လါနိၣ်၀့ဘၢၣ်(၂၈)သီ,၂၀၂၅နံၣ်,အၣ်ထူခ့ၣ်တၢ်ကစီၣ်
လၢတယံာ်လၢၤန့ၣ် တၫ်ဃုထၢလၢသုးခီၣ်မံးရှၢၣ်ကမၤ၀ဲန့ၣ် မ့ၫ်တၫ်ဃုထၢလၢအယီၤအဘျၣ်အဃိ ကမျၢၫ်သုတတူၫ် လိာ်တဂ့ၤဒီးအီးစတြ့လယါပဒိၣ်တတူၫ်လိာ်၀ဲအဂီၫ် ပှၤကီၫ်ပယီၤဖိလၢလဲၤတုၤဆူကီၫ်အီစတြ့လယါတဖၣ် တီခိၣ်ရိၣ် မဲ၀ဲဒီးမၤ၀ဲတၫ်ပာ်ဖျါထီၣ်တၫ်ဘၣ်သးတခါ ဖဲလါနိၣ်၀့ဘၢၣ်(၂၇)သီ,ပဒိၣ်၀ဲၤဒၢးအိၣ်အလီၫ် ၀့ၫ်က့ၣ်ဘၣ်ရၣ်အပူၤန့ၣ် လီၤ.
ပှၤတီခိၣ်ရိၣ်မဲတၫ်ပာ်ဖျါထီၣ်သး ဒီးကထၢၣ်ယမ့တခီ “တနံၤအံၤပမၤန့ၣ် မ့ၫ်ခံဘျီတဘျီလီၤ.သုးခီၣ်မံးရှၢၣ်န့ၣ် တၫ်ဃု ထၢဒ်သိးအံၤန့ၣ် မၤ၀ဲအခွဲးတအိၣ်ဘၣ်.တၫ်အံၤမ့ၫ်Shame Election တခါဒီးတဖိးသဲစးဘၣ်.တၫ်၀ဲန့ၣ် ပှၤလၢအိၣ်ဖဲ အါတက့ၫ် နၫ်ပၢၫ်၀ဲလီၤ.အိၣ်တခါလၢ ပှၤဖီၣ်ဃာ်ကီၫ်ပယီၤလံာ်ခီကီၫ်တဖၣ် ကဟဲဟ့ၣ်တၫ်ဖးအဂီၫ် ကီၫ်ပယီၤမီၫ်သီ၀ဲၤ ဒၢး တဲ၀ဲသ့လီၤ.တၫ်အံၤတမ့ၫ်တၫ်ဂ့ၫ်ကီဘၣ်.ပထီဒါသ့၀ဲန့ၣ် ပအဲၣ်ဒိးလၢအ၀ဲသ့ၣ် သ့ၣ်ညါလီၤ.တၫ်ဃုထၢ၀ဲၤအံၤန့ၣ် တတြီတတြၫ်ဘၣ်.အဲၣ်ဒိးဒုးသ့ၣ်ညါလၢတဖိးသဲစးဘၣ်ဒီးအီးစတြ့လယါပဒိၣ်စ့ၫ်ကီး ကသ့ၣ်ညါဘၣ်၀ဲအဂီၫ် ပညိၣ်၀ဲ ဒီးပာ်ဖျါထီၣ်တၫ်ဘၣ်သးအဂ့ၫ်” တဲ၀ဲန့ၣ်လီၤ.
တၫ်ပာ်ဖျါထီၣ်တၫ်ဘၣ်သးအမူန့ၣ် ပှၤကီၫ်ပယီၤဖိလၢအိၣ်ဖဲ၀့ၫ်ဆံးတနံၣ်ပူၤတဖၣ် တီခိၣ်ရိၣ်မဲ၀ဲဒီးပှၤကီၫ်ပယီၤဖိလၢ ၀့ၫ်အဂၤတဖၣ်စ့ၫ်ကီးဟဲပာ်ဃုာ်၀ံၤ ပှၤ၂၀၀ဂၤဘျဲၣ် လဲၤပာ်ဖျါထီၣ်တၫ်ဘၣ်သးလၢအီစတြ့လယါပဒိၣ်ဘျီၣ်ဒိၣ်၀ဲၤဒၢး အမဲာ်ညါဒီးကီၫ်ပယီၤမီၫ်သီ၀ဲၤဒၢးန့ၣ်လီၤ.
ပှၤတီခိၣ်ရိၣ်မဲတၫ်ပာ်ဖျါထီၣ်သးတဖၣ်တခီ ပှၤကီၫ်ပယီၤဖိလၢအီစတြ့လယါပာ်ဃုာ် ထံဂုၤကီၫ်ဂၤတဖၣ် ထီဒါသုးခီၣ်မံးရှၢၣ်အတၫ်ဃုထၢအဂ့ၫ် စုမုၫ်ကျၢၫ်လၢဆဲးလီၤ၀ဲတဖၣ် ကဆှၢ၀ဲတုၤလၢမၣ်လံၣ်မၣ်အပူၤကန့ၫ် တၫ်ဟူးတၫ်ဂဲၤဒီးအီစတြ့လယါပဒိၣ်တကပၤ သုတတူၫ်လိာ်သုးခီၣ်မံးရှၢၣ်တၫ်ဃုထၢအဂီၫ် တၫ်ကဃ့ထီၣ်ဒီးမၤကဒီးတၫ်ပာ်ဖျါထီၣ်သးအဂ့ၫ် တၫ်သ့ၣ်ညါဘၣ်လီၤ.
ဖဲအပူၤကွံာ် လါအီးကထိဘၢၣ် (၁၆)သီအနံၤစ့ၫ်ကီး ဒ်အဆိကတၢၫ်တဘျီအသိး ပှၤကီၫ်ပယီၤဖိလၢလဲၤတုၤဆူ အီးစ တြ့လယါတဖၣ် ပာ်ဖျါထီၣ်တၫ်ဘၣ်သးဒံးန့ၣ်လီၤ.
