လါမးရှး(၁၉)သီ, ၂၀၂၄နံၣ်
ဆိၣ်ခရၣ်(ဆုန်ခရန်) တၫ်အိၣ်ကသုၣ်သးအကတီၫ် ပှၤကီၫ်ပယီၤဖိ(မြန်မာ), လၣ်အိၣ်(လာအို)ဒီး ခဲၣ်ဘီဒံယါ (ကမ္ဘောဒီးယား)ခီကီၫ်ပှၤမၤတၫ်ဖိ(ရွှေ့ပြောင်း အလုပ်သမား)တဖၣ် လၢအဲၣ်ဒိးက့ၤဆူတၫ်အိၣ်ဆိးလီၫ်တဖၣ် ဖဲလါအ့ဖြ့ၣ်(၁)သီနံၤတုၤ(၁၅)သီအတီၫ်ပူၤ မ့ၫ်ဟဲက့ၤကဒါက့ၤလၢကၠီၣ်တဲၣ်(ထိုင်း)န့ၣ် တလိၣ် Re-entry Permitလၢၤဘၣ်. ဆိၣ်ခရၣ်(ဆုန်ခရန်) မ့တမ့ၫ် ကၠီၣ်တဲၣ်လုၫ်လၫ် နံၣ်ထီၣ်သီမူး(ထိုင်း ရိုးရာ နှစ်သစ်ကူးပွဲတော်)န့ၣ် ကိးမုၫ်နံၣ်ဘၣ်တၫ်မၤ၀ဲဖဲလါအ့ဖြ့ၣ်(၁၃)သီတုၤ(၁၅)သီနံၤန့ၣ်လီၤ. ဘၣ်ဆၣ်သနာ်က့ တနံၣ်အံၤန့ၣ် နုာ်လီၤ၀ဲဆူ ယူၣ်နဲးစကိၣ်(UNESCO)တၫ်ဆဲးတၫ်လၤတၫ်န့ၫ်သါစရီ(ယူနက်စကိုယဉ်ကျေးမှုအမွေအနှစ်စာရင်း)ပူၤလံအဃိ ကမၤ၀ဲစးထီၣ်လၢလါအ့ဖြ့ၣ်(၁)သီနံၤတုၤ(၂၁)အနံၤန့ၣ်လီၤ.
ပဒိၣ်ပှၤတဲတၣ်ပၢ Karom Phonphonklang တခီ မူးအဆၢကတီၫ် ထံကီၫ်လၢအိၣ်ဘူး ပှၤမၤတၫ်ဖိတဖၣ် ဟးထီၣ်က့ၤလီၤကညီအဂီၫ်ဒီး တၫ်လၢာ်ဘူၣ်လၢာ်စ့ၤကစှၤအဂီၫ် မၤန့ၫ်၀ဲဒ်သိးအံၤန့ၣ်လီၤ.တၫ်ဘျၢ(ဥပဒေ)အ၀ဲအံၤန့ၣ် မ့ၫ်ဒၣ်ထဲ ပှၤလၢဖီၣ်ဃာ် ကီၫ်ပယီၤ(မြန်မာ), လၣ်အိၣ်(လာအို)ဒီး ခဲၣ်ဘီဒံယါ(ကမ္ဘောဒီးယား)လံာ်ခီကီၫ်တဖၣ်အဂီၫ်၀ံၤ ခီကီၫ်ပှၤမၤတၫ်ဖိ, အဖိသးနံၣ်(၁၈)နံၣ်ဆူအဖီလာ်တဖၣ်စ့ၫ်ကီးပာ်ဃုာ်၀ဲလီၤ. တၫ်မ့ၫ်ဟဲက့ၤလၢကၠီၣ်တဲၣ် ဖဲလါမ့ၤ(၁၅)သီအလီၫ်ခံတဖၣ်တခီ ဒ်ညီနုၫ်အသိးလိၣ်ဘၣ် Re-entry Permit န့ၣ်လီၤ.
Ref : nationthailand
