဟ့ၣ်ကၠၣ်(ရိုဟင်ဂျာ)တဖၣ်စ့ၫ်ကီး လၢနံၣ်တဖၣ်အပူၤ ဘၣ်တၫ်နီၤဖးတၫ်အဒူၣ်အဆၢလၢအ၀ဲသ့ၣ်အဖီခိၣ်အဃိ မ့ၫ်ဒံးဒၣ် ပှၤတ၀ၢလၢအဂံၫ်စၫ်(အားနည်းတဲ့ လူ့အဖွဲ့အစည်း)တဖုအဂ့ၫ် တဲ၀ဲလီၤ.
တၫ်န့ၣ်အဃိ အဲကလံးတကပၤ ပညိၣ်ကးတံာ်ဟံးန့ၫ်ဂ့ၫ်၀ီအိၣ်ကဒီး၀ဲအသိး မ့ၫ်တၫ်ဒုးသ့ၣ်ညါဘၣ် ဘီမုၫ်စၢဖှိၣ်ကရၢ တၫ်ဘံၣ်တၫ်ဘၢကီၣ်ကး(ကုလသမဂ္ဂလုံခြုံရေးကောင်စီ)အဂ့ၫ်စ့ၫ်ကီး ရံၣ်တၣ်ဖရး(ရီတာဖရန့်ချ်)တၢၣ်ပီၣ် တီၣ်ဖျါထီၣ်၀ဲန့ၣ်လီၤ.
source: rfa
