လါမးရှး (၃)သီ, ၂၀၂၄နံၣ်
ဖဲ ၂၀၂၄နံၣ်, လါမးၡး(၁)သီအနံၤ, ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, သုးက့နီၫ်ဂံၫ်(၄), ဘျံး-ဒ၀ဲၫ်ကီၫ်ရ့ၣ်, သုးရ့ၣ်(၁၂)ဟီၣ်က၀ီၤပူၤ Federal သုးကျိၤနုာ်လီၤခး၀ဲ သုးကီၣ်ကး အသုးကလၢၤလၢအိၣ်ဆီလီၤအသး ဖဲသယဲးခၠီကီၫ်ဆၣ်(သရက်ချောင်းမြို့နယ်), ယီမီၤသုကလၢၤ(သုးရ့ၣ် ၄၀၃, ၄၀၄)အဂ့ၫ် ကွဲၤကလုၫ်တၫ်ကစီၣ် ပာ်ဖျါဃာ်၀ဲန့ၣ်လီၤ.
Federal သုးကျိၤလၢ အလဲၤနုာ်လီၤခးသုးကီၣ်ကး သုးကလၢၤအပူၤ PDFသုးပာ်ဖှိၣ်တဖၣ်, သုးရ့ၣ်(T1, T5)သုးပာ်ဖှိၣ် ဒီး KNLAအပှၤသုးဖိတဖၣ်စ့ၫ်ကီး ပာ်ဃုာ်၀ဲအဂ့ၫ် ပာ်ဖျါဃာ်၀ဲန့ၣ်လီၤ.
တၫ်လဲၤနုာ်လီၤခး ယီမီၤသုးကလၢၤအပူၤ တၫ်မၤန့ၫ်သုးကီၣ်ကးအပှၤသုးဖိ အစိၣ်(၆)ဂၤဒီး မ့မ့ၫ်စုက၀ဲၤလၢတၫ်မၤန့ၫ်တဖၣ်မ့ၫ်၀ဲ MA1(၅)ခိၣ်, MA2(၃)ခိၣ်, MA3(၁)ခိၣ်, MA4(၃)ခိၣ်, (၆၀-မမ)ပျီဖုၣ်(၁)ခိၣ် ဒီး ကျိချံပှာ်သၣ်အဂၤတနီၤန့ၣ်လီၤ.
စးထီၣ်ဖဲ ၂၀၂၄နံၣ်, လါဖ့ၤဘြူၤအါရံၤ (၁၇)သီအနံၤ ဘျံး-ဒ၀ဲၫ်ကီၫ်ရ့ၣ်ပူၤ တၫ်ဒုးတဖၣ်ဆူၣ်ထီၣ်အဃိ လၢၫ်ဒိၣ်စိကီၫ်ဆၣ် ဒီးကစၢၫ်ဒိၣ်ကီၫ်ဆၣ် ဟီၣ်က၀ီၤ, ဒူသ၀ီ(၁၂)ဖျၢၣ်ပူၤ ဒူသ၀ီဖိတဖၣ်ဘၣ်ဃ့ၫ်ပူၤဖျဲးလၢ တၫ်လီၫ်လၢအပူၤဖျဲးသးတၫ်လီၫ်အဂ့ၫ် ဘျံး-ဒ၀ဲၫ်ကီၫ်ရ့ၣ် ပာ်ဖျါဃာ်န့ၣ်လီၤ.
လၢန့ၣ်အမဲာ်ညါ ကမျၢၫ်လၢဘၣ်ဃ့ၫ်ပူၤဖျဲးသးတဖၣ်အဂီၫ် လိၣ်ဘၣ်တၫ်အီၣ်တၫ်အီ, ကသံၣ်ကသီ, တၫ်အိၣ်ဆိးလီၫ်ကျဲတဖၣ်အဂ့ၫ်စ့ၫ်ကီး ပာ်ဖျါဃာ်၀ဲန့ၣ်လီၤ.
photo:kwekalunews
