လါမးရှး(၁၉)သီ, ၂၀၂၄နံၣ်
အ့ၣ်ယၣ်၀တံၣ်ကီၫ်ခီ, ကၣ်ကၠံဒီးကီၫ်ဆၣ်, မၠဲးလ့ခၠီကရူၫ်(မြတ်လေးချောင်းအုပ်စု), ယ့ၣ်တွ့ခၠီၣ်သ၀ီ(ရေတွင်းချောင်ရွာ) ဖဲလါမးရှး(၁၇)သီနံၤ ကမျၢၫ်တၫ်ဘၣ်ကဲသုးတၫ်ဘျၢဒီး တၫ်ကဲသုးအဂီၫ် သးစၫ်လၢဖီၣ်တၫ်ဖးဘၣ်တၫ်ဃုထၢထီၣ်အီၤတဂၤ မၤသံလီၤက့ၤသးအဂ့ၫ် RFA တၫ်ကစီၣ်သန့ ပာ်ဖျါ၀ဲလီၤ.
ယ့ၣ်တွ့ခၠီၣ်သ၀ီ(ရေတွင်းချောင်ရွာ)န့ၣ် ဖဲလါမးရှး(၁၆)သီနံၤ ကမျၢၫ်တၫ်ဘၣ်ကဲသုးတၫ်ဘျၢအဖီခိၣ် တၫ်ဘၣ်ကဲသုးအဂီၫ် သးစၫ်(၃)ဂၤဘၣ်ဖီၣ်တၫ်ဖးဒီး ဘၣ်ဒိးဃုထၢသးအဂ့ၫ် လီၫ်က၀ီၤဖိတဖၣ်တဲ၀ဲလီၤ.
သးစၫ်လၢဖီၣ်တၫ်ဖးဘၣ် (၃)ဂၤအကျါ သးနံၣ်(၂၀)အိၣ်တဂၤတခီ တအဲၣ်ဒိးကဲသုးဘၣ်အဃိ မၤသံလီၤက့ၤအနီၫ်ကစၫ်သးအဂ့ၫ် လီၫ်က၀ီၤဖိလၢတအဲၣ်ဒိးပာ်ဖျါအမံၤတဂၤတဲ၀ဲလီၤ.
ပသံၣ်ကီၫ်ရ့ၣ်, ကၣ်ကၠံဒီးကီၫ်ဆၣ်ပူၤ ဖဲ(၁၆)သီနံၤ ဟါခီန့ၣ် ဖီၣ်တၫ်ဖးလီၤ. သၢဂၤလီၤ. လၢ(၃)ဂၤအကျါ တဂၤတခီ ဖဲ(၁၇)သီနံၤန့ၣ် မၤသံလီၤသးလီၤ. ဖဲတနံၤဃီ၀ဲန့ၣ် လၢဂ့ၫ်ဂီၫ်အူအပူၤ ဖဲဒိးကူစါယါဘျါသးလၢ ပသံၣ်ကမျၢၫ်တၫ်ဆါဟံၣ်အကတီၫ် သံ၀ဲန့ၣ်လီၤ. လၢကတီၫ်အံၤ အ၀ဲအဟံၣ်ဖိဃီဖိတဖၣ် ဘၣ်တၫ်သမံသမိးအီၤလၢ လီၫ်က၀ီၤပၢၤကီၫ်(နယ်မြေစခန်း)တဖၣ်န့ၣ်လီၤ.
အ့ၣ်ယၣ်၀တံၣ်ကီၫ်ခီပူၤ ကမျၢၫ်တၫ်ဘၣ်ကဲသုးတၫ်ဘျၢအဖီခိၣ် သးနံၣ်(၂၀)တုၤ(၃၀) သးစၫ်တဖၣ် တၫ်တဲ၀ဲလၢကဘၣ်ကဲသုး၀ံၤ ဒူသ၀ီပၢပြးသးပှၫ်လၢဘၣ်ထွဲတဖၣ် ဃုထၢ၀ဲခီဖျိလၢ တၫ်ဖီၣ်တၫ်ဖး(မဲစနစ်)အကျဲအဂ့ၫ် လီၫ်က၀ီၤဖိတဖၣ်တဲ၀ဲန့ၣ်လီၤ.
တၫ်ဖီၣ်တၫ်ဖးအပူၤ သ၀ီဒီးက၀ီၤဒ့တခါပူၤ ဃုထၢ၀ဲသးစၢ်(၂)ဂၤ တုၤလၢ(၃)ဂၤလီၤ. အ့ၣ်ယၣ်၀တံၣ်ကီၫ်ခီ သးစၫ်တဖၣ်တခီ တမ့ၫ်လၢတၫ်တြီဆၢထံဂုၤကီၫ်ဂၤအတၫ်မၤအၢမၤသီဒီး မ့ၫ်ဒၣ်ကမျၢၫ်ကဒဲကဒဲဘၣ်ခးလိာ်သးအဃိ တၫ်အံၤအဖီခိၣ် တသးလီ၀ဲအဂ့ၫ်တဲ၀ဲန့ၣ်လီၤ.
မၠီမၠး, ဖၠၣ်ပိၣ်, ကၣ်ကၠံဒီး, လးပိးတၣ်, ဟ့သဒး ကီၫ်ဆၣ်တဖၣ်ပူၤ စးထီၣ်ဖဲ လါမးရှး(၃)နွံတနွံအပူၤန့ၣ် လီၫ်က၀ီၤသးစၫ်တဖၣ် တၫ်မၢဖီၣ်တၫ်ဖးလၢကဘၣ်ကဲသုး အိၣ်၀ဲတပယူာ်ဃီန့ၣ်လီၤ.
