လါနိၣ်၀့ဘၢၣ်(၂၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ပှၤလၢလဲၤတုၤအိၣ်လၢကၠီၣ်တဲၣ်ပူၤ ဖိးသဲစးအပူၤကမၤတၫ်အဂီၫ် အလံာ်တၫ်အုၣ်ကီၤတအိၣ်တဖၣ်,ပှၤလၢလံာ်သး သမူလၢာ်တဖၣ်ဒီးပှၤကီၫ်ပယီၤ,လၣ်အိၣ်ဒီးဘံၣ်ယဲးနၣ်ထံဖိကီၢ်ဖိ ခီကီၫ်ပှၤမၤတၫ်ဖိလၢ ဟဲနုာ်လီၤတဖိးသဲစးတဖၣ် ကအိၣ် ဆိးဘၣ်တစိၤတလီၫ်လၢထံကီၫ်ပူၤအဂီၫ်ဒီးမၤတၫ်အဂီၫ် တၫ်ကမၤန့ၫ်၀ဲ(၁)နံၣ်အဂ့ၫ် ကၠီၣ်တဲၣ်ပှၤမၤတၫ်ဖိကိတိာ်၀ဲၤကျိၤ ထုးထီၣ်ဘိးဘၣ်ရၤလီၤ၀ဲလီၤ.
ဘိးဘၣ်ရၤလီၤ၀ဲလၢမုၫ်နံၤ (၂၅)သီနံၤအဖီခိၣ်ဒီးပှၤသီတၫ်ဂီၤအဂီၫ် လံာ်ခီကီၫ် မ့တမ့ၫ် ပှၤလၢလံာ်တၫ်အုၣ်ကီၤ အသး သမူလၢာ်တဖၣ်,ပှၤအိၣ်ဆိးတလၢတဖၣ်(Overstay)ဒီးမၤတၫ်လၢတဖိးသဲစးအပူၤတဖၣ် ထံလီၫ်ကီၫ်ပူၤကိတိာ်၀ဲၤ ကျိၤဒီးပှၤမၤတၫ်ဖိကိတိာ်၀ဲၤကျိၤ တချူးထုးထီၣ်တၫ်ဘိးဘၣ်ရၤလီၤလံၤလံၤ ပှၤလၢဟဲနုာ်လီၤဆူကၠီၣ်တဲၣ်ပူၤတဖိး သဲစးလၢအဲၣ်ဒိးမၤတၫ်တဖၣ် ပာ်ဃုာ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.
ကၠီၣ်တဲၣ်ထံလီၫ်ကီၫ်ပူၤကိတိာ်၀ဲၤကျိၤတခီ ပှၤသီလၢကဒိတၫ်ဂီၤတဖၣ်အဂီၫ် စးထီၣ်ဖဲတၫ်ဟ့ၣ်တၫ်ပျဲအမုၫ်နံၤ လၢ (၁၅)သီအတီၫ်ပူၤ တၫ်ကဘၣ်တီၣ်ထီၣ်မံၤစရီအဂ့ၫ် ဘိးဘၣ်ရၤလီၤ၀ဲဒီးလံာ်ပတံအပှ့ၤ ၁၀၀ဘး,တၫ်မၤလံာ်တၫ်ပျဲ Work Permitအပှ့ၤ၉၀၀ဘး ခဲလၢာ်၁၀၀၀ဘးတၫ်ကဘၣ်ဟ့ၣ်၀ဲအဂ့ၫ်,တၫ်ဟ့ၣ်စ့မ့ၫ်၀ံၤန့ၣ် တၫ်ပတံထီၣ်တၫ်မၤ တၫ်ဖံးတၫ်မၤတဖၣ်အဂီၫ် တၫ်အိၣ်ကတီၤသးကန့ၫ်၀ဲ (၇၅)သီအဂ့ၫ် တၫ်ဘိးဘၣ်ရၤလီၤအပူၤပာ်ဃုာ်လီၤ.
တၫ်ဖံးတၫ်မၤတၫ်ရဲၣ်တၫ်ကျဲၤတဖၣ် တၫ်မၤန့ၫ်၀ံၤန့ၣ် ပှၤမၤတၫ်ဖိတဖၣ်န့ၣ် ဒ်အ၀ဲသ့ၣ်အလံာ်ခီကီၫ် မ့တမ့ၫ် CIလံာ်တ ဖၣ် လၢအသီ(၁၈၀)အတီၫ်ပူၤ မ့ၫ်လိၣ်လၢမၤအါထီၣ်အသးသမူန့ၣ်ကမၤအါထီၣ်ဘၣ်၀ဲ၀ံၤ တၫ်ဆီၣ်လီၤဘံၣ်စၣ် တၫ် မၤအကျိၤအကျဲတဖၣ်စ့ၫ်ကီးတၫ်ကဘၣ်မၤထွဲ၀ဲအဂ့ၫ်,ပှၤမၤတၫ်ဖိအဖိလၢသးနံၣ်ပှဲၤ(၁၈)နံၣ်တဖၣ် တၫ်ကဟ့ၣ်တၫ်ပျဲ ဒုးအိၣ်ဃုာ်၀ဲဒီးအမိၫ်အပၫ်ဘၣ်ဆၣ် တၫ်တီၣ်ဖျါထီၣ်ဖိသးတၫ်ဂ့ၫ်တၫ်ကျိၤဒီးဆူၣ်ချ့တၫ်အုၣ်ကီၤတဖၣ် တၫ်ကဘၣ်ပှ့ၤ န့ၫ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲဘၣ်ဆၣ် ပှၤသီလၢကဒိတၫ်ဂီၤတဖၣ်အဂီၫ် အတၫ်တီၣ်ထီၣ်အမံၤစရီန့ၣ် ကဟ့ၣ်တၫ်ပျဲအဆၢကတီၫ်ဖဲလဲၣ်ဒု လံာ်တၫ်ဘိးဘၣ်ရၤလီၤအပူၤ ပာ်ဖျါ၀ဲတအိၣ်ဘၣ်န့ၣ်လီၤ.
