လါမးရှး (၃)သီ, ၂၀၂၄နံၣ်
ယိၤဒိၣ်ကီၫ်စဲၣ်(ရှမ်းပြည်နယ်), ပအိးနီၫ်ကစၫ်ပၢဆှၢရဲၣ်ကျဲၤဟီၣ်က၀ီၤပူၤ တၫ်ဒုးကဲထီၣ်သးတအိၣ်ဘၣ် ဘၣ်ဆၣ် သုးကီၣ်ကးတပၤ သူ၀ဲကဘီယူၤဒုးသုး(ဂျက်ဖိုက်တာ)တဖၣ်, ကျိဖးဒိၣ်တဖၣ်ဒီး မျိာ်သၣ်ယုၫ်(အတွဲလိုက်ပစ်ဒုံး)တဖၣ်၀ံၤ ပညိၣ်ဒုးမၤဟးဂီၤ၀ဲ ပအိး၀့ၫ်ဒီး ဒူသ၀ီတဖၣ်အဂ့ၫ် PNLA ပာ်ဖျါဃာ်၀ဲ ဖဲလါမးၡး(၂)သီအနံၤန့ၣ်လီၤ.
အပူၤကွံာ် လါမးၡး(၁)သီအနံၤ, ဟါ(၉)နၣ်ရံၣ်အဆၢကတီၫ် သုးကီၣ်ကး ကဘီယူၤဒုးသုး(ဂျက်ဖိုက်တာ)(၂)ဘ့ၣ်လဲၤတ့ၫ်လီၤမ့ၣ်ပိၫ် (၄)ဘျီဖဲ ဆံၣ်ဆဲၣ်၀့ၫ်အဂ့ၫ် ပာ်ဖျါဃာ်၀ဲန့ၣ်လီၤ.
ဒ်န့ၣ်အသိး လါမးၡး(၂)သီအနံၤစ့ၫ်ကီး သုးကီၣ်ကးသူ၀ဲ မျိာ်သၣ်ယုၫ်တဖၣ်(အတွဲလိုက်ပစ်ဒုံးများ)ဒီး ကျိဖးဒိၣ်တဖၣ်၀ံၤ ပညိၣ်ခးလီၤ၀ဲဖဲ ဟိၣ်ပိကီၫ်ဆၣ်(ဟိုပုံးမြို့နယ်), မဲနဲၣ်ကစၢၫ်ဟီၣ်က၀ီၤ(မဲနယ်တောင်ဒေသ)ပူၤ အဘျီ(၆၀)ဘျဲၣ်န့ၣ်လီၤ.
တကးဘၣ် ဖဲအပူၤကွံာ် လါဖ့ၤဘြူၤအါရံၤ(၂၅)သီအနံၤစ့ၫ်ကီး သုးကီၣ်ကးကဘီယူၤ လဲၤတ့ၫ်လီၤမ့ၣ်ပိၫ်ဖဲ ဟိၣ်ပိကီၫ်ဆၣ်, ပိအဲၣ်သ၀ီ(ပုံးအယ်ရွာ)ဒီး သီခၠါဖၠၣ်အဃိ ပိအဲၣ်သီခါဖၠၣ်(ပုံးအယ်ဘုန်းကြီးကျောင်း)မ့ၣ်အူအီၣ်ဟးဂီၤကွံာ်၀ဲအဂ့ၫ် တၫ်သ့ၣ်ညါဘၣ်န့ၣ်လီၤ.
သုးကီၣ်ကးအံၤ ပညိၣ်ဒုးမၤဟးဂီၤကွံာ် ပအိး၀့ၫ်တဖၣ်, ဒူသ၀ီတဖၣ်ဒီး တၫ်ဘူၣ်တၫ်ဘါတၫ်သူၣ်ထီၣ်၀ံၤ မၤကမၣ်၀ဲသုးကွီၫ်မ့ၣ်တဖၣ်(စစ်ရာဇဝတ်မူများ)အဂ့ၫ်စ့ၫ်ကီး တဲ၀ဲန့ၣ်လီၤ.
photo:PNLA
