ပကိကီၫ်ခီ, တီအူကီၫ်ရ့ၣ်, ထီတထူၣ်ကီၫ်ဆၣ်, စယးကၠံ၀့ၫ် တၫ်ဒုးအဃိ တီအူ၀့ၫ်ပာ်ဃုာ် လၢတၫ်လီၫ်အါတီၤ ကမျၢၫ်ဘၣ်ဃ့ၫ်သုး အနီၫ်ဂံၫ် အိၣ်လၢအကလးဂၤ၀ံၤ လၢအကျါ သးစၫ်လၢက့ၤဆူတၫ်အိၣ်ဆိးလီၫ် ဘၣ်တၫ်ဖီၣ်အီၤအဃိ သးစၫ်တဖၣ်က့ၤဆူ တၫ်အိၣ်ဆိးလီၫ်ကျဲတဘူၣ်လၢၤဘၣ်အဂ့ၫ် တၫ်သ့ၣ်ညါဘၣ်န့ၣ်လီၤ.
ဖဲလါဖ့ၤဘြူၤအါရံၤ(၇)သီအနံၤ တၫ်ဒုးတဖၣ်အပူၤ ကလံၤကျါတၫ်ဟဲခးလီၤတၫ်တဖၣ်အဃိ တုၤလၢခဲကနံၤအံၤ ၦၤလၢက့ၤဆူ တၫ်အိၣ်ဆိးလီၫ်တဘူၣ်အိၣ်၀ဲလီၤ. သးစၫ်တဖၣ်ဖဲက့ၤကဒါအဆၢကတီၫ် သုးကီၣ်ကးအသုး ဖီၣ်အီၤအိၣ်၀ဲဒီး ဘၣ်ယိၣ်၀ဲလၢတၫ်ကမၢ၀ံတၫ်ယိးတၫ်(ပေါ်တာ)အဃိ သးစၫ်တဖၣ်က့ၤ၀ဲတဘူၣ်လၢၤဘၣ်အဂ့ၫ် ၦၤလၢမၤစၢၤ ၦၤဘၣ်ကီဘၣ်ခဲဖိတဂၤတဲ၀ဲလီၤ.
တၫ်မ့ၫ်ပာ်ဖှိၣ်အီၤန့ၫ် အနီၫ်ဂံၫ်န့ၣ်အိၣ်လၢအကလးညါလီၤ. တၫ်လီၫ်တတီၤစုာ်စုာ်အပူၤ အနီၫ်ဂံၫ်အိၣ်လၢ အကယၤဂၤလီၤ. တနီၤမ့ၫ်(၁၈)နံၣ်အဖီလာ် ဖိသၣ်တဖၣ်တခီ သုးကီၣ်ကး မၢ၀ံတၫ်ယိးတၫ်(ပေါ်တာ)လီၤ. အါဒၣ်တက့ၫ်န့ၣ် ၦၤလၢက့ၤတဖၣ် မ့ၫ်ၦၤလၢအသးနံၣ်အိၣ်ထီၣ်တဖၣ်လီၤ. ဆိမိၣ်၀ဲလၢသ၀ီပူၤတၫ်ဘှ့ၣ်ဘှီၣ်ထီၣ်လံအဃိ ဖဲအ၀ဲသ့ၣ်က့ၤဟံးန့ၫ် တၫ်ဖိတၫ်လံၤ လၢအဟံၣ်အဃီအကတီၫ် ၦၤလၢဘၣ်တၫ်ဖီၣ်အီၤစ့ၫ်ကီးအိၣ်၀ဲလီၤ.
နီၫ်ဂံၫ်လၢအကယၤအိၣ်လၢသီခါဖၠၣ်, သရိာ်တဖၣ်ဒီး ကစၢၫ်ကလိၦၫ်လၫ်ကျါ အိၣ်ရၤလီၤသကုၤအသးအိၣ်အသိး လၢတၫ်အီၣ်တၫ်အီအဂီၫ်တခီ ကရၢလၢမုာ်သးမၤကလီ(ပရဟိတအဖွဲ့)တဖၣ် ဟ့ၣ်ဒုးအီၣ်ဒုးအီအီၤအိၣ်ဘၣ်ဆၣ် တၫ်ဆၢကတီၫ်မ့ၫ်ယံာ်ထီၣ်န့ၣ် တၫ်ဂ့ၫ်ကီအိၣ်ထီၣ်သ့အဂ့ၫ်တဲ၀ဲလီၤ. ၦၤဃ့ၫ်သုးအါတက့ၫ်န့ၣ် ဟဲဃ့ၫ်အိၣ်ကဒုလၢတီအူ၀့ၫ်ပူၤ၀ံၤ ၦၤအါတက့ၫ်လိၣ်ဘၣ်ဂ့ၫ်ဂီၫ်အူ ကသံၣ်ကသီဒီး တၫ်အီၣ်တၫ်အီတဖၣ်အဂ့ၫ် တဲ၀ဲန့ၣ်လီၤ.
တၫ်ဂီၤ-တၫ်ပၢၫ်ဆၢသုးပာ်ဖှိၣ်တဖၣ် လဲၤထီၣ်ဒုးစယးကၠံး၀့ၫ်ကတီၫ် ဒွဲၣ်အူမၤဟးဂီၤကွံာ် သုးကီၣ်ကးသုးကလၢၤတဖၣ်ဒီး မၤန့ၫ်စုက၀ဲၤ, ကျိချံပှာ်သၣ်တဖၣ်
ref:voa
photo:RoyalPeacockColumn-P 29913
