ၦၤကီၫ်ပယီၤဖိလၢဟဲနုာ်လီၤလၢကၠီၣ်တဲၣ်ပူၤတဖိးသဲစးတဖၣ် ကၠီၣ်တဲၣ်ကိတိာ်ခိၣ်ကျၢၫ်တဲ၀ဲလၢ ကဟံးန့ၫ်ဂ့ၫ်၀ီ

ၦၤကီၫ်ပယီၤဖိလၢ ဟဲနုာ်လီၤဆူ ကီၫ်ကၠီၣ်တဲၣ်ပူၤ လၢတဖိးသဲစးတဖၣ် တၫ်ကဟံးန့ၫ်အီၤဂ့ၫ်၀ီအဂ့ၫ် ကၠီၣ်တဲၣ်ကိတိာ်ခိၣ်ကျၢၫ် Srettha Thavisin ဟ့ၣ်ပလီၫ်၀ဲလီၤ.

ၦၤဟဲနုာ်လီၤလၢတဖိးသဲစးတဖၣ် တၫ်ကဟံးန့ၫ်အီၤဂ့ၫ်၀ီအဂီၫ် တၢၣ်ပီၣ်တဲသကိးဃာ်တၫ်ဒီး တၫ်ဘံၣ်တၫ်ဘၢတၫ်ကရၢကရိ(လုံခြုံရေးအဖွဲ့အစည်း)တဖၣ်လံန့ၣ် ကိတိာ်ခိၣ်ကျၢၫ်တဲ၀ဲအဂ့ၫ် (Bangkok Post)တၫ်ကစီၣ်သန့ ပာ်ဖျါ၀ဲ ဖဲလါဖ့ၤဘြူၤအါရံၣ်(၁၉)သီအနံၤန့ၣ်လီၤ.

ၦၤလၢဟဲနုာ်လီၤလၢဖိးသဲစးတဖၣ် တူၫ်လိာ်၀ဲလီၤ. ဘၣ်ဆၣ် မ့မ့ၫ်ၦၤလၢဟဲနုာ်လီလၢတဖိးသဲစးတဖၣ်တခီ ဒ်တၫ်ဘျၢအသိး တၫ်ကဟံးန့ၫ်အီၤဂ့ၫ်၀ီန့ၣ်လီၤအဂ့ၫ် ကၠီၣ်တဲၣ်ကိတိာ်ခိၣ်ကျၢၫ်တဲ၀ဲလီၤ.
သုးကီၣ်ကးန့ၣ် ဘိးဘၣ်ရၤလီၤ ကမျၢၫ်တၫ်ဘၣ်ကဲသုးတၫ်ဘျၢ၀ံၤအလီၫ်ခံ လၢတၫ်ကဟဲဆူ ကီၫ်ကၠီၣ်တဲၣ်အဂီၫ် ၦၤကီၫ်ပယီၤဖိတဖၣ် ပတံထီၣ် ဘံၣ်စၣ်(ဗီဇာ) အနီၫ်ဂံၫ်ဟဲအါထီၣ်၀ဲအဂ့ၫ် ကၠီၣ်တဲၣ်ကိတိာ်ခိၣ်ကျၢၫ်တဲ၀ဲလီၤ. လၢ၀့ၫ်တကူၣ် ဘၣ်ထွဲ ကီၫ်ပယီၤ ကၠီၣ်တဲၣ်မီၫ်သီ၀ဲၤဒၢး(ထိုင်းသံရုံး)စ့ၫ်ကီး ၦၤပတံထီၣ်ဘံၣ်စၣ်(ဗီဇာ) အါတလၢအဃိ တသီန့ၣ် ကတူၫ်လိာ်၀ဲဒၣ်ထဲ အဂၤ(၄၀၀)ဂၤလီၤအဂ့ၫ် ဖဲလါဖ့ၤဘြူၤအါရံၣ်(၁၄)သီအနံၤန့ၣ် ပာ်ဖျါ၀ဲလီၤ.

ကီၫ်ပယီၤပူၤ တၫ်ကဲသုးအဂီၫ် ၦၤလၢသးနံၣ်ၦဲၤ အိၣ်(၁၃)ကကွဲၫ်ဘျဲၣ်အဂ့ၫ် သုးကီၣ်ကးၦၤတဲတၫ်ပၢ စီၣ်မ့ထိ တဲ၀ဲလီၤ. ကမျၢၫ်တၫ်ဘၣ်ကဲသုးန့ၣ် အဆိကတၢၫ်တဘျီ တၫ်ကစးထီၣ်မၤ၀ဲဖဲ ၂၀၂၄နံၣ် လါအ့ဖြ့ၣ်အလၢာ်အဂ့ၫ် သုးကီၣ်ကးၦၤတဲတၫ်ပၢ စီၣ်မ့ထိ တဲစ့ၫ်ကီး၀ဲလီၤ.

ref:rfa